Joon 12:42 - ŊWÀʼ NYÙY

⁴² Mo wíri fə̀m‑eè méŋ Jesus, ámóʼó ku yòʼ a way shilív é wùn wó, à vé wòŋ ámóʼó anín. Yii bèy, a bó yòʼ‑oò dzə̀ wìr wàa dìn e ŋgèŋgèr, bìʼ fo vé‑eè fan wír veé mbìv *Farasi, kfə̀n fan fo á jum áwune fó kintatì keé ŋgày se bùnrì.

Joon 12:42 Referans Kwoze

Aysaya 51:7

«Ven ve á kiìn kinyo ke ru kí, ven ve á yuun ntir sém, a yiì mo m koŋè, vèn yuúrí. Wíri lóo kuù ven, lá vèn yòʼ a fàn, á lóo shùr ven e liy si, lá vèn yòʼ a yàʼ.

Joon 9:22

Aá ndzə́v lám bey, a vé‑eè fan a dzə̀ vé wòŋe, bìʼ fo vé‑eè sìysìn ne jii, a wìr bìnsí ji Jesus dzə̀ *Mfə̀ə́r wo Nyùy‑iì kàʼàn, á jùm á ŋgaàŋ fo kintatì keé ŋgày bùnrì.

Joon 7:13

A bó yòʼ‑oò dzə̀ wìr wàa binsí kinyo ke Jesus e ŋgèŋgèr, bìʼ fo vé‑eè fan vé wòŋe.

Ŋgàn 29:25

À lóo fàn wíri, bo à yíi lò, e lì e kitam. Yii bèy, wìr tiir a dzə̀ Nyùy fo mbìy, bo wù yíi a kìŋsìn wun.

Matio 10:32

«Vèn wáa kiíy jii, a wìr biìmé lèn e wírí si ji wun dzə̀ wír wom, bo m wíy biimé sa ŋgaàŋ e Tàr wor woó yúv si.

1 Joon 4:15

Kí nén a dzə jii, a wìr fiʼtì ji Jesus dzə̀ Wan Nyùy, bo ŋgaàŋ tíy kfə́ wùn Nyùy, a Nyùy tíy sa wùn ŋgaàŋ.

1 Joon 4:2

A dzə̀ vèn wàa səə̀m wír wo wù kér rú Kiyoy ke Nyùy a dzə̀ fó kinyò ke wù suuy kùm Jesus. A wìr fiʼtì ji Jesus Kristu‑uù wìy é nsay fèn, e lì mbom wìr, bo ŋgaàŋ kér rú Kiyoy ke Nyùy.

Ŋwàʼ woó Rom 10:10

A kí dzə̀ bey, bìʼ fo Nyùy li wír, náŋsin ji woo là jay a dzə̀ mo wù yén, a wù wáy shilív e Jesus wùn. Ŋgaàŋ kfə́n lóo fìʼtì fo shuù, kí nèn a dìn ji wù lùŋ a ne.

Lim Aŋgàa Ntum 5:41

Áwune lò fo vé wòŋé si, a dù, a sheʼrí ji áwune ghèén a e wìr ve dzə̀ á wàa shoór bìʼ Jesus.

Joon 19:38

Mo Jesus kpuun, wìr wo á yoŋ ji Joosev wùmòʼ, a dzə̀ wír woó ntèʼ yee Arimatia, nèn dù, e yèn Payler, a lon ji wù ku màʼtì, é wun shaʼar á dzə́n Jesus. A wun woo Joosev‑iì dzə̀ ŋgaà ŋgoo Jesus wùmòʼ, lir lìrìn, bìʼ fo wù‑uù fan vé wòŋe. Payler biímé, wù nèn dù ji wun shaʼàr dzə́n Jesus.

Joon 16:2

Á wíy siíy, a jùm jùm ven fó vintatì veé ŋgày se bùnrì. Ghán sí sí gheenè, wìr wíy yuyrí wír fo vèn, é wù wáa kwàʼ ji wun yiì a dzə̀ lim ye juŋe fo Nyùy.

Joon 12:11

bìʼ fo wír aníne‑eè yuun kinyo ke Jesus yiìn e Laasaror, e nèn a nyeŋ áwune nyéŋén, a yu kinyo a dzə̀ ké Jesus.

Joon 11:45

Wír ve vé‑eè wìyìn ji á shám Maria vìyi yén kinyo ke Jesus mùmèn kin, ámóʼó nèn wày shilív é wùn wó anín.

Joon 9:34

Á nèn a kuùrì kuùrìn jii, «À dzə́, a vé‑eè dzə̀ə́ wò e kikun ké lòn kí, aà taʼ ji à yéʼéy ver a?» Á nèn jùm fo kintatì keé ŋgày bùnrì.

Joon 3:2

Wù nèn wìy lò vitsə́ʼ vímóʼ ví, e dù, e yèn Jesus, e yòŋ jii, «Ŋgaà Yèʼey, vèr kì ji tùm Nyùy wò ji à wiy, a yeʼéy ver. Bó yòʼ dzə̀ wìr wàa yiì viŋgaʼnìn ve vinyò ve à yii vìn, a bó túm Nyùy ŋgaàŋ.»

Ŋwàʼ Luk 12:8

«M nén a suúy e vèn jii, a wìr biìmé lèn e wírí si ji wun dzə̀ wír wom, bo ŋgaà wo yírí dzəə̀n *Wanwìr və̀n wíy biimé sa ŋgaàŋ e nshèelav se Nyùy sí si.

Ŋwàʼ Luk 6:22

«Vèn lóo jùmrì ŋgaà wo yírí dzəə̀n *Wanwìr, wíri lóo bàn ven, lóo jùmjùm, lóo kuùrì ven, lóo yòŋ ven e yír se bi sí, bo bòŋ vishí vén.

Aysaya 66:5

Vèn yuúrí kinyo ke Nyùy Tàr suuy ki, ven ve á kér shií ji á yuúrí jí Nyùy Tàr, fan fó lì fo tèr. Wù suuy e vèn jii, «Afə́r vén veé Isray ámóʼó ban ven, méŋ ven, bìʼ fo vèn yoy, tiir a dzə̀ e mǒ wùn. Áwune té lám jii, ‹Nyùy din ri vikuʼùy və́, e bòyìr ven, é vèr yén mo vèn shéʼri.› Áwune té lám bey, a dzə̀ áwune ve m yíi yiì, aá wáa woomé.

Aysaya 57:11

Nyùy Tàr kú a dzər jii, «Anyùy ve vé‑eè bemerin ven, é bo vèn bóʼtí kimboʼtì vèsən, e làysìn mo ŋkuuŋkùŋe dzə̀ viné? Vèn tèn fó a ghvəm mo, bìʼ fo m kfəmen, e dzə̀ʼə̀m kisə́sə ntàmda à?

Jeremia 38:19

Fòn Tsədekiya nèn a wovrí kfə́ e Jeremia jii, «M fan afə́r vém veé Juda ve vé‑eè shwiin ne kitú e wír veé Babilone. M fan ji kìn m du, aá wáy mo aáwuné wo, aá wáa nə̀ʼsì.»

Ŋwàʼ Luk 23:13

Á siìr Jesus, Payler nèn kùm vitú ve atàá cù wùn aàtǎr wòŋe, e kfə̀n kùm wíri.

Joon 7:31

Yii bèy, a wír ámóʼó kù yòʼ wáy shilív e Jesus wùn anín, suuy ji Mfə̀ə́r sà wíy wìy, é wù yii vinyo ve ví din vitaáví vé Nyùy, e shaà ve wìr və̀n yii a.