Joon 13:10 - ŊWÀʼ NYÙY

¹⁰ Jesus bìnèr jii, «Wìr wo wù suùn ne wún, wún vəə́ sì e ránén e dzə̀m. A wù lò lèn, wù sù a dzə̀ kiwuú. Kú a kiíy jii, vèn sì aránén, yii bèy, a bó á yoʼ ràn adzə̀m.»

Joon 13:10 Referans Kwoze

Joon 15:3

Kù dzə̀ mo vinyo ve m yeʼeyin ven shó vi naŋsin ne ven, vèn wáa dzə ajuŋ.

2 Korin 5:17

Ke kí dzəə̀n kí dzə̀ jii, wìr táti wùn Jesus Kristu, bo ŋgaàŋ sì wír wo fíy. Dzəʼə̀m ye mvəə́ shaà ne, a wù sí kér lèn a dzə̀ ye fíyi.

2 Korin 7:1

Ŋkar sem, mo Nyùy kàʼàn vèsən é kinyò fèn, vèsən ku nèn a nyeŋ vinyo ve ví kóʼoy fo Nyùy vidzə̀m, kìn dzə̀ ke wìr kwaʼtì fo wùn shiliv, kìn dzə̀ ke wù yii yiìn. Vèsən ku fò vitú vesən a dzə̀ e Nyùy ŋkuuŋkùŋ, a ghvəm wun, a yu a dzə̀ fó fo.

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

Cù 16:28

Ŋgaà wo wù tònèn kù yíi sù ndzə̀y sə́, e sù sa wún və́, e bóo kfən e kibeèy.

Cù 16:26

«Ké wìr wo wù kì tsəənen kibév, kí dú e Asasel, a dzə̀ wù kù sù ndzə̀y sə́, e sù wún və́, e bóo nəə́ e kibeèy.

Jeem 3:2

Dzə̀ rú, vèsən dzə̀ ben, a vèsən jáy vinyo vinín. Yii bèy, wìr lóo dzə a dzə̀ wù mèy kiliímé kfə́, e làa yòʼ a jay kinyo fo wùn shuù, bo ŋgaàŋ ghèén feyì. A dzə̀ wù kòytí kitú kfə́ dzə́ə sidzə̀m.

Hibru 9:10

Kù‑uù dzə̀ vimfìʼìr ve vinyò, a ví kum a dzə̀ wún, nèn du e mbìv vifa ve yi wùn à ve noón ví, à ve suùn ví. Aá kù‑uù yii vitó vé vinyò vee shooy cáʼ ji á wáa shìy a ghán se Nyùy wíy yiì kinyo ke dzəə̀n sí kíwun.

1 Tesalonika 5:23

Vèr nén a lon jii, wun woo Nyùy wo wù yii, a melív mèsən mè dzə́ nyaáŋ ku yiì, é vèn wáa dzə wír və́ ŋkuuŋkùŋ. A vèr kfə̀n lón sa jii, wù kú a shìy ven, é vèn wáa dzə ajuŋ là nsem, a kwàʼtì a dzə̀ vinyo ve juŋ vi, a ker melív me juŋ mè, é la wìr wùmòʼ yòʼ a ker lóm yìmòʼ e wun wùn gheéy, e dù, e meé e ghan se Tàr wòsən Jesus Kristu wíy a wìy.

Matio 6:12

a làysìn ajay vér mo vèr laysìn vé wìr ve á jáy e vèr.

Jeremia 50:20

Wíy lòo dzə e ghan fóo fèy, aá wáa tàʼ ŋgaà vinyò ve bi ví fo wír veé Israyí mvəm, é la wù yòʼ a dzə, a tàʼ wir liì kisaŋ fo Juda, é la wù yòʼ a dzə, bìʼ fo m wíy làysìn ajay wìr ve mò‑oò bavtin dzəʼə̀m yév, á bér. Suuy mo woo Nyùy Tàr.»

Yòv Viŋgér 4:7

Yìy à wíri, ŋgaà wom ŋkòŋmé, à bòŋ e ŋàŋ, bó shinsem shi yòʼ dzə̀ e wò wùn.

Ŋgaà Tàrvìnyò 7:20

Rúrú, bó wìr woo là nsem yòʼ dzə̀ shó e kitu ke nsay, wo wù kù yii vinyo a dzə̀ ve réŋ ví, a bó yòʼ dzə̀ wù jày kinyo.

Joon 13:9

Simon Pita nèn biìmé lèn jii, «A sì bey, bo à kù su sa sí yém wùn à wó yémé. Bó yòʼ dzə̀ à sù a dzə̀ wuú cáʼcáʼ.»

Joon 13:18

«Mo m suuy vinyo vìn bèn, bó m yòʼ suuy e wìr dzə̀m. M kì wír ve m shoʼon ji vém, a m kfə̀n kì ji kinyo ke vé‑eè saŋen é Ŋwàʼ Nyùy ki kér fó wìy gheén. Vé‑eè sàŋ jii, ‹Vèr wìr kì yíkir kighín kimòʼón, wù kfən lò, e shòʼ e mǒ bàm.›