Joon 12:47 - ŊWÀʼ NYÙY

⁴⁷ Wìr wáa dzə wo wù yú kinyo kém, wáŋ waŋén, bo bó yòʼ wíy saʼ mo ŋgaàŋ. M yòʼ wìy e ndzə fèn ji m wáy wíri a dzə̀ é lòn, m wìy kém ji m luŋer wíri lúŋerin.

Joon 12:47 Referans Kwoze

Joon 3:17

A bó Nyùy yòʼ tùm Wán və é ndzə fèn ji wù wáy wíri a dzə̀ é lòn. Wù tùm ji wù yii, é wíri luŋ.

Joon 12:48

Wìr wo wù méŋ mo, káy kinyo ke m fiʼtì, sí kér kinyo ke kí wíy saʼ wun e kishiíy ke á wíy a tinén nsaʼ se wìr dzə̀m, a kù dzə̀ jí see shooy se m fiʼtì.

1 Joon 4:14

A ver vee aŋgàa ntume‑eè lo yèn sá Wán və wo wù‑uù tumen é nsay fèn ji wù wiy, e tìn wíri fó lòn.

Ŋwàʼ Luk 19:10

a ŋgaà wo yírí dzəə̀n *Wanwìr wìy fó tàʼ wír ve vé‑eè làykìn ne, e lùŋèr.»

Joon 5:45

Lá vèn yòʼ a kwàʼtì ji m suuy bèn ji m fíʼ lì ajay vén, a bi Tàr wor shó. Wìr wo wù sí bí ajay vén vee shooy dzə̀ Mooser wo vèn wayin vifií é wùn wó.

Matio 20:28

A dzə̀ réŋréŋ sá mo ŋgaà wo yírí dzəə̀n *Wanwìr və̀n yoʼ wìy ji wíri wáa lìm fo wun. Wù wìy ji wù wáa lìm fo wíri, e fo kitú kfə́, e fíʼ tin wír anín fo lòn.»

2 Pita 3:15

Vèn wáa kuumé ji Taàtá wòsən Kristu kfə̀mén, a ndzə̀ytì bèn ji wíri fiʼ bìnèr a melív mev, e wìy lùŋ. A kù dzə̀ mo fər wòsən Por wo vèsən koŋ adzə̀m‑eè saŋen fo vèn, wun wo Nyùy foon wun vifií, wù sáŋ aŋwàʼ anín.

Joon 8:26

A kì dzə̀ m wàa suúy vinyo vinín, a sayrí vinyo vén. Yii bèy, a m fiʼtì kém kinyo e wír veé ndzə fène a dzə̀ ke mò‑oò yuun fo ŋgaà wo wù‑uù tumen mo, a vinyo və́ ví kù yii dzə́ ve ru ví.»

Matio 18:10

«Vèn wáa yen fó a kay wír fo wón ve terí víne. Vèn wáa kiíy jii, nshèelav se Nyùy se sí leey fo áwune sí meéri e Tàr wor wo wù dzəə̀n é yúv si ghán sidzə̀m. [

Ŋwàʼ Luk 9:56

e nèn lò, wùn áwune wáa dù e ntèʼ ye sən.

Matio 18:11

A ŋgaà wo yírí dzəə̀n Wanwìr və̀n wìy ji wun tàʼ wír ve vé‑eè làykìn ne, e lùŋèr.]