Joon 12:36 - ŊWÀʼ NYÙY

³⁶ Mo ŋgaà ran və̀n dzə̀ə́ vèn áwune, vèn wáy shilív é wùn wó, e fíʼ a ker rán yee shooy.» Jesus fèr vinyo vìn e wíri vidzə̀m, e nèn màʼtì áwune, e dù, e lìr.

Joon 12:36 Referans Kwoze

Efesor 5:8

Vèn yòʼ dzəə́ ghán e ndzə ye sənér moo vee shooy vee wír. Vèn sì kén wír Nyùy, a vèn sí kér rán. Vèn ku nèn a ghan moo wír ve á sí yén rán.

1 Tesalonika 5:5

Ven adzə̀m dzə̀ wír ve á dzəə̀n é ndzə ye ranén, moo wír ve á ghán e shùy. Mo bó vèsən yòʼ dzəə̀n wír ve á dzəə̀n é ndzə vitsə̀ʼ,

Joon 8:59

Áwune yú kee shooy, e nèn tàyrí tíy ji á yúyri wun sho. Yii bèy, Jesus bìn, e lày, e fəə̀ fó maàndzə lav cù fèy.

Ŋwàʼ Luk 16:8

Ŋgaà lìm və̀y shwìvrì tàr wov bey, wù wìy yèn, e kù yòʼ bìnsí jii, ‹Jwè və̀n fìír feyì.› » Jesus nèn a màysì jii, «Dzə̀ rú, wír veé ndzə fène fìír e vinyò ve áwune yii, e shaà mo wír Nyùyi fiir e vév vee vinyo vi.

Joon 11:54

la Jesus yòʼ dzə́ə a ghanén e wír veé Judàa mvə̀m wòŋ fèy. Wù nèn lò, e dù, a dzə e ŋgvə̀n kwaʼ ye yì dzəə̀n é ghaa kirə̀ʼ ké woʼ kí. Wùn à wón və́ lìme wáa dzə fo, e ntèʼ yìmòʼ ye á yoŋ ji Efrayim.

Joon 1:7

Wù wìy ji wun fiʼti Ŋgaà Ran woo shooy e wíri, aá kiíy, e fíʼ way shilív é wùn wó.

Aysaya 60:1

Éè Jerusalem, vèn ŋáʼáy, e dìn e wìr msòŋ mo Nyùy luŋèr ven. Rán yéné wìy ne, vikuʼùy vé Nyùy Tàr ví nəə́ ven.

1 Tesalonika 5:8

Mo vèsən dzəə̀n késən wír vee shùy, vèsən ku tìír vifií, a kòŋ Nyùy, a way shilív é wùn wó, é wù wáa kìŋ vèsən réŋréŋ moo ŋgaà rə̀r wo wù màʼàn kikúm ké kishà ki, fo wìr sov shuu və́ shiliv. Vèsən kfə́n a shìy, é Nyùy wìy lùŋèr vèsən réŋréŋ moo ŋgaà rə̀r wo wù‑uù lùŋèn bìʼ fo wù‑uù teʼtin kitú kfə́ e tán kishàa.

Joon 3:21

Yii bèy, a wìr wo wù yii kfə́ a dzə̀ vinyo ve ru ví nèn fəə́sin fo rán yee shooyi dzəə̀n, aá fíʼ a yen ji vinyo ve wun yii vi dzə̀, a ví lò a dzə̀ fo Nyùy.»

Matio 21:17

Jesus suúy bey, e màʼtì áwune, e tòsín, a dù e ntèʼ yee Betani fo wù‑uù yíi shiíy.

Matio 5:14

«A vèn kfə̀n dzə̀ moo kikaʼày ke kí kaʼày wír veé ndzə. Vèn kì sá jii, láʼ ye á bàʼrìn é kitu ke gwane yòʼ yii laynìnè.

Joon 8:12

Jesus nèn kfə̀n a suŋnín e wíri, a suúy jii, «Dzə̀ mo rán ye yí kaʼày wír veé ndzə. A wìr ghán e mǒ bàm, la wù yòʼ dzə́ə a ghan fo mesənér. Wù sí ghán, yén rán, a yí kaʼày wun, a wù du, e nəə́ e dzə̀ʼə̀m yee là may.»

Joon 12:37

Wíri siíy, e làa yòʼ fə̀m biimé kinyo kfə́, a wù‑uù sí ghán aáwuné mvəm, yii vinyo vinín ve ví din vitaáví vé Nyùy.

Joon 12:46

M wìy e ndzə fèn ji m fíʼ a dzə rán, é la wìr wo wù wáy shilív e mǒ wùn yòʼ dzə́ə a ghan fo mesənér.