Joon 12:15 - ŊWÀʼ NYÙY

¹⁵ «Ven vee wír veé *Sion, lá vèn yòʼ a fàn. Vèn yén mo Fòn won wiyì. Wù kòʼ a dzə̀ wan kimbèʼbìy.»

Joon 12:15 Referans Kwoze

Sekariya 9:9

Éè wìr veé Sion, vèn wáa sheʼrí e mbòómbòŋ. Éè wìr veé Jerusalem, vèn wáa ndzəʼ. Vèn yén mo fòn won wiyì, wiy e sáʼ yee tìítiyi, séŋ nsiì, e kù yòʼ lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.

Aysaya 62:11

Nyùy Tàr tsə̀nsí ne ntum kitú ke nsay kidzə̀m. Yì dzə̀ ji á ku tiìsí e wír veé Sione á jii, «Vèn leéy, Nyùy won sí wiy ji wun luŋer ven. Rúrú, wù wiy, kér vilaámé vén. Wù wiy e wír vén ve wù bòyìrìn ne fo kwaʼ nsàmé.»

2 Samuel 16:2

Fòn Davir dzə́r e Tsiba jii, «À du a dzə̀ feé e vifá vìn vi?» Tsiba bìnèr jii, «Nyàr, vimbèʼbìy ví dzə̀ á ji fòn wùn à kfə́ə rəə́ wàá kóʼ. Kibán wùn à vifá ve koomén ví wáa dzə a vifá ve yi ve vé rər və́, shiluʼ shi wáa dzə a shé wìr ve á ghanen ne, e dòrkír e woʼ ji á wàá nó.»

Mayka 4:8

Jerusalem, fo ké ki, à dzə̀ kikum ke ŋkàlaʼ ke wìr ve shiy Nyùy. Jerusalem, wò woo Gwan Sion, á yíi siìr sáʼ yé fo, é vifon vé vi tuúy mo ví‑iì dzəə̀n fó mbìy.

Aysaya 41:14

Rúrú, rám Jakov, fə̀m mo vèn dzəə̀n là kitar moo kiŋgoóŋgoŋ, ven vee wír veé Isray, lá vèn yòʼ a fàn. Mómò, m wíy a sə ven. Suuy mo woo Nyùy Tàr woo Mfə̀ə́r won, mo woo Ŋgaà wo Ranén woó Isray.

1 Afòn 1:33

fòn suúy aáwune jii, «Vèn li atǎr ntoʼ vémé, e yòŋ é wan wom Solomon kóʼ kimbèʼbìy ké nyàmŋkoʼ kém, é vèn áwune sə́y é dàn woó Gihon,

Atǎr Nsaʼ 12:14

Wù‑uù kér wón vee vilum mkweè, kfə̀n kér wón won vee vilum mtaár, aáwune vee wír msaàmbà adzə̀me kù dzə̀ ve vé‑eè kóʼ vimbèʼbìy. Wù sáʼ ji tàr nsaʼ wìr veé Isray kiyá waamé.

Atǎr Nsaʼ 5:10

«Ven ve vèn kóʼ vimbèʼbìy ve fəvír ví, ven ve vèn kúr ndzə̀y sé laʼ, e lì ven ve vèn ghán kén e kiwuú kí, vèn yuúrí yòv wo wù koóne, kwá Nyùy Tàr.

Remrí 17:16

Lá fòn yòʼ wìy a ker nyám se ŋkoʼ sinín ji sə́. Lá wù yòʼ wìy mùm, e tùm wíri é Ejiv ji á du, e yùn nyám se ŋkoʼ fo fo, bìʼ fo Nyùy Tàr‑iì shaʼnin ne ji lá wír vəə́ yòʼ kfə̀n wìy kfə̀n á e Ejiv.

2 Samuel 15:1

Ghán sí lòo dù, Absalom tàʼ kár wùn à nyám se sí wáa sə̀ŋ wun si, à wíri mtàn ve á wáa leʼ fo mbìy wo.

Matio 21:5

«Vèn suúy e wír veé *Sione jii, ‹Vèn yén mo Fòn won wiyì. Wù lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.› »

Joon 12:14

Jesus kóʼ é kitu ke wàn kimbèʼbìy, a wìy réŋréŋ mo vé‑eè yiìn ne sàŋ é Ŋwàʼ Nyùy jii: