Joon 12:20 - ŊWÀʼ NYÙY

²⁰ Wír ámóʼó wáa dzə sa ve vé‑eè koʼon fó kiŋkàʼ keé Jerusalem kìn ji á bunrì Nyùy, a vé‑eè wìy fó vitum veé Grik.

Joon 12:20 Referans Kwoze

Joon 7:35

Vé wòŋe nèn a kfə̀ynìn jii, «Jwè və̀n suuy ji wun du fèé, fo bó yòʼ dzə̀ vèsən yèn wun? A tàm bo wù taʼ, a ghan fo wír veé Juda ve á dzəə̀n é vitum vímóʼ ví, a yeʼéy wír vee fó.

Lim Aŋgàa Ntum 17:4

Ámóʼó yú, e biìmé, e tàtí Por wùn Silar. Wír veé Grik ve vé‑eè sí ghvə́m Nyùy, wùn à vikǐy wìr ve kuʼkìn ámóʼó tátí sá áwune anín.

Aysaya 11:10

Ghán sin si wíy gheén, é taà saʼ wo fíy wo wù wíy fəə fo Jessi ram tiím moo cícíwàr fo wìr dzə̀m woó kitu ke nsay. Vitúm vi wíy a mèʼèm, a wìy, a yen wun e wun kirə̀ʼ ké dzə, a ghvəm wun.

Lim Aŋgàa Ntum 8:27

Filiv nèn a səy fo. A wìr woó Etiopia wùmòʼ kì dù, e bùnrì Nyùy e Jerusalem, a kfən fo laʼ, a wù ghán a dzə̀ é kar ye səŋ nyám si. Wù‑uù dzə̀ wír wo kuʼùn é wòŋ Etiopia, a kér wun kitáv ké Yaà Kandar wo wù sáʼ fó. Wù wáa dzə e wùn kar, a yòŋ kinyo fo ŋwàʼ wo Aysaya woo ŋgaà ntum Nyùy‑iì saŋen.

Galatia 2:3

Mo mò‑oò dzəə̀n fó vèr Titur woo wir Grik, bó á yòʼ‑oò ló a kàn ji á sáŋ *mbèʼ sə́, é bo wù fíʼ a dzə wir Nyùy.

Lim Aŋgàa Ntum 21:28

a rəəmé ji wír veé Israyi wàá kaáy. Dzə̀ á wír və̀n wo wù ghán virə́ʼ vidzə̀m, yéʼey wíri ji á wáa leéy woŋ və̀n, wùn à Nsər Mooser, à lav Nyùy rə̀n ntéŋ. Wù kfən màysì lèn, e wìy e wír ve bó yòʼ dzəə̀n veé Judàa é lav cù fèn, a bivír kirə́ʼ ké Nyùy kìn sho.

Lim Aŋgàa Ntum 20:21

Mò‑oò fiʼtì kinyo kimòʼón e wíri adzə̀m, kìn dzə̀ wír veé Juda, kìn bó yòʼ dzə̀ veé Juda jii, á biner melív mev, e kfə̀n fo Nyùy, e wày shilív e Tàr wòsən Jesus Kristu wùn.

Lim Aŋgàa Ntum 16:1

Por dù, e mèé e mvə̀mlaʼ yee Derbe, e wìy lò, e dù e Lista. Ŋgaà biìmé wùmòʼ wáa dzə fo, a yírí dzə̀ Timoti. Yè wov‑iì dzə̀ sá ŋgaà biìmé, a dzə̀ wír woó Juda, tàr wov wáa dzə wir Grik.

Lim Aŋgàa Ntum 14:1

Mo Por wùn Banabar duùn é Ikoniyum, kinyo ki ku kfə̀n kòóy áwune fó réŋréŋ mo kí‑iì kooyin é Antiyok. Wùn wun dù e ŋgày bùnrì yee fó, a fìʼtì kinyo kee kùm Jesus e dzəə ye wír veé Juda wùn à vitúm vi wáa biimé nyanyày.

Kolosia 3:11

Mo Nyùy naŋsin ne melív me wìr və́ adzə̀m, bo bó wùmòʼ yòʼ dzə̀ə́ jeéy ji woó Juda wo vé‑eè naŋsin ji wir Nyùy, kìn woó kitum ke sən kí wo bó á yoʼ nàŋsín bèy. A bó yòʼ dzə̀ á kfə̀n a yen wùmòʼ ji kiŋgwìy, kìn ji wír woó mfùŋ, kìn ji kwàn, e bó a yen wùmòʼ ji wan nsay. Á sí yén lèn a dzə̀ Kristu. Kér wun wír vìn adzə̀m.

Galatia 3:28

A bó wìr wùmòʼ yòʼ dzə̀ə́ jeéy ji woó Juda kìn wir kitum. A bó wùmòʼ yòʼ dzə̀ə́ ji kwàn, bo wùmòʼ wáa dzə ji wan wòŋ. A bó á yòʼ fə̀m dzəə́ leey wùmòʼ ji lumèn kìn wiíy. Áwune tàtí ne adzə̀m wùn à Jesus Kristu, e nèn a dzə kifá kimòʼón.

Ŋwàʼ woó Rom 10:12

A kù dzə̀ mo ké wìr dzə̀m ki dzəə̀n, kìn ŋgaàŋ dzə̀ wír woó Isray, kìn bó yòʼ dzə̀ woó Isray. A kí dzə̀ bey, bìʼ fo kù jòʼsìn Jesus wo dzəə̀n Tàr à wír vìn adzə̀m, a wù shám wír ve á tóŋ fo wun adzə̀m, buʼ e vijuŋ və́ ví.

Ŋwàʼ woó Rom 1:16

A bó yòʼ dzə̀ m wàa woomé fó a fìʼtì gheéy, bìʼ fo m kiìn féyì ji dzə̀ á vitaáví vé Nyùy, a ví yii, á lóo fìʼtì, wíri wàa way shilív e Wan və́ wùn, wun woo Nyùy wàa lùŋèr áwune adzə̀m, kìn dzə̀ wír veé Juda ve kinyo kìn ki‑iì dzəə̀n kév fó mbìy, kìn vitúm ve ví yú kév a dzə̀ lèn.

Joon 12:1

Kishiíy kí wìy lòo ber ntuùfú, é bo Ŋkǎʼ Yáʼayshaà və̀yi wáa dzə, Jesus nèn wìy sa, e dù, a dzə e ntèʼ yee Betani fo Laasaror wo wù‑uù fəərin fó kpu və̀y‑iì dzə́.

Joon 12:19

Wír veé mbìv *Farasii nèn a kfə̀ynìn jii, «Kinyo kìn ki shaà ne vitaáví vesən. Vèn yén ri mo woŋe loòn ne e dzə̀m, a gbù a dzə̀ é wùn wó.»