Joon 12:35 - ŊWÀʼ NYÙY

³⁵ Jesus bìnèr jii, «Wìr wo wù fó rán dzə̀ vèn áwune lèn, a bó wù yòʼ dzəə́ yiì dzə̀ʼtì ntàmda. Vèn wáa ghan ghán yén, aá dzəə́ yén rán yee shooy, fo ndzə yiì sàsìn, e sə̀n ven. Yì yíi sən, é la wìr yòʼ dzəə kìíy fo wù du.

Joon 12:35 Referans Kwoze

Joon 12:46

M wìy e ndzə fèn ji m fíʼ a dzə rán, é la wìr wo wù wáy shilív e mǒ wùn yòʼ dzə́ə a ghan fo mesənér.

Joon 16:16

«Bèr shishàr, é la vèn yòʼ dzəə wìy yèn mo. Shintàm shi lóo dàtìr, é vèn kfən yèn mo.»

Efesor 5:8

Vèn yòʼ dzəə́ ghán e ndzə ye sənér moo vee shooy vee wír. Vèn sì kén wír Nyùy, a vèn sí kér rán. Vèn ku nèn a ghan moo wír ve á sí yén rán.

Joon 8:12

Jesus nèn kfə̀n a suŋnín e wíri, a suúy jii, «Dzə̀ mo rán ye yí kaʼày wír veé ndzə. A wìr ghán e mǒ bàm, la wù yòʼ dzə́ə a ghan fo mesənér. Wù sí ghán, yén rán, a yí kaʼày wun, a wù du, e nəə́ e dzə̀ʼə̀m yee là may.»

Joon 11:10

Kù yii bayrìn wír wo wù ghán a dzə̀ vitsə́ʼ, bìʼ fo bó wù yòʼ yén rán.»

Joon 12:36

Mo ŋgaà ran və̀n dzə̀ə́ vèn áwune, vèn wáy shilív é wùn wó, e fíʼ a ker rán yee shooy.» Jesus fèr vinyo vìn e wíri vidzə̀m, e nèn màʼtì áwune, e dù, e lìr.

Joon 7:33

Jesus nèn a suúy e wíri jii, «M dzəə́ yìi ndzə̀ytì vèsən fen shishàr, e nèn a kfən fo ŋgaà wo wù‑uù tumen mó wùn,

Aysaya 2:5

Ven vee rám Jakov, vèn wáa wìy, é vèsən wáa jùmrì rán ye ntir se Nyùy Tàr sí fó.

2 Korin 3:14

A vé‑eè leey rán Nyùy bèy, e làa yòʼ fə̀m a kiíy mo Nyùy dzəə̀n, bìʼ fo kifá ki‑iì sùmèn vifií vév. A kù dzə̀ mo áwune dzəə̀n, e shem lèn. Á lóo yòŋ kinyo fo Ŋwàʼ Nyùy woó mensàŋ me mvə mè, kifá kìy ki kù a sùm sí yév. Kù mày ji wìr tátí wùn Kristu, é bo sí rəə́ mvəʼəm.

Ŋgàn 4:19

Dzəʼə̀m wìr ve á méŋ Nyùyi dzə̀ moo ndzə vitsə̀ʼ ye yì sə́n ji cùm. Á lo, á gbù, e làa yòʼ kiíy kifá ke kí màʼàn áwune.

Jeremia 23:12

Bìʼ bey, dzəə̀ ye áwune ghán sho yíi a lèrìr, é fóo kfə́n vitsə́ʼə́, aáwune wáa gbùkìr fo. Yíi lòo dzə e ghan see shó, é m wiy e ŋgeʼ ye tavín aáwuné kitu. Suuy mo woo Nyùy Tàr.

Joon 11:9

Jesus bìnèr jii, «Ndzə yòʼ yii rán, e kèʼ fo shúy ntuùfú, yì jì shúy ntuùfú a? Wìr lóo ghan e shùy, la wù yòʼ bàyrìn e kifa, bìʼ fo ndzə ráné.

Galatia 6:10

Vèsən ku nèn a yiì a dzə̀ vinyo ve juŋ vi e wìr dzə̀m mo Nyùy fó kintóʼ, bo taaka wír ve vèsən áwune tatin, e wày shilív e Kristu wùn.

Ŋwàʼ Luk 18:37

Á suúy shó jii, wiy a Jesus woó Naasarer.