Joon 12:16 - ŊWÀʼ NYÙY

¹⁶ Wón lìm Jesuse yén kinyo kìn, e làa yòʼ a gwàrìr kinyo ke vé‑eè saŋen kiy. Wìy lòo dzə fo bàm, a Nyùy lí ne Jesus e yuv, bo kí wiy aáwuné vifii ji vé‑eè sàŋ kinyo kee shooy a dzə̀ bìʼ Jesus, kí ku kòóy a mo vé‑eè saŋen.

Joon 12:16 Referans Kwoze

Joon 2:22

Wón və́ lìme nèn wìy sìíy sa, a kuumé kinyo ke wù‑uù màʼàn kin, a wù fəə́ ne fo kpu. Á nèn biìmé ji kinyo ke Jesus‑eè suuyin, a vé‑eè lo dìn sa e Ŋwàʼ Nyùy kìn, ki dzə̀ á rú.

Joon 14:26

Yii bèy, Tàr wor wíy tum Ŋgaà Sə wo dzəə̀n Kiyoy kfə́ fo vèn e mǒ yir, é wù wáa naàrì ven vinyo vidzə̀m, a yiì, é vèn wáa kuumé vinyo ve mò‑oò suuy e vèn vidzə̀m.

Joon 7:39

Jesus wáa suúy kin, a wù yoŋ a dzə̀ Kiyoy ke Nyùy ke wír ve á wáy shilív e wùn wùné wíy a ker. Wáa dzə e ghan see shooy, a bó Nyùy yóʼ ne tùm Kiyoy kee shooy, bìʼ fo wù yòʼ‑oò ló ne kòʼór Jesus, wù nəə́ e wùn vikùʼùy.

Lim Aŋgàa Ntum 2:36

«Wír veé Isray adzə̀me ku nèn a kiíy kijuŋ jii, Jesus wo vèn‑eè taan é kintam və̀y dzə̀ á wùwun wo Nyùy lèmèn ne ji Mfə̀ə́r wo wù‑uù kàʼàn, e kfə̀n lèm ji Tàr à vifa vidzə̀m.»

Joon 12:23

Jesus suúy aáwune jii, «Á lèn wo Nyùy sí yiì bùʼ ŋgaà wo yírí dzəə̀n *Wanwìr e vikuʼùy ve ghaʼán ví.

Hibru 12:2

a leéy a dzə̀ fó mbìy fo vèsən du, e jòʼsì, a dzə̀ e Jesus wùn. Dzə̀ wun wo wù yiìn, vèsən wáa way shilív e Nyùy wùn, a kù wíy lì wun vèsən, e way e Nyùy kiwo ŋkuuŋkùŋ. Wù‑uù dzə̀ é nsay fèn, e biìmé ji wun ku yiì mo Nyùy sìysìn, e kpù é kintam moo ŋgaà jay, e làa yòʼ a ci woómé se sí dzəə̀n é kfəə kpu foo fèy. Wù‑uù leey kfə́ a dzə̀ vijuŋ ve ví dzəə̀n fó mbìy. Wù nén a dzə lèn e yuv, a dzə e Nyùy ghaa kàvàʼ, e koy yìyí.

Hibru 8:1

Tím kinyò ke vèsən kì fer ki nén a dzə jii, Jesus dzə̀ rú á taà cù wòsən wo kuʼùn wo wù gheenen féyì. A wù sì a dzə̀ é yuv wùn Nyùy, dzə́ e Nyùy ghaa kàvàʼ, e koy yìyí.

Lim Aŋgàa Ntum 3:13

Yiì Nyùy ji wun kóʼór yír Jesus woo Ŋgaà və Lìm, wun woo Nyùy wo dzəə̀n wo atǎr ram yesən. Dzə̀ Nyùy Abraham, à wo Aysi, à wo Jakov. Jesus woo shooy dzə̀ wo vèn‑eè gòvtìn, e lì, e fò e vé saʼa, Payler lòo màʼtì, vèn sháʼnín.

Lim Aŋgàa Ntum 2:33

Nyùy nèn kfə̀n kòʼór wun, e dzə̀ʼə̀r e wùn koy yìyí, e fò Kiyoy ke Ranén kí shó mo wù‑uù kàʼàn. A vinyo ve vèn yén lèn, kfə̀n yú vìn vi dzə̀ Kiyoy kee shooy mo Jesus foon sá e wír vəə́.

Joon 16:4

M sùúy ne vinyo vìn e vèn lèn ji ví wíy lóo koóy, é vèn nèn a kuumé ji mò‑oò ló a suúy e vèn fó ghan. «A bó m yòʼ‑oò lo tàv, a suúy vinyo vìn e vèn, bìʼ fo kù‑uù rə́si dzə́ vèsən.

Ŋwàʼ Luk 24:45

Wù nèn mvə̀ʼtì vifií vév, á kiíy kinyo ke kí dzəə̀n é Ŋwàʼ Nyùy.

Ŋwàʼ Luk 24:25

Jesus nèn sùúy aáwune jii, «Vèn yùŋsí feyì, melív men mè rəə́y é ŋàŋ, la vèn yòʼ a biimé vinyo ve aŋgàa ntum Nyùyi‑iì saŋen.

Ŋwàʼ Luk 18:34

Jesus suúy bey, la áwune yòʼ fə̀m kìíy. Kí tárír áwune, la á yòʼ yù kinyo ke wù suuyì.

Ŋwàʼ Luk 9:45

Wù suúy bey, la áwune yòʼ kìíy. Kifá ki‑iì sə̀tí vifií vév fo á kiíy, á nèn kfə̀n a fàn fó dzər sho.

Joon 17:5

Tàr wor, ku kfə̀n fò mo vikuʼùy vém viy lèn wo m tíy e wò si və̀n, vikuʼùy ve mò‑oò sí kér wòsò, é bo ndzə wìy a dzə.

Maak 16:19

Mo Taàtá Jesus suŋnin wùn à wón və́ lìme, e màysì, Nyùy nèn lì wun e yuv. Wù kóʼ, e dzə̀ʼə̀m e Nyùy koy yìyí.

Maak 9:32

Wù suúy bey, la wón və́ lìme yòʼ kìíy, e nèn kfə̀n a fàn fó dzər sho.