Joon 12:32 - ŊWÀʼ NYÙY

³² A kém kí dzə̀ jii, á wíy koʼór mo é kici, wíri yéné, é m nèn sə̀ŋrì wir dzə̀m e mǒ wùn.»

Joon 12:32 Referans Kwoze

Joon 8:28

Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.

Joon 3:14

Kú a kiíy jii, mo Mooser‑iì koʼorin yó ye vé‑eè fèrìn e kisha ki é kici, e kirə̀ʼ ké woʼ kí, kù dzə̀ réŋréŋ mo á kér fó wìy koʼór sa ŋgaà wo yírí dzəə̀n Wanwìr e kici,

1 Pita 2:24

Wúnwun woo Jesus‑eè lo siìr vinyo vesən ve bi ví a dzə̀ e wùn kitu, e kpù shó e kintam. A wù‑uù kpú bèy, ji vèsən fiʼ kpù sá fo mbìv vinyò ve bi ví, e nèn a dzə, a yiì a dzə̀ vinyo ve ru ví. A dzə̀ vileémé və́ vin ve ví yiìn ne, vèsən bónén fo vèsə́n yàsí.

Joon 6:44

Bó yòʼ dzə̀ wír, wù wàa wìy, a yen mo, a bó bánrí Tàr wor wo wù tumen mo ŋgaàŋ. A m wíy fəə́r ŋgaàŋ fo kpu e ghan sé bàm sí.

1 Joon 2:2

Nyùy laysìn ajay vesən a dzə̀ bìʼ Jesus Kristu və̀n wo wù‑uù kpuun ji wun fíʼ taŋrí vèsən. A bó wù yòʼ‑oò kpù bìʼ ajay vesən cáʼcáʼ gheéy. Wù‑uù kpù bìʼ ajay wìr dzə̀m.

1 Timoti 2:6

Wù‑uù fò kitú kfə́ ji wun tín wíri adzə̀m fo áwuné lǒn vinyò ve bi ví. Nyùy nèn dìn e ghan fóo fèy ji wun koŋ a ji wìr dzə̀m wìy lùŋ.

Hibru 2:9

Ke vèsən yén lèn ki dzə̀ Jesus wo wù sáʼ vifá vìn vidzə̀m. A Nyùy‑iì lo lèm wun fo nshèelav sə́ sí mbìv tsə̀n e bǎm shintàm. Wù‑uù lèm bey ji Jesus kpú á fo wìr dzə̀m mo wun woo Nyùy‑iì shamen áwune, e sìysì. Wáa dzə lèn, a Nyùy búʼ ne wun, e fò vitaáví vé saʼ sho ji á wáa ghvəm, a yu fo fo, bìʼ fo wù‑uù biimen ŋgeʼ, e kpù fo wíri.

Galatia 3:13

Yii bèy, mo nsər yiìn, vèsən nəə́ é lòn, vèsən wàa kiíy jii, Jesus Kristu fə̀ə́r ne vèsən fó lòn fóo fèy. Wù‑uù lì lòn wósən woo shooy, e siìr e wùn kitu. A dzə̀ mo vé‑eè saŋen é Ŋwàʼ Nyùy jii, «Á keerì wír e kici, bo lǒn Nyùyi sì é kitu wo.»

Joon 1:7

Wù wìy ji wun fiʼti Ŋgaà Ran woo shooy e wíri, aá kiíy, e fíʼ way shilív é wùn wó.

Hosea 11:4

Mò‑oò wày áwune é shiliv, a kòŋ e ŋàŋ, e nèn siìr e mǒ wùn. Dzə̀ moo ji mò‑oò sə̀ʼə́r a dzə̀ kimbùŋ fo áwuné mbèʼ, e gvə̀ʼtí aáwuné si, e yìír áwune.

Ŋgaà Yen 5:9

Á wáa gbù bèy, a yòv luŋ wo fíy wúmóʼó, a wú dzə̀ jii: «Kù dzə̀ wò, wo à gheenen fó sə ŋwàʼ və̀n, e bày mfìn, e mvə̀ʼ. Wò‑oò biìmé kpú, mensə́ mè mè leém, à tín wíri fó lòn, e siìr e Nyùy. A vé‑eè lò vitúm vidzə̀m, kìn dzə̀ ke kí súŋnin lám vəné, kfə̀n lò woŋ sidzə̀m wùn à rám wìr msòŋé e dzə̀m.

1 Pita 3:18

Kù dzə̀ mo Kristu‑uù yenen ŋgeʼ bèy, e kpù fo wírí vinyò ve bi ví vidzə̀m kàŋ mòʼón. Wun woo là jay, wù kpú fo vé jayi, e màn ajay vee shooy adzə̀m ji wun fíʼ siìr vèsən fo Nyùy. Vé‑eè yùyrí wún və́, a wù kér wún a dzə̀ woó nsay. Wù fəə́ fó kpu, a ker a dzə̀ wo wú‑uù loòn fo Nyùy.

Joon 19:17

wùn áwune fəə́, wù wáa beʼ kintam kfə́, á wáa dù e kirə̀ʼ ke á yoŋ ji ŋgéreʼ kitu ke wìr, a dzə̀ é Lǎm Hibru ji Gorgota.

Aysaya 49:6

«Bó yòʼ dzə̀ à kù jòʼsì cáʼ ji wír wom lìm. Yòʼ dzə̀ cáʼ ji à ku lì rám Jakov, é yí wiy fo mǒ wùn. Yòʼ dzə̀ cáʼ ji à wiy e kibér ke wìr keé Isray ke kí bòyìn kí. Dzə̀ sá ji m yíi nàn wò ji kikaʼày fo wír ve bó yòʼ dzəə̀n veé Israyi, áà yii, é wìr msòŋ woó kitu ke nsay dzə̀m fiʼ lùŋ.»

Joon 12:34

Màŋgòŋ nèn a suúy sho jii, «Vèr kì kér fó Ŋwàʼ Nyùy ji *Mfə̀ə́r wo Nyùy‑iì kàʼàn wíy a dzə sho ghán sidzə̀m. À kfə́n a suúy ji á wíy koʼór ŋgaà wo yírí dzəə̀n *Wanwìr e kici moó le? À yoŋ wír və̀n a dzə̀ la?»

Yòv Viŋgér 1:4

Kii wò, ku lì mo, e lèʼ shó. Fòn, ku lì mo, e nə̀ə́ sho e wun mbvə̀ʼ kishìíy. Tàr à wíri, vèr shéʼri wò feyì, séŋ bèn, savnìnè. Géʼ ye à géʼ e wìrkóyti wòo bòŋ feyì, e shaà meluʼ. A kù dzə̀ wónlě ŋgòne tàtí, a kòŋ wò bèn.

2 Samuel 18:9

Absalom nèn lò, e tò e wír Davirí wùn, a wù dzə́ e kitu ke kimbèʼbìy ké nyàmŋkoʼ. Kimbèʼbìy kiy ki lòo soorí tám se lum kici ké *terebint, kitú ke Absalom ki fávín é nsàn tam wúmóʼó. Wù nèn a njeŋ fo, kimbèʼbìy kí wáa nyeŋ, a dù.

Aysaya 11:10

Ghán sin si wíy gheén, é taà saʼ wo fíy wo wù wíy fəə fo Jessi ram tiím moo cícíwàr fo wìr dzə̀m woó kitu ke nsay. Vitúm vi wíy a mèʼèm, a wìy, a yen wun e wun kirə̀ʼ ké dzə, a ghvəm wun.

Joon 18:32

A kinyo kìn ki‑iì kòóy bey ji kfə́ə kpu ye Jesus‑eè suuyin ji wun wíy kpuu fiʼ ghèén.

Kintaŋ 21:9

Mooser nèn fèr yó e kisha kee *brons ki, e keèrì e kici. Wìr wo yò‑oò teen ne leeyì, wù kù nèn bònén.