Joon 12:13 - ŊWÀʼ NYÙY

¹³ Á nèn keèmè, a dù ji á səə́si wun, a ker viyáŋ e wo, a ndzəʼ jii, «Fon wor èy, Fon wor èy, Nyùy Tàr ku səə̀vì wír wo wù wiy e wùn yir. Dzə̀ Fon wìr veé Isray.»

Joon 12:13 Referans Kwoze

Ŋgaà Yen 15:3

a kùm, a yòv luŋ Mooser woo *ŋgaà ntum Nyùy, e kfə̀n a yòv wó Wàn Njiì Nyùy. Aá yov jii: «Éè Nyùy Tàr, wò woo Nyùy woo Ŋgaà Vitaàví Vidzə̀m, vinyo ve à yii vi dzə̀ féyì, a wíri leey, kér gháʼ. À dzə̀ Fon wo wù sáʼ vitúm vidzə̀m, a sáʼ yée du tìítiy, là kiloʼ.

Ŋgaà Yen 7:9

Kee shooy ki lòo shaà, m leéy, e yèn màŋgòŋ wìr nyanyày, a bó yòʼ dzə̀ wìr tàŋ. Aá ló vitúm vidzə̀m, kìn dzə̀ ke kí súŋnin lám vəné, e lò woŋ sidzə̀m, e kfə̀n lò rám wìr msòŋ e dzə̀m. Á wáa tiy e kàvàʼ wùn Wàn Njiì si, aá máʼ ne vikúm ve fəvír ví, a ker viyáŋ aáwuné wo.

Joon 1:49

Nataniar nèn yòŋ ji «Ŋgaà Yèʼey, à dzə̀ rú Wan Nyùy. À dzə̀ Fon woó Isray.»

Matio 23:39

A m suuy e vèn jii, bó vèn yòʼ dzəə́ wìy yen mo, e dù, e meé e ghan se vèn wíy a ndzəʼ jii, ‹Nyùy Tàr ku səə̀vì wír wo wù wiy e wùn yir.› »

Hosea 3:5

Yii bèy, a ghán sí wíy gheén, é wír veé Israyi binkir, a leéy a dzə̀ Nyùy Tàr woo Nyùy wov, e kfə̀n a leéy wír wo wù wíy fəə fo Davir ram, a dzə fon wov. Wíy lòo dzə e ghan sé bàm sí, aáwune wáa koʼtí e Nyùy Tǎr si, a fàn, a yàʼ, a kìʼ kisəəvì a dzə̀ ke fó wun woo Nyùy.

Joon 19:15

Áwune nèn kfə̀n a waamé jii, «Á yúyrí wír woo shooy yúyrín. Á ku yùyrí yuyrín. Á tá taán é kintam.» Payler dzə́r aáwune jii, «Bo dzə̀ ji m tá fon won é kintam à?» Vitú ve atàá cù vi bìnèr jii, «Vèr kù kér fon e mòʼón, a dzə̀ Fon woó Rom.»

Tsəfaniya 3:15

Nyùy Tàr tsə̀ʼ ne ŋgeʼlàʼ yen, wù jùm ne aŋgàa vibàn vén. Nyùy Tàr woo Fon wìr veé Isray dzə̀ vèn áwune. Vèn yòʼ dzəə́ wìy a fàn ŋgeʼ yìmòʼ.

Ŋgaà Yen 19:16

Wù wáa wìy bèy, m yén, aá sáŋ yír yímóʼó e wùn kikum, e kfə̀n sàŋ é kibìy, a yí dzə̀ jii, «Fon‑afòn, Tàr‑fo‑atàrí.»

Aysaya 44:6

Nyùy Tàr woo Taà Mànjòŋ, wun woo Fon wìr veé Isray, woo Mfə̀ə́r wov suuy jii, «Dzə̀ mo keʼ, a kù dzə̀ mo kinjòʼsì, kù mày mo wo dzəə̀n Nyùy.

Cù 23:40

Lóo dzə e kishiíy ké mbìy kìn ki, é vèn ku tày báŋ si fó vici ve ví koom báŋ se juŋ si, e tàʼ viyáŋ ve ten, à tám se vici se rəŋsìn sí, à tám se kici ké *wilo fo ghaa ndzəv, e kèʼ, a ndzəʼ e Nyùy Tàr woo Nyùy wón si, aá kù yíi a sàvnìn bèy, kishiíy saàmbà.

Joon 12:15

«Ven vee wír veé *Sion, lá vèn yòʼ a fàn. Vèn yén mo Fòn won wiyì. Wù kòʼ a dzə̀ wan kimbèʼbìy.»

Matio 27:42

«Wù‑uù ghán, luŋèr wíri, a bó yòʼ dzə̀ wù lùŋèr kfə́ kee kitú. Wun woo Fon wìr veé Isray, wù sə́ʼə́y ri lèn fo kintam, é vèr yén, e biìmé wun.

Joon 12:14

Jesus kóʼ é kitu ke wàn kimbèʼbìy, a wìy réŋréŋ mo vé‑eè yiìn ne sàŋ é Ŋwàʼ Nyùy jii: