Joon 12:34 - ŊWÀʼ NYÙY

³⁴ Màŋgòŋ nèn a suúy sho jii, «Vèr kì kér fó Ŋwàʼ Nyùy ji *Mfə̀ə́r wo Nyùy‑iì kàʼàn wíy a dzə sho ghán sidzə̀m. À kfə́n a suúy ji á wíy koʼór ŋgaà wo yírí dzəə̀n *Wanwìr e kici moó le? À yoŋ wír və̀n a dzə̀ la?»

Joon 12:34 Referans Kwoze

Aysaya 9:7

Sáʼ rəə́ kù wíy a kuy, a dù duùn fó mbìy, a kitúm kfə́ kí kù wíy a neŋ e mvə̀m vikùʼùy ji dèʼ. Wù wíy a saʼ ji njìlaʼ Fòn Davir, e kù a tiy a dzə̀ é kinyò kee réŋ kí, a saʼ vifon və́ tìítiy, là kiloʼ, a bó sáʼ rəə́ yòʼ wíy mày. Nyùy Tàr woo Taà Mànjòŋ kù wíy yiì kinyo kìn bìʼ shíi və.

Daniel 7:14

Á fó wun vitaáví vé saʼ, e fò wun vikuʼùy, wù wáa saʼ vifon, é wìr dzə̀m fíʼ a lìm fo wun, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Sáʼ rəə́ dzə̀ sáʼ, a yí kù wíy a tiy fo, a bó yòʼ dzə̀ yí wìy mày. Vifon və́ ví dzə̀, a bó yòʼ dzə̀ kifá ki wìy laàr.

Nsùyrì Nyùy 110:4

Nyùy Tàr yì ne kilìʼ, a wù yòʼ wíy kuvsín kwaʼtì rə́. À kù wíy a dzə taà cù, e dù, e jòʼsì, a dzə moo taà cù woo *Melkisedek.

Daniel 7:27

Á bèy, á wíy fo vitaáví vé saʼ e wír Nyùy woo Taà Vituu, aá sə́ sáʼ yeé kitu ke nsay kidzə̀m, à vikuʼùy və́ ví. A vifon ve Nyùy woo Taà Vitu vi kù wíy a tiy fo, e dù, e jòʼsì, aàfon adzə̀me wíy a lìm fo wun, a yunín wun.

Daniel 2:44

«Atǎr saʼ vìne wíy lóo saʼ, é Nyùy woó yuv neer á rə́ yee sáʼ ye yí yòʼ wíy mày, a bó wír ámóʼó yòʼ wíy yu a fó sə, a saʼ. Yí wíy laàr a sáʼ afòn vìy, é yí may ŋkuuŋkùŋ, é nèn kù a tiy a sáʼ Nyùy rə̀n fo, e dù, e jòʼsì.

2 Samuel 7:13

Wíy a dzə wun wo wù wíy bàʼrì lav ye m wáa dzə sho. M wíy yiì, é sáʼ rəə́ wáa tiy fo ghán sidzə̀m.

Ŋwàʼ woó Rom 5:18

Vinyo vìn vi nén a dzə jii, mo wìr mòʼón‑eè jayin ne, nsaʼ koó wir dzə̀m, dzə̀ sá réŋréŋ mo wùmòʼ woo wír yiìn kfə́ kinyo ke juŋ ki, kí yií ye dzə̀ wìr dzə̀m bòy fó nsaʼ, a ker dzəʼə̀m yee dzəʼə̀m.

Mayka 4:7

M wíy lèm antèŋ vee kibér ke wíri, aá gwar kitúm ke sən kí, é wír ve vé‑eè jùmèn viné wìy a dzə kitúm ke kuʼùn kí, é mo woo Nyùy Tàr nèn a saʼ áwune fó Gwan Sion, e kèʼ fo lèn, e dù, e jòʼsì.»

Nsùyrì Nyùy 72:7

Yii ye juŋe ku tèʼ e wun ghan, é nyaáŋ wáa dzə, e dù, e jòʼsì.

Ŋwàʼ woó Rom 3:19

Á mo vé‑eè saŋen é Ŋwàʼ Nyùy, a vèsən kì jii, vinyo ve vé‑eè saŋen shó vidzə̀m vi dzə̀ á fo wír ve á kér ŋwàʼ woo shooy ji á wáa yu fo fo. Mo Nyùy din ajay wíri shó, bo bó yòʼ dzə̀ wìr kfə̀n a ker kinyo kée wovrí gheéy, aá kér fó wìy tiím e wùn si adzə̀m, é wù sáʼ nsaʼ yev.

Joon 15:25

A kí kooy bèy ji kinyo ke vé‑eè saŋen é Ŋwàʼ Nyùy jii: ‹Vé‑eè ban mo kisáŋ›, ki fiʼ ghèén.

Joon 12:32

A kém kí dzə̀ jii, á wíy koʼór mo é kici, wíri yéné, é m nèn sə̀ŋrì wir dzə̀m e mǒ wùn.»

Joon 10:34

Jesus bìnèr jii, «Vé‑eè sàŋ e věn Ŋwàʼ Nyùy ji Nyùy‑iì suuy a jii, ‹Vèn dzə̀ sá ji anyùy›,

Aysaya 53:8

Vé‑eè koò wun, e lì, a dù sho ji á du, e yuyrí, la wìr wóo bìn kinyo kfə́ réŋ yòʼ a dzə. Kfə̀n wíy a yòŋ la rám rə́, a vé‑eè tìn ne dzəʼə̀m rə́. Vé‑eè yùyrí wun, a kù‑uù dzə̀ bìʼ ajay vesən.

Matio 21:10

Jesus dù, e nə̀ə́ e Jerusalem, kinyo kìy ki màysì, e tàv, mvə̀mlaʼ wáa bìŋrì bìŋrìn, wíri wáa dzətí jii, wìr wo á ndzə́ʼ və̀n sà dzə̀ la á?

Matio 16:13

Jesus dù, e mèé e mbìv wòŋ yeé Sisaria Filipi, e yiì lò, e dzə̀r e wón və́ lìme jii, «Wíri suuy ji ŋgaà wo yírí dzəə̀n *Wanwìr və̀n dzə̀ la?»

Matio 8:20

Jesus bìnèr sho jii, «Nyám símóʼ sí kér bíi sév, a menə́n mè kér láʼ sév, yii bèy, a bó ŋgaà wo yírí dzəə̀n *Wanwìr və̀n yòʼ kér fó teʼ kfə́ kee kitú.»

Joon 8:28

Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.

Hibru 7:24

Jesus wáa dzə kfə́, a bó yòʼ dzə̀ wù kpù, e nèn a dzə taà cù ghán sidzə̀m, e dù, e jòʼsì.