Joon 12:50 - ŊWÀʼ NYÙY

⁵⁰ A m kì ji ntum ye wù tumen mo shó rə̀n dzə̀ ye yì fó dzəʼə̀m yee là may. M nén a fìʼtì kinyo ke m fiʼtì kidzə̀m a dzə̀ kíwun ke Tàr wor tumen mo shó.»

Joon 12:50 Referans Kwoze

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Joon 6:68

Simon Pita nèn bìnèr jii, «Tàr, vèr kfə̀n du, e yen a dzə̀ la? Kù jòʼsì wò wo à kér jí se sí fó dzəʼə̀m yee là may.

Joon 6:63

Vèn wáa kiíy jii, kù yii fó Kiyoy ke Nyùy dzəʼə̀m yee là may e wìr, a bó yòʼ dzə̀ wìr wàa ker fo wùn vitaaví. A jí se m súŋnin e vèn sin si lo fo Kiyoy kee shooy ki, nén a dzə síwun se sí fó dzəʼə̀m yee là may.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

1 Joon 2:25

Vèn wáa kuumé ji yì‑iì kàʼ Wan Nyùy və̀n ji wun wíy fo vèsən dzəʼə̀m yee là may.

1 Timoti 1:16

Jesus Kristu nèn shàm mo woo fon aŋgàa vinyò ve bi ví və̀n ji wun fíʼ dìn a mo wun yii kfə́men ji weè, shiyì, é wíri fíʼ a yen, a way shilív sá e wun wùn, e wìy nəə́ e dzə̀ʼə̀m yee là may.

Joon 20:31

Á nén a saŋ vin bèn ji vèn fiʼ biìmé a ji Jesus dzə̀ *Mfə̀ə́r, a dzə̀ Wan Nyùy. Vèn biíme, wáy shilív é wùn wó, é wù nèn yiì, é vèn wáa ker dzəʼə̀m yee là may.

Remrí 18:18

M wíy tum ŋgaà ntum wùmòʼ fo áwuné wùn moo wò, wír, a wù wíy fəə a dzə̀ fo áwuné mvəm. M wíy way jí sém é shuù wo, é wù wáa suúy kinyo kidzə̀m ke m yòŋèn shó aáwune.

Joon 5:19

Jesus nèn lò, a suúy aáwune jii, «Vèn wáa kiíy rú ji bó yòʼ dzə̀ Wàn Nyùy wàa yiì kinyo ji yii wun, wù kù yii yii kinyo a dzə̀ ke wù yén, a Tàr wov yii. A Tàr yiì ka, bo Wàn kù yii kíwun,

Joon 8:28

Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.