Joon 12:26 - ŊWÀʼ NYÙY

²⁶ A wìr taʼ ji wun wáa dzə wán wom lìm, wù kù a ghan vèr wun. M lóo dzə fo m dzə́, é kú a dzə vèr wun. Wìr wáa lìm fo mò, bo Tàr wor wíy bùʼ ŋgaàŋ.»

Joon 12:26 Referans Kwoze

Galatia 1:10

Mo m suuy bèn, vèn yén sa ji bó m yòʼ suuy kinyo a ji wún wìri fíʼ a bòŋ. M suuy kém ji kí wáa bòŋ a dzə̀ á Nyùy. A m lò, a tàʼ ji m wáa sheʼér a dzə̀ wíri, bo bó m yòʼ dzə̀ rú ŋgaà lìm Jesus Kristu.

1 Samuel 2:30

Yú ke Nyùy Tàr, Nyùy wìr veé Isray suuy e wò ki. Mò‑oò lo kàʼ rú ji kfə́ə yée wíy a lìm fo mò ghán sidzə̀m ji atàá cù mo rám yée wíy a dzə. Yii bèy, yú ke Nyùy Tàr suuy lèn ki. Bó kí yòʼ dzəə́ yìi koóy bèy. M sí yiì a nàn wír ve á ghvə́m mo, a sèn wír ve á ŋwáy mo.

Kolosia 3:24

Tàr won lìm kù mày wun woo Jesus Kristu, a kù wíy laamé wun wír fo lìm ye ŋgaàŋ lìmèn. Wù wíy lì ŋgaàŋ, e way e wùn mvə̀m vijùŋ veé yuv.

Ŋwàʼ woó Rom 1:1

Ŋwàʼ və̀ne sàŋ mo woo Por, a m dzə̀ kém ji ŋgaà lìm Jesus Kristu. Wù‑uù lì mo ji m wáa dzə ŋgaà ntum və, e lèm ji m wáa fìʼtì a sáʼka Nyùy wo juŋ.

Joon 17:24

«Tàr, mo m sí kfə́n fo wò wùn lèn, m koŋ ji wír ve wò‑oò foon e mò víne wáa dzə vèr áwune fo m dzəə̀n, aá fíʼ a yen vikuʼùy ve wò‑oò foon e mò, bìʼ fo wò‑oò sí koŋ mo, é bo ndzə wìy a kèʼ.

Joon 10:27

Njiì wo dzəə̀n wóom e dzə̀m yú jí yem, wù kù nèn kìíy, a wìy e mǒ bàm. M kì wír vém adzə̀m,

2 Korin 5:8

Mo vèr kù sí leey a dzə̀ fó mbìy, vèr lo, á nèn a yen ji bo á kì kpù á lèn, e màʼtì vən woo wún, e dù, a dzə vèr à Kristu e wùn laʼ yeé yuv.

Ŋwàʼ Jud 1:1

Ŋwàʼ və̀ne sàŋ mo woo Jud wo dzəə̀n ŋgaà lìm Jesus Kristu. A dzə̀ mo woo Jud wo dzəə̀n fər Jeem. A m sàŋ a dzə̀ fo vèn ve Nyùy woo Tàr wòsən‑eè kòŋèn, e lì ji wír və́, e wày e Jesus Kristu kiwo.

1 Joon 5:3

A koŋ ye vèsən koŋ Nyùyi dzə̀ mó a yu sáʼ rə́. A bó sáʼ rə́ rə́ne yoʼ ghàʼ fo vèsən wáa yiì gheéy,

2 Pita 1:1

Ŋwàʼ və̀ne sàŋ mo woo Simon Pita. M dzə̀ ŋgaà lìm Jesus Kristu, e kfə̀n a dzə ŋgaà ntum və. A m sàŋ a dzə̀ fo vèn adzə̀m ve á tíy e kinyò kee shó ke ver vee aŋgàa ntume tíy sho. Dzə̀ kinyo feyì feyì, a wày sá Jesus Kristu e věn kiwo, bìʼ fo wù kù yii yii kinyo kfə́ réŋ. Dzə̀ wun Nyùy wòsən, kfə́n a dzə Ŋgaà Lùŋèr wòsən.

2 Korin 4:5

Vèr kù fiʼtì kér jii, á wáa ghvəm a Jesus Kristu ji Taà Vitu, a bó yòʼ dzə̀ vèr wàa suúy a dzə̀ vitú vér. Vèr li vitú vér cáʼ ji aŋgàa lìm vén bìʼ wun woo Jesus.

Ŋwàʼ woó Rom 14:18

A wìr fò kitú kfə́ e Kristu, a yiì vinyo e dzəə foo fèn, Nyùy nèn a sheʼrí ŋgaàŋ, wíri kfə̀n a binsí sa wun.

Joon 15:20

Vèn kuúmé kinyo ke mò‑oò suuyin ji bó wàn lìm yòʼ yii kuʼ, shaa tàr wov. Mo vé‑eè sí ban mo, bo kù dzə̀ sá, á wàa bàn ven. A dzə̀ ji vé‑eè yú kinyo kém, bo á wáa yu sa kén.

Ŋwàʼ Luk 6:46

Jesus nèn dzə̀r jii, «Bìʼ ka mo vèn yoŋrì mo ji Tàr, Tàr, a bó á yòʼ yii kinyo ke m suuyì?

Ŋgàn 27:18

Wìr wo wù leey fo kicí ké *fig ki, kù yíi a kfər báŋ sə́, a wìr wo wù shiy tàr wov lìm, yíi a ker vilaámé.

Nsùyrì Nyùy 91:15

Wù wíy toŋ e mò, é m yú tóŋ rə́, a dzə vèr wun e ghan sé ŋgeʼ. M wíy fəə́r wun fo ŋgeʼ, e bùʼ e vijuŋ vi.

Filipi 1:23

M sí dzə́n a dzə̀ tùʼtàn, a m sí taʼ lèn feyì ji m ku màʼtì dzəʼə̀m rə̀n, e dù, a dzə a vèr Kristu. Á yee shoon yee dzəʼə̀m ye yí bòŋèn, e shaà.

Joon 14:3

M yíi dù, náŋsin kirə́ʼ kee shoon, é m nèn kfə̀n, e lì ven, é vèn wáa dzə sa fo m dzə́.

Joon 13:16

Vèn wáa kiíy rúrú jii, bó wan lìm yòʼ dzə̀ wù shaà tàr wov lìm. A bó yòʼ dzə̀ wír wo á tumen túmén shaà sá wír wo wù tumen wun.

Ŋwàʼ Luk 9:23

Wù kfə́n a suúy e wìr dzə̀m jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, a lì moo kintam vishiíy vidzə̀m, a ghan sho e mǒ bàm.

Matio 25:21

Tàr wov shéʼrí jii, ‹Beerì feyì, à dzə̀ wánlè woo jwáʼ, aà kér liì wo juŋ. Mo wò‑oò siiyin, a leéy fo shifarìn fèn kijuŋ, m yíi lèm wò lèn, áà wáa leéy fo ke kuʼùn kí. Shaà ri, e nə̀ə́ e mǒ mvə̀m vijùŋ.›

Nsùyrì Nyùy 17:15

M dzə̀ kém, a m wíy shov wò e si, bìʼ fo m ghán a dzə̀ e wò mbòv. M wíy lóo yìmèn fo mbuùné, lóo yen wò mo à dzəə̀n, é kí gheén mo féyì.

Kintaŋ 14:24

Yii bèy, ké ŋgaà lìm wom woo Kalev mo wù kér shilív sə́ jeéy, ghán e mǒ mbòv shilív shimòʼón, m wíy lì wun, e dù, e nəə́ sho e nsay ye wù‑uù duùn, e yèn, é rám rəə́ yov fó.

Ŋgaà Yen 14:4

Mo áwune ghvə́m a dzə̀ Wan Njiì Nyùy, á nén a dzə là shilóm moo wánlè lùmèn wo bó yòʼ dzə̀ wù kùm wiíy, kù dzə́, shiy a dzə̀ və́ə. Áwune ku nèn a jùmrì a dzə̀ wun woo Wan Njiì Nyùy, wùn áwune wáa dù fo wù du. A Nyùy‑iì shòʼtí ne áwune, e fə̀ə́r fo wìr msǒŋ mvəm, wáa dzə wír mbìyi ve kér wun woo Nyùy wùn Wan və wo á yoŋ ji Wan Njiì.

Kolosia 4:12

Epafar wo dzəə̀n wír woo věn kintatì, shaʼtì sa ven. Wù lim sa kitávín fo Jesus Kristu. A wù yii kuúme ven ghán sidzə̀m, bunrì ji Nyùy ku yiì, é vèn wáa tiy kitávín vèn à Nyùy, e màysì a dzə ji wír və́, a kiíy kinyo ke wù taʼ ji vèn wáa yiì, a tiy a dzə̀ shó.

Joon 21:22

Jesus bìnèr sho jii, «A m fə̀m kì taʼ ji wù wìy shaàrì, e mèé e ghan se m wíy kfən, bo bó yòʼ dzə̀ nsaʼ yè. Kú a jùmrì ké ki a dzə̀ mò.»

Joon 14:15

«A vèn koŋ mo, vèn wàa lèm nsər se dzəə̀n sém.

Maak 8:34

Wù nèn jàŋ màŋgòŋ, á wìy, wù wáa suúy e wùn à wón və́ lìme jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, e lì moo kintam, a ghan sho e mǒ bàm.

Matio 16:24

Jesus suúy bey, e nèn sùúy e wón və́ lìme jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, e lì moo kintam, a ghan sho e mǒ bàm.

Kintaŋ 32:11

‹E ké ru kí, bó wìr fo wír ve vé‑eè loòn fó Ejivi, woo kèʼ fó kiya mbaà, a dù duùn fó mbìy yòʼ wíy shov woŋ woo shooy e si. Woŋ wo wun‑eè kàʼàn ji wun wíy fo e Abraham wùn à Aysi, à Jakov. Bó yòʼ dzə̀ á yèn, bìʼ fo áwune yòʼ‑oò ló a tiy e wun wùn shilív shidzə̀m.›

Ŋwàʼ Luk 12:37

A bòŋ ké wón lìm ve tàr wov yíi lòo wìy, aá dzəə́ kiʼì. Vèn wáa kiíy rú jii, wù yíi wovtí ndzə̀y sə́, e suúy, aáwune dzəʼəm, é wù taʼ vifá ve yi, e jàv, aá wàá yí.