Joon 12:48 - ŊWÀʼ NYÙY

⁴⁸ Wìr wo wù méŋ mo, káy kinyo ke m fiʼtì, sí kér kinyo ke kí wíy saʼ wun e kishiíy ke á wíy a tinén nsaʼ se wìr dzə̀m, a kù dzə̀ jí see shooy se m fiʼtì.

Joon 12:48 Referans Kwoze

Ŋwàʼ Luk 10:16

Jesus lòo màysì, e sùúy e vé ntum vìyi jii, «Wìr wo wù yuúri kinyo kén, ŋgaàŋ yuúri a dzə̀ kém. Wìr wáa káy ven, bo ŋgaàŋ káy a dzə̀ mo. A wìr káy mo, bo wù káy a dzə̀ ŋgaà wo wù tumen mo.»

Ŋwàʼ woó Rom 2:16

A kù dzə̀ mo sáʼka Nyùy wo m fiʼtì və̀n din ji Nyùy wíy tinén nsaʼ wìr dzə̀m. Wíy lòo dzə e kishiíy fóo fèy, é wáa ghemrí Taàtá Jesus Kristu vinyo ve wíri lem aáwuné meliv vidzə̀m, e bó a tinén nsaʼ yev shó.

2 Tesalonika 1:8

A Jesus wíy wìy a dzə̀ é mvə̀m kiliìmé ke və̀y, e nèn màʼ ŋgeʼ e wír ve á méŋ Nyùyi, e kfə̀n màʼ e wír ve á tenen sáʼka Nyùy wo juŋ woo kùm wun woo Taàtá wòsən Jesuse.

Joon 11:24

Maata suúy jii, «M kì bey ji wù wíy fəə e kishiíy ke wíri wíy a fəəkír fo kpu e ghan sé bàm sí.»

Hibru 12:25

Vèn wáa yen rì fó ŋway kinyo ke Nyùy wo wù súŋnin e vèn ŋwáyín. Vèn kì sá ji wù‑uù lo màʼ ŋgeʼ e wír ve vé‑eè ŋwáy kinyo ke ŋgaà wo wù‑uù lèmèn é nsay fèn ji wù wáa tir wíri. Mo kí dzəə̀n ben, bo bó wìr wo wù ŋwáy kfə́ a dzə̀ kinyo ke wun woo Nyùy súŋnin fo yuv yòʼ wíy bòy fo ŋgeʼ gheéy.

Aysaya 53:3

Wíri‑iì leey wun fo kisaŋ, kù nyaysì nyàysìn. Wù‑uù dzə̀ wír, a wù‑uù toòmé ŋgeʼ, e toòmé nyár. Wìr yòʼ kfə̀n‑eè kóŋ a leéy wun. Vèr kù‑uù sí ŋwáy wun ŋwáyín, yén wun ji kifá ke kisaŋ ki.

Hibru 2:3

Mo kí dzəə̀n ben, vèsən kfən lò, a meŋ kiŋgaʼnìn ke kinyò ke yiìn Wan Nyùy ji vèsən fiʼ lùŋ, bo dzə̀ vèsən yèe, e bóo bòy fo ŋgeʼ? Kù‑uù tòmbìy, a fìʼtì wun woo Taàtá wòsən Jesus Kristu kinyo kìn, é bo wír ve vé‑eè yuuné wáa fìʼtì, é vèsən wáa kiíy sa mo kí dzəə̀n.

Joon 5:45

Lá vèn yòʼ a kwàʼtì ji m suuy bèn ji m fíʼ lì ajay vén, a bi Tàr wor shó. Wìr wo wù sí bí ajay vén vee shooy dzə̀ Mooser wo vèn wayin vifií é wùn wó.

Matio 21:42

Jesus dzə́r jii, «Vèn yòʼ‑oo yií ne yòŋ kinyo kee shooy fo Ŋwàʼ Nyùy à? Kí suuy fo jii: « ‹Tíy ye vé kimbome leeyin ntéŋé sì yíwun ye yí loòn ne, e tòm kór lav. Kù yiì Nyùy Tàr kinyo kìn, vèsən wáa leéy, a ker gháʼ.›

1 Samuel 10:19

M dzə̀ Nyùy wo wù‑uù səən ven fo věn ŋgeʼ si, e sə̀ fo věn akíghàʼ. Yii bèy, a vèn mèŋ ne mo lán, a dzər ji m fó á ven fon. Á bèy, vèn báʼtí ri, e tìím e Nyùy Tǎr si, e ram sí ram sí, e tìím aàkáŋ aàkáŋ.› »

2 Korin 4:3

Kí nén a dzə jii, a wíri kfə̀n méŋ sáʼka Nyùy wo vèr fiʼtì və̀n, bo kù dzə̀ vee shooy ve á sí du, e nəə́ e kpu yee là may.

Ŋwàʼ Luk 20:17

Jesus túy sí aáwuné wùn, e dzə̀r jii, «Bo kinyo ke vé‑eè saŋen é Ŋwàʼ Nyùy ki dzə̀ ji ka lèn? Vé‑eè sàŋ jii: « ‹Tíy ye vé kimbome leeyin ntéŋé sì yíwun ye yí loòn ne, e tòm kór lav.

Ŋwàʼ Luk 17:25

Yii bèy, é bo wù wìy dù, a kfən, wù kér fó tòmbìy yen ŋgeʼ sinín, é ŋgwàʼ yee lèn káy wun.

Ŋwàʼ Luk 9:26

Vèn wáa kiíy jii, a wìr woóme fó a dzə ŋgaà wom ŋgoo, kfə̀n woóme fó a jùmrì kinyo kém, bo ŋgaà wo yírí dzəə̀n Wanwìr və̀n wíy a woomé sa fó lì ŋgaàŋ ji və́ə woo wír e ghan se wù wíy a kfən e wùn mvə̀m vikùʼùy ve dzəə̀n vé Tàr wov wùn à nshèelav sə́ sí.

Ŋwàʼ Luk 9:22

Wù wáa suúy jii, «Ŋgaà wo yírí dzəə̀n *Wanwìr və̀n kér fó wìy yen ŋgeʼ sinín. Vé wòŋe wùn à vitú ve atàá cùu, à wír ve á duŋrì nsəri wíy kay wun, e yuyrí, vishiíy ví mee vitaár, é Nyùy fəə́r wun fo kpu.»

Ŋwàʼ Luk 7:30

Yii bèy, wír veé mbìv *Farasi wùn à wír ve á yii duŋrì nsər Nyùyi nèn tèn kév kinyo ke Nyùy sìysìn kin ténén, bìʼ fo vé‑eè tenen sá fo Joon wáy áwune é ndzəv.

Maak 16:16

Wìr wo wù biimen, á kfən wày wun e ndzəv wíy lùŋ. Wìr wo wù tenen fó biimé wíy gbù nsaʼ.

Maak 12:10

Bó vèn yòʼ‑oo yií ne yòŋ kinyo kee shooy fo Ŋwàʼ Nyùy à? Vé‑eè sàŋ jii: « ‹Tíy ye vé kimbome leeyin ntéŋé sì yíwun ye yí loòn ne, e tòm kór lav.

Matio 25:31

Jesus kfən sùúy jii, «Ŋgaà wo yírí dzəə̀n *Wanwìr wíy lòo kfən, a wù sí kér vikuʼùy və́ veé yuv, a sí wiy wùn à nshèelav se Nyùy si sidzə̀m, é wù nèn kòʼ é kàvàʼ wo Nyùy dzə̀ʼə̀rìn wun sho.

1 Samuel 8:7

Nyùy Tàr suúy shó jii, «Yuúrí kinyo ke áwune suuy ki. Áwune yòʼ méŋ a dzə̀ wò, á méŋ a dzə̀ mo. Áwune mèŋ ne mo fó fòn wov.

Lim Aŋgàa Ntum 3:23

Wìr wíy ten fó a yuurí kinyo kfə́, aá fəə́r ŋgaàŋ fo wír Nyùyí mvəm, e yùyrí.›

Maak 8:31

Jesus nèn kèʼ, a yeʼéy wón və́ lìm mo dzəʼə̀m rəə́ dzəə̀n, a suúy jii, «Ŋgaà wo yírí dzəə̀n *Wanwìr və̀n kér fó wìy yen ŋgeʼ sinín. Atǎr wòŋ wùn à vitú ve atàá cùu, à wír ve á duŋrì nsər Nyùyi wíy kay wun, e yuyrí. Yii bèy, vishiíy ví mee vitaár, é wù fəə́ fó kpu.»

Matio 10:15

A m suuy kinyo ke ru kí e vèn jii, wíy lòo dzə e kishiíy ké nsaʼ, é Nyùy shám wír veé Sodom wùn à veé Gomorràa, e shaà wír veé ntèʼ fóo fèy.

Joon 6:39

Kinyo ke ŋgaà wo wù tumen mo koŋ ki dzə̀ jii, lá m yòʼ biìmé, é wìr mòʼón lay fo ve wù‑uù foon e mòó, é wíy lóo dzə e ghan sé bàm sí, é m fəə́r áwune adzə̀m fo kpu.

Joon 8:47

Wìr wo tàr wov dzəə̀n rú Nyùy yii yuúri kinyo ke Nyùy suuyì. Vèn yòʼ dzə̀ wón Nyùy gheéy. Á kinyo ke kí yiìn, bo vèn wáa ten fó a yuurí.»

Lim Aŋgàa Ntum 17:31

A wù suuy bèy, bìʼ fo wù‑uù sìysìn ne kishiíy ke á wíy a saʼ nsaʼ wìr dzə̀m, a tinén réŋréŋ mo yì dzəə̀n. Wù‑uù shòʼ ne wír wo wù wíy tinén nsaʼ yee shooy, e lòo fəə́r ŋgaàŋ fo kpu, e dìn, wìr dzə̀m yén ji kinyo kee shooy ki wíy koóy rú.»

Hibru 4:12

Vèn wáa kiíy jii, jí se Nyùy si dzə̀ sigháʼtín, a dzə̀ sí yiì kinyo. Sí lim e wìr shiliv, lim e vifii, njím shaa shwàʼ wo á baàyìn mbìv sidzə̀m. Sí sáyri kwaʼtì wìr e dzə̀m, kìn dzə̀ ye yí tíy e shiliv, kìn ye wù kwaʼtì a dzə̀ fó vifii, kwaŋrì réŋréŋ mo shwàʼ ghàn é nsàn se vighvər.

Hibru 10:25

Vèsən kú a tarnín ghán sidzə̀m, e làa yòʼ a màʼày kintatì mo wír ámóʼó yii. Wìr kú a tir fə́r və, a lùmèr shilív sə́, a kuumé ji ghán se Taàtá wòsən Jesus wíy kfən si sì á fo mentsə̀m.

1 Pita 1:5

Kù wíy a dzə vijuŋ vén, ven ve á wáy shilív e Kristu wùn, a vitaáví vé Nyùy vi shiy ven, e meé e ghan se wù wíy fəə́r dzəʼə̀m yee là may rə̀n e ghan sé bàm sí.

2 Pita 3:3

Kinyo ke kuʼùn ke m taʼ ji vèn kiíy kí dzə̀ jii, ndzə wíy kèʼ may, é wír ámóʼó fəə́, a sheʼ kinyo ke Nyùy shéʼén, a yiì a dzə̀ vinyo ve mensə́ mev mè koŋ vidzə̀m.

2 Pita 3:7

A kù dzə̀ mo wù‑uù suuyin sá ji nsay wùn à yúv wo wú dzəə̀n lène waà wíy shwi, a wù shiy a dzə̀ kishiíy ke wù wíy saʼ wír ve á méŋ wun adzə̀m, e laàr.