Nyùy Tàr kfən sùúy e mò jii, «Ku yiì, é melív me wìr vìn mè lur, e sə̀mrì vituʼùr vév ví, e sə̀tí sí yéví, fo sí yéví wáa yen virə́ʼ, é vituʼùr vév ví wáa yu, é melív mev mè wáa səə̀m kinyo, aá binkir, é m fer áwune.»
Wù suúy aáwune jii, «Dzə̀ ven vin ve Nyùy yiìn ne, vèn kiíy vinyo ve saʼ rə́ ye yí dzəə̀n é kilìr. Yii bèy, a wír ámóʼó yú kév cáʼcáʼ ji ŋgàn. A kí dzə̀ bey ji kí fíʼ a dzə mo kí‑iì dzəə̀n jii, ‹Áwune lóo leéy, é la á yòʼ a yen kinyo ke kí dzəə̀n, lóo yuurí, é la á yòʼ a yu nsàv.› »
A kí dzə̀ bey ji kí fíʼ a dzə mo vé‑eè saŋen jii: «Áwune kù wíy a leéy leeyín, e làa yòʼ a yen. Áwune kù wíy a yuurí yuurín, e làa yòʼ a yu. Aá yii bèy, fó kfən fo Nyùy, é wù laysin ajay vév.»
«Kiyoy ke Nyùy Tàr kí shiy mo, bìʼ fo kí yoʼon ne mo, e tùm ji m wáa fìʼtì sáʼka wo juŋ e vé ŋgeʼe, a tiisí e wír ve á koon é shùu rərí ji á yíi bòyìr áwune fó vikwàn, e kfə̀n a fìʼtì aàmfìri ji á wíy mvə̀ʼtì sí yév. Kí kfən tùm mo ji m fəə́r wír ve á nəʼsì áwune fó ŋgeʼ,
Wír veé Israyi nèn lò, e sùúy jii: «Vèsən kfə́n é bàm e Nyùy Tǎr wùn. Wù sàʼtì ne vèsən, yii bèy, a wù yíi fèr. Wù lèmér ne vèsən, yii bèy, a wù yíi kur vileémé vesən.
«Wàn wìr msòŋ, à dzə́ vèn à wíri, aá táv kitú. Áwune kér sí yé a yen sho, yii bèy, a bó á yòʼ yéné. Á kér vituʼùr vé a yu sho, yii bèy, a bó á yòʼ yú, bìʼ fo á táv kitú e ŋàŋ.
bìʼ fo Nyùy Tàr‑iì yiìn, á táv kitú, e wìy tàm wùn à Isray e shùu rər. Á tám bey, Nyùy Tàr nèn yiì, Isray laàr áwune ŋkuuŋkùŋ là mendzən réŋréŋ mo Nyùy Tàr‑iì yòŋèn e Mooser ji á yii.
«A ŋgaà ntum woo shó dù e kiyuŋ, e mvə̀ʼ shuu və́, bo kù‑úù fəə́ kimboʼtì, a bóʼtí mo woo Nyùy Tàr ŋwérín, a m kù lo, e màʼ kiwó e wùn wó, e fəə́r wun fo wír vém veé Israyí mvəm.
Mo kintatì ki tumen áwune, á nèn lò, a shaà dzə́ə fó wòŋ Fənisia wùn à woó Samariàa, a ghan aŋgàa biimé vee fó, a fìʼtì mo wír ve bó yòʼ dzəə̀n veé Judàa biimen ne sa kinyo ke Jesus. Wìr dzə̀m wáa yu, a sheʼrí feyì.
Yii bèy, vé‑eè sòv wun, e lèmér, a kù dzə̀ bìʼ ajay vér, e bvə̀ʼtí wún və́, a dzə̀ bìʼ vinyo vér ve bi ví. Wù‑uù toòmé ŋgeʼ a kù dzə̀ yéer, ji vèr fíʼ a ker nyaáŋ. Dzə̀ vileémé və́ ve ví yiìn ne, vèr bónén.
Éè Nyùy Tàr, à nàn ne kóy wó e yuv ji à lo, e màʼ ŋgeʼlàʼ e wír ve bií kitu, yii bèy, a bó áwune yòʼ fə̀m yén, a síi rúné. Nyùy Tàr, ku dìn koŋ ye à kér fo wír vée, é yí yii, aáwune méŋ fo á dzəə̀n. Dòʼshwiiy wò ku baàrí, e tòn aŋgaà vé vibàn.
Fo kém kí, m yíi yiì, é wír veé Ejivi táv kitú, e shèm aáwuné bàm. M yíi tòn Farao wùn à mànjòŋ və e dzə̀m, woó vitentén wùn à woó nyàm se ŋkoʼ, e nèn a ker viwìr.
M yíi yiì, é Farao kfən tàv kitú, e shèm e věn bàm ji wun koó ven. A m yíi so wun wùn à vé rər vəə́, é búrí ye kuʼùné yiì a dzə yém, é wír veé Ejivi nèn kìíy ji m dzə̀ ben, a m dzə̀ á Nyùy Tàr.» Wír veé Israyi ku nèn yùnín Nyùy Tàr, e kfə̀n é bàm, e tùy táv sév fo wù‑uù suuyin.
Yii bèy, m yíi yiì, é Farao wáa tav kitú. A dzə̀ jii, m yíi yiì vinyo vinín e wòŋ Ejiv ve ví wáa dìn vitaáví vém, e kfə̀n yiì viŋgaʼnìn ve vinyò vímóʼ ví vinín,
Nyùy Tàr kfən sùúy e Mooser jii, «À kfə́n e bàm é Ejiv, à mùm ji à yii á viŋgaʼnìn ve vinyò vidzə̀m ve m foon wò vitaáví ji à yii e Farao si. Yii bèy, m yíi yiì, é wù táv kitú, e làa yòʼ màʼtì wír veé Isray ji á lo.
Ké mentiy ki lòo shaà, Nyùy Tàr kfən sùúy e Mooser jii, «Kfən dù, e yèn Farao. Kù yiì mo ji Farao wùn à vé sáʼ vəə́ wáa tav a kitú. A m yiì bèy, ji m fiʼ yiì a viŋgaʼnìn vém vé vinyò aáwuné mvəm,
A dzə̀ ji mo Mooser wùn Aaron‑eè yiìn ne viŋgaʼnìn ve vinyò vìn vidzə̀m e Farao si, Nyùy Tàr ku yiì, Farao kú a tav kitu, e làa yòʼ màʼtì wír veé Isray ji á lo fo wun wòŋ.
Nyùy Tàr nèn sùúy ji m du, e yòŋ a e wír veé Israyi jii: «Vèn kú a yuurí yuurín, yii bèy, vèn yòʼ ló a yu. Vèn wáa leéy leeyín, yii bèy, vèn yòʼ ló a yen.»