Joon 12:25 - ŊWÀʼ NYÙY

²⁵ A wìr lò a dzə ji wun kù bávti dzəʼə̀m rə́, bo wù wíy ran ranén. Wìr maʼay dzəʼə̀m rə́, bo wù bávti bàvtín, e wìy nəə́ sho a dzə̀ é dzə̀ʼə̀m yee là may.

Joon 12:25 Referans Kwoze

Matio 10:39

A wìr lò, a bavtí kitú kfə́ ji fo wun kpú, bo ŋgaàŋ kù wíy kpu. Wìr maʼay kitú kfə́ bìʼ kinyo kém, bo ŋgaàŋ wíy shaàrì.

Ŋwàʼ Luk 17:33

Wìr wo wù bávti kitú kfə́ ji fo wun kpú, kù wíy kpu. Wìr wo wù maʼàyì, ŋgaàŋ wíy shaàrì.

Maak 8:35

Wìr wo wù bávti kitú kfə́ ji fo wun kpú, kù wíy kpu, a wìr wo wù maʼày kitú kfə́ bìʼ mo wùn à kinyo ke Nyùy ki, ŋgaàŋ wíy shaàrì.

Matio 16:25

Vèn wáa kiíy jii, wìr wo wù bávti kitú kfə́ ji fo wun kpú, kù wíy kpu, a wìr wo wù maʼày kitú kfə́ bìʼ mo, ŋgaàŋ wíy shaàrì.

Ŋwàʼ Luk 14:26

«Bó yòʼ dzə̀ wìr wìy nə̀ə́ e mǒ ŋgoo, a bó wù yòʼ koŋ mo, e shaà tàr wov wùn yè wov, kfə̀n koŋ mo, e shaà wiíy və wùn à wóné, aàfə́r vəə́. A wù kfə̀n kér fó a kòŋ sa mo, e shaà mo wù koŋ kitú kfə́.

Ŋgaà Yen 12:11

Yii bèy, aáwune ghàʼ ne wun, bìʼ fo vé‑eè tíy kév a dzə̀ é mensə me Wàn Njiì Nyùy, fiʼtì a dzə̀ kinyo ke Nyùy, e kfə̀n biìmé kpú bìʼ kinyo kee shooy.

Matio 19:29

A wìr màʼtì láʼ rə́, kìn lùmér sə́, kìn jemèr sə́, kìn yè wov wùn tàr wov, kìn wón və́, kìn súm sí bìʼ mo, bo ŋgaàŋ wíy a ker wír wùn à vifá vi kàŋ wií, e shaà mo ví‑iì dzəə̀n. A wù kfə̀n wíy nəə́ sa e dzə̀ʼə̀m yee là may.

Lim Aŋgàa Ntum 20:24

Yii bèy, a bó m yòʼ yén kitú kém, a kí mee e kifa, e shaà ji m maysi lim ye Tàr wòsən Jesus‑eè wayin e mǒ kiwo ji m wáa fìʼtì sáʼka Nyùy wo juŋ, a naàrì mo wù bùʼùn wíri.

Ŋgaà Tàrvìnyò 2:17

Bìʼ bey, m nen ŋwày dzəʼə̀m bìʼ fo lim e dzə̀m ye á lim e sar shùy fène yii, a m yú nyár. A vidzə̀m vi kù dzə̀ kisáŋ fo kisáŋ ki. A dzə̀ mo wìr wáa mùm ji wun bám shwér.

Lim Aŋgàa Ntum 21:13

Wù bìnèr jii, «Vèn diy, semèr shilív shém ben ji ka? M dzə̀ kibáʼtín fóo nəə́ e sháŋ é Jerusalem, e kfə̀n a dzə kibáʼtín fóo kpu bìʼ Taàtá Jesus.»

Hibru 11:35

Vikìy ámóʼó wáa way shilív e Nyùy wùn ji dzə̀ á wù fə̀ə́r wír vév fó kpu, wù nèn a fətí. Wír ámóʼó wáa biimé kév a dzə̀ kpú, bìʼ fo vé‑eè kiìn ji Nyùy kù wíy fəə́r áwune, aá wáa ker dzəʼə̀m ye yí shaàn yeé nsay fèn. Vé‑eè táy áwune, nyavrì sho, a bó yòʼ‑oò dzə̀ á shàʼnín Nyùy ji á fíʼ màʼtì áwune gheéy.