Joon 12:43 - ŊWÀʼ NYÙY

⁴³ A vé‑eè fan bèy, bìʼ fo á koŋ búrí a dzə̀ yé wíri, nèn laysìn búrí ye dzə̀ wàa burí Nyùy.

Joon 12:43 Referans Kwoze

Joon 5:44

A bó yòʼ dzə̀ vèn wày shilív e mǒ wùn, bìʼ fo vèn koŋ fó a yiì vinyo a dzə̀ ve wáa binsí wíri, e làa yòʼ a leéy ji wáa binsí Nyùy wo kù jòʼsìn wun ji Nyùy.

Joon 5:41

«A bó m yòʼ fə̀m suuy bèn ji wáa binsí wír kinyo kém.

Ŋwàʼ Luk 16:15

Jesus nèn a suúy aáwune jii, «Kù dzə̀ ven vin ve á laarì sí wíri, din wún ji wír ve juŋe, a kù kì Nyùy melív men. Vèn wáa kiíy jii, vinyo ve wíri búri ji ví mèé e vinyò vi dzə̀ ve ví kóʼoy fo Nyùy kóʼóyín.»

1 Tesalonika 2:6

Vèr yòʼ‑oò ló a tàʼ ghvə́m yímóʼó gheéy, kìn fo vèn, kìn fo wír ámóʼó.

2 Korin 10:18

A kí dzə̀ jii, a wìr lò, a suúy a dzə̀ kitú kfə́, la wíri yòʼ a yen. Vitaáví vé Nyùy vi lóo yensín e wìr lìm, á nèn a yen.

Matio 6:2

«Kí nén a dzə jii, vèn lóo fo kifá e ŋgaà ŋgeʼ, lá á yòʼ a toŋ sóŋ mo vé kindìnwùné yii yii e ŋgày se bùnrì, kfə̀n yii e màdzəə̀ ji wíri fíʼ a yen, a burí áwune. Vèn wáa kiíy rú jii, búrí yee shooyi sì vév vee vilaámé bey.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Joon 12:26

A wìr taʼ ji wun wáa dzə wán wom lìm, wù kù a ghan vèr wun. M lóo dzə fo m dzə́, é kú a dzə vèr wun. Wìr wáa lìm fo mò, bo Tàr wor wíy bùʼ ŋgaàŋ.»

Joon 8:54

Jesus bìnèr jii, «A m lò, a suúy kitú kém, bo dzə̀ kinyo kisáŋ. Kù din Tàr wor mo m dzəə̀n. A kù dzə̀ wun woo shó wo vèn yoŋ ji Nyùy won.

Ŋwàʼ Luk 19:17

Wù shéʼrí jii, ‹Beerì feyì, à dzə̀ wánlè wo juŋ. Mo à siiyin, a leéy fo shishàr fèn kijuŋ, m yíi fo wò ntèʼ e ghvə̀m, áà wáa saʼ.›

1 Samuel 2:30

Yú ke Nyùy Tàr, Nyùy wìr veé Isray suuy e wò ki. Mò‑oò lo kàʼ rú ji kfə́ə yée wíy a lìm fo mò ghán sidzə̀m ji atàá cù mo rám yée wíy a dzə. Yii bèy, yú ke Nyùy Tàr suuy lèn ki. Bó kí yòʼ dzəə́ yìi koóy bèy. M sí yiì a nàn wír ve á ghvə́m mo, a sèn wír ve á ŋwáy mo.

1 Pita 3:4

Viŋgòn vén ví kú a dìn a dzə̀ fo věn meliv. A dzə̀ jii, vèn kú a ker a liì wo juŋ, a dzə ji nyaáŋ. Á viŋgòn ve Nyùy yii yén ji viŋgòn feyì, a bó yòʼ dzə̀ ví kòsìn.

Ŋwàʼ woó Rom 2:7

Lóo dzə wír wo wù‑uù rə́si yii a dzə̀ vinyo ve ru ví, leey ji wáa binsí Nyùy, shiy mbùʼmé a dzə̀ wo Nyùy ji wùn Nyùy ku wìy a dzə ghán sidzə̀m, é Nyùy nèn fò ké ŋgaàŋ a dzə̀ dzəʼə̀m yee là may.

Nsùyrì Nyùy 22:29

Rúrú, vé kindìnwùn adzə̀me wíy gbù e wun si, é wìr msòŋ wiy, e tsə̀m ndzəə́ e si wo.

1 Samuel 15:30

Saul biímé jii, «M dzə̀ a m jáy. Kii wò, ku yòʼ ghvə̀m mo e kfə́m sé wìr vém sí si, e kfə̀n ghvə̀m e wírí si, é wòsò kfə́n é bàm, é m fiʼ dù cù Nyùy Tàr woo Nyùy wò.»

Ŋgàn 29:25

À lóo fàn wíri, bo à yíi lò, e lì e kitam. Yii bèy, wìr tiir a dzə̀ Nyùy fo mbìy, bo wù yíi a kìŋsìn wun.

Joon 7:18

Wìr wo wù yii kinyo ji yii wun, ŋgaàŋ taʼ a dzə̀ ji wíri wáa burí wun. Wìr wo wù kù yii taʼ kfə́ ji á wáa burí a dzə̀ wír wo wù tumen wun, nén a suúy a dzə̀ vinyo ve ru ví, a bó yòʼ dzə̀ wù lòʼ kinyo.

Ŋwàʼ woó Rom 2:29

Wìr woó Juda woo rú dzə̀ woo fó shiliv, a dzə̀ ji á nàŋsín a dzə̀ shilív sə́. A kù nàŋsín Kiyoy ke Nyùy, a bó yòʼ dzə̀ nsər ye á saŋen ji á mo wìr wáa yiì, yì nàŋsín. Ku nèn a binsí Nyùy kinyo ke ŋgaàŋ, a bó ŋgaàŋ yòʼ dzəə́ leey ji wáa binsí a wír.