Joon 12:23 - ŊWÀʼ NYÙY

²³ Jesus suúy aáwune jii, «Á lèn wo Nyùy sí yiì bùʼ ŋgaà wo yírí dzəə̀n *Wanwìr e vikuʼùy ve ghaʼán ví.

Joon 12:23 Referans Kwoze

Aysaya 60:9

Rúrú, dzə̀ vikóŋ veé vitum vímóʼ ví mo ví meʼèm, wiy ji á yén mo. Mo ŋgoo rə̀n meʼèm, wiy bèn, vikóŋ veé Tarshish vi lo, e tòmbìy meé. Ví wiy, béʼ wón vén ve vé‑eè dzəə̀n é vitum veé ndzəywoŋ. Á wiy, kér kisha ke mbàm ke fəvír kí wùn à ke baar kí, wiy sho ji fómo Nyùy Tàr woo Nyùy won, wun woo Ŋgaà wo Ranén woó Isray. Á wiy e vifá vi bey, bìʼ fo Nyùy Tàr nànèn ne ghay wón, vitúm vi wáa ghvəm ven.

Maak 14:41

Wù kfən lòo kfən fo akàŋ vee ataár, e dzə̀r aáwune jii, «Vèn kù sìíy, a buuné ji á meemè à? Kí ghèén ne. Sì ghán se á sí wáy ŋgaà wo yírí dzəə̀n Wanwìr və̀n e wír ve bií wo.

Matio 25:31

Jesus kfən sùúy jii, «Ŋgaà wo yírí dzəə̀n *Wanwìr wíy lòo kfən, a wù sí kér vikuʼùy və́ veé yuv, a sí wiy wùn à nshèelav se Nyùy si sidzə̀m, é wù nèn kòʼ é kàvàʼ wo Nyùy dzə̀ʼə̀rìn wun sho.

Aysaya 55:5

Bìʼ bey, wù wíy a lì vitúm, a wìy sho fo mǒ wùn. Vitúm, a bó wù yòʼ kì, a ví yòʼ kì sá wun. Ví wíy a leʼ, a wìy ji ví fiʼ tàtí ven, bìʼ mo woo Nyùy Tàr woo Nyùy won. Á wíy a wìy, bìʼ fo mo woo Ŋgaà wo Ranén woó Isray bùʼùn ne ven e vikuʼùy ví.»

Joon 12:16

Wón lìm Jesuse yén kinyo kìn, e làa yòʼ a gwàrìr kinyo ke vé‑eè saŋen kiy. Wìy lòo dzə fo bàm, a Nyùy lí ne Jesus e yuv, bo kí wiy aáwuné vifii ji vé‑eè sàŋ kinyo kee shooy a dzə̀ bìʼ Jesus, kí ku kòóy a mo vé‑eè saŋen.

Matio 26:45

Wù kfə́n, e dzə̀r e wón və́ lìm vìyi jii, «Vèn kù sìíy, a buuné ji á meemè à? Kí ghèén ne. Sì ghán se á sí wáy ŋgaà wo yírí dzəə̀n Wanwìr və̀n e wír ve bií wo.

Maak 14:35

Wù nèn kòʼtí fo mbìy shishàr, e gbù fo nsay, a bùnrì, a lon ji a fèn dzə̀ ji dzə̀ Nyùy tèér ŋgeʼ rə̀n fo wun wùn, wù kù waà tèér.

Joon 7:39

Jesus wáa suúy kin, a wù yoŋ a dzə̀ Kiyoy ke Nyùy ke wír ve á wáy shilív e wùn wùné wíy a ker. Wáa dzə e ghan see shooy, a bó Nyùy yóʼ ne tùm Kiyoy kee shooy, bìʼ fo wù yòʼ‑oò ló ne kòʼór Jesus, wù nəə́ e wùn vikùʼùy.

Joon 12:27

Jesus kfə́n a suúy jii, «Ghán sin si dzə̀ lèn, a shilív shí sí búʼ mo búʼún. Mo shí búʼ bèn, a dzə̀ m wàa lon fo Tàr wor ji wù ku tèér ŋgeʼ ye m sí nəə sho rə̀n a? Bó yòʼ dzə̀ m wàa lon, bìʼ fo mò‑oò wìyìn a dzə̀ bìʼ kee shoon.»

Joon 13:1

Kishiíy ke á kì bvəə́shi, a yi *Ŋkǎʼ Yáʼayshaà ki nèn ghèén, a Jesus kiíy ne ji sì á ghán se wun sí yìi màʼtì ndzə rə̀n, e kfən fo Tàr wóv wùn. Mo wù kù‑uù sí koŋ wír ve yiì dzəə̀n və́ é ndzə fèn, wù ku nèn a kòŋ bèy, e dù, e mày.