Joon 12:27 - ŊWÀʼ NYÙY

²⁷ Jesus kfə́n a suúy jii, «Ghán sin si dzə̀ lèn, a shilív shí sí búʼ mo búʼún. Mo shí búʼ bèn, a dzə̀ m wàa lon fo Tàr wor ji wù ku tèér ŋgeʼ ye m sí nəə sho rə̀n a? Bó yòʼ dzə̀ m wàa lon, bìʼ fo mò‑oò wìyìn a dzə̀ bìʼ kee shoon.»

Joon 12:27 Referans Kwoze

Joon 12:23

Jesus suúy aáwune jii, «Á lèn wo Nyùy sí yiì bùʼ ŋgaà wo yírí dzəə̀n *Wanwìr e vikuʼùy ve ghaʼán ví.

Hibru 5:7

Wáa dzə e ghan se Jesus‑eè dzəə̀n é nsay fèn, wù lò, a lon sa bìʼ kitú kfə́. A wù‑uù lón a dzə̀ fo Nyùy wo dzə̀ wù sə̀ wun fo kpu, tóŋ kitávín, sə́ʼər mensíy. Mo wù kù‑uù yú kfə́ a dzə̀ fo Nyùy, Nyùy nèn yù tóŋ rə́.

Joon 13:21

Mo Jesus suuyin vinyo vìn, shilív sə́ shí lùm, wù nèn tòʼ lèn kiránén jii, «Vèn wáa kiíy rúrú jii, kù dzə̀ wír fo vèn vin wo wù yíi way mo áàŋgaà vém vibàné wo.»

Matio 26:42

Wù nèn kfə̀n dù fo akàŋ vee abaà, a bùnrì jii, «Éè Tàr wor, a dzə̀ ji m ku nò fó bàr ŋgeʼ fèn, bo dzə̀ m nò.»

Aysaya 38:15

Éè mǒ vèné, m fèn‑ee yoŋ ji ka?› Wù yiì ne kinyo ke wù‑uù kàʼàn ji wun yii e mò. Mo dzəʼə̀m yémé kù siìn nyár nyár, bo m kù sí wìy a dòmsì vishiíy dómsin.»

Hibru 2:14

Wù wáa suúy bèy, a wón və́ vin adzə̀me kù dzə̀ wíri, aá kér wún, kér mensə́ mo wíri yii kérí. Wun woo Jesus nèn lì wún a dzə̀ wó wìr, e bìnkìr a dzə moo áwune ji wun fíʼ kpu, e ndzəə̀r vitaáví vé Satan ve dzə̀ wù lì wír wo wù sí kpú sho.

Ŋwàʼ Luk 22:44

A wù dzə́, a shilív shí búʼ wun ŋkóŋkóŋ. Wù nèn màysì, e bùnrì e ŋàŋ, e ndzə̀ʼnìn. Ndzəʼnìn sí wáa shemshém fo nsay moo vitímtím vé mensə.]

Joon 18:37

Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»

Ŋwàʼ Luk 22:53

Mò‑oò rə́si dzə́ vèsən é lav cù vishiíy vidzə̀m, la vèn yòʼ kùm mo. Ghán se dzə̀ vèn yiì kinyo si nen ghèén a dzə̀ lèn, a sì ghán se Satan wo wù kér ndzə vitsə̀ʼ sí sáʼá.»

Nsùyrì Nyùy 88:3

M sì ŋgeʼ si ŋgeʼ si, a m sì é mentsə̀m me wòŋ aŋkfə.

Aysaya 53:3

Wíri‑iì leey wun fo kisaŋ, kù nyaysì nyàysìn. Wù‑uù dzə̀ wír, a wù‑uù toòmé ŋgeʼ, e toòmé nyár. Wìr yòʼ kfə̀n‑eè kóŋ a leéy wun. Vèr kù‑uù sí ŋwáy wun ŋwáyín, yén wun ji kifá ke kisaŋ ki.

1 Timoti 1:15

Duŋrì yee jii, Jesus Kristu‑uù lo wìy e ndzə fèn ji wun sə́ aŋgàa vinyò ve bi ví, aá fíʼ lùŋe dzə̀ rú féyì. A dzə̀ wìr kù wày shilív sə́ shó shidzə̀m. A m dzə̀ fon aŋgàa vinyò ve bi vee shooy.

Joon 11:41

Á nèn tsə̀ʼ kilán kìy. Jesus leéy yúv, e yòŋ jii, «Tàr, m beerì feyì mo à yuun kinyo kém.

Matio 11:25

Jesus lò e ghan see shooy, e yòŋ Nyùy jii, «Éè Tàr wor, sáʼ wò yúv wùn à nsay. M beerì wò, bìʼ fo wò‑oò lìtìn kinyo ke ru kí fo wír ve á din vifií, e lìtì fo akiíyí, e dìn a dzə̀ áàmbúʼú.

Nsùyrì Nyùy 6:3

a wúné wèʼ ne mo wéʼen e dzə̀m. Éè Nyùy Tàr, à yíi dzə̀ʼə̀m, e meé e le, e bóo sə mo?

Matio 11:26

Tàr wor, dzə̀ rú, kù‑uù sìysì wò kinyo kee shooy mo wò‑oò kòŋèn.»

Matio 26:45

Wù kfə́n, e dzə̀r e wón və́ lìm vìyi jii, «Vèn kù sìíy, a buuné ji á meemè à? Kí ghèén ne. Sì ghán se á sí wáy ŋgaà wo yírí dzəə̀n Wanwìr və̀n e wír ve bií wo.