Joon 11:52 - ŊWÀʼ NYÙY

⁵² A bó kí yòʼ‑oò dzə̀ ji Jesus kpú a dzə̀ fo wír veé wòŋ foo fèyi cáʼcáʼ. Wù‑uù wíy kpu ji wù fiʼ bàʼtí wír ve dzəə̀n vé Nyùy fo kitu ke nsay adzə̀m, aá wáa dzə kintatì kimòʼón.

Joon 11:52 Referans Kwoze

Joon 10:16

A m kér sa njiì wùmòʼ, a bó wù yòʼ sì é ŋgoo fèn. M kér fó yìi baʼtí woo shooy e dzə̀m, aá yíi a yu jí yem, a wìy, é ŋgoo njiì nèn a dzə e mòʼón, é nshìy wáa dzə sa e mòʼón.

1 Joon 2:2

Nyùy laysìn ajay vesən a dzə̀ bìʼ Jesus Kristu və̀n wo wù‑uù kpuun ji wun fíʼ taŋrí vèsən. A bó wù yòʼ‑oò kpù bìʼ ajay vesən cáʼcáʼ gheéy. Wù‑uù kpù bìʼ ajay wìr dzə̀m.

Aysaya 49:6

«Bó yòʼ dzə̀ à kù jòʼsì cáʼ ji wír wom lìm. Yòʼ dzə̀ cáʼ ji à ku lì rám Jakov, é yí wiy fo mǒ wùn. Yòʼ dzə̀ cáʼ ji à wiy e kibér ke wìr keé Isray ke kí bòyìn kí. Dzə̀ sá ji m yíi nàn wò ji kikaʼày fo wír ve bó yòʼ dzəə̀n veé Israyi, áà yii, é wìr msòŋ woó kitu ke nsay dzə̀m fiʼ lùŋ.»

1 Pita 1:1

Ŋwàʼ və̀ne sàŋ mo woo Pita wo dzəə̀n ŋgaà ntum Jesus Kristu. A m sàŋ a dzə̀ fo wír ve Nyùy shoʼon ji və́ ve á sàmèrìn wún, a beè e wòŋ see Pontur wùn à Galatia, à Kapadosia, à Asia, e lì woó Bitinia.

Ŋgaà Yen 5:9

Á wáa gbù bèy, a yòv luŋ wo fíy wúmóʼó, a wú dzə̀ jii: «Kù dzə̀ wò, wo à gheenen fó sə ŋwàʼ və̀n, e bày mfìn, e mvə̀ʼ. Wò‑oò biìmé kpú, mensə́ mè mè leém, à tín wíri fó lòn, e siìr e Nyùy. A vé‑eè lò vitúm vidzə̀m, kìn dzə̀ ke kí súŋnin lám vəné, kfə̀n lò woŋ sidzə̀m wùn à rám wìr msòŋé e dzə̀m.

Ŋwàʼ woó Rom 3:29

Mo dzə̀ ji Nyùy dzə̀ wo wír veé Juda cáʼ a? Bó yòʼ dzə̀ sá wo wìr ve bó yòʼ dzəə̀n veé Juda à? Dzə̀ sá wo wìr vee shooy.

Ŋwàʼ Luk 2:32

Wù wíy a dzə kikaʼày fo wír ve bó yòʼ dzəə̀n veé Israyi, aáwune fíʼ kiíy sa wò, a wù wíy nàn yír wìr vé veé Isray.»

Jeem 1:1

Ŋwàʼ və̀ne sàŋ mo woo Jeem wo dzəə̀n ŋgaà lìm Nyùy wùn Taàtá wòsən Jesus Kristu. A m sàŋ, a shàʼtì ven vee wír Nyùy ve á taʼrin, a dzə woŋ dzə̀m.

Efesor 3:11

Aá yén lèn a dzə̀ mo Nyùy‑iì sìysìn fó ŋgùʼ ji Tàr wòsən Jesus Kristu wíy wìy, é wù yii, é vinyo vìn vi koóy vidzə̀m.

Efesor 1:5

Mo wù‑uù sí koŋ vèsən, wù nèn sìysì ji wun kù wíy yiì a kinyo ke wun wayin kin, e lì vèsən ji wón və́ bìʼ kinyo ke Jesus Kristu‑uù wíy yiì fo vèsən.

Ŋwàʼ woó Rom 4:17

réŋréŋ mo vé‑eè saŋen ji Nyùy‑iì yòŋ e wun a jii, «M lèm ne wò ji tàr à vitum vinín.» Abraham nén a dzə tàr wòsən fo Nyùy si. A dzə̀ wun woo Nyùy wo Abraham‑eè wayin shilív é wùn wó, kfə́n a dzə wun wo wù yii, a wìr wo wù kpuun ne kfə́n e tin, kfə̀n yii, a vinyo ve ví yòʼ siìn ví kooy mo wù‑uù kàʼàn.

Lim Aŋgàa Ntum 18:10

M leey fo wò, a bó yòʼ dzə̀ wìr lèmér wò. M dzəə́ kér wír anín e ntèʼ fen ve dzəə̀n vém.»

Joon 12:32

A kém kí dzə̀ jii, á wíy koʼór mo é kici, wíri yéné, é m nèn sə̀ŋrì wir dzə̀m e mǒ wùn.»

Joon 1:29

Yì rán kibvəə́shí, Joon yén Jesus, a wù wiyì, e nèn a dìn e wíri jii, «Vèn yén wír wo wù mán vinyo ve wír veé ndzə adzə̀me jáyí. Wù dzə̀ moo wan njiì wo Nyùy seé, e taŋrí wíri shó.

Hosea 1:10

«Yii bèy, wír veé Israyi dzəə́ wìy kùʼ, a dzə moo síy seé rìbà ndzə̀v, a bó á yòʼ wíy yu fó taŋ. A kí dzə̀ jii, e kirə̀ʼ fo vé‑eè yoŋ áwune ji ‹Vèn yòʼ dzə̀ə́ wír vém›, dzə̀ fo á wíy a yòŋ áwune ji ‹Wón Nyùy wo wù gòʼòn kàŋ mòʼón.›

Esiker 34:12

M kù wíy a tàʼ njiì wom réŋréŋ mo nshìy yii taʼ e ghan se və́ə bvəərin. M wíy tàʼ áwune, e fəə́r fo virə̀ʼ ve áwune‑eè taʼrin, e dùkìr sho, e tàʼrí e kishiíy ke ŋgeʼ‑eè nəən áwune, e sùm moo mbàʼ.

Aysaya 60:4

Éè wìr veé Isray, vèn nan síi, e lèéy. Vèn leéy, e yèn mo wón véné baʼtin ne, a kfən e laʼ fo kwaʼ nsàm. Wón vén vee vilum ve á dzə́ e ndzəywoŋe sí kfə́n fo věn wùn. Á baàrí ne wón vén vee vikìy, a wìy sho.

Aysaya 56:8

Á bèy, Nyùy Tàr woo Taà Ndzə, wun wo wù báʼti wír veé Isray fo kwaʼ nsàm, wù suuy jii, «M dzəə́ yìi baʼtí wír ámóʼó, aá tátí áwune.»

Aysaya 55:5

Bìʼ bey, wù wíy a lì vitúm, a wìy sho fo mǒ wùn. Vitúm, a bó wù yòʼ kì, a ví yòʼ kì sá wun. Ví wíy a leʼ, a wìy ji ví fiʼ tàtí ven, bìʼ mo woo Nyùy Tàr woo Nyùy won. Á wíy a wìy, bìʼ fo mo woo Ŋgaà wo Ranén woó Isray bùʼùn ne ven e vikuʼùy ví.»

Aysaya 49:18

Vèn nan síi, e lèéy virə́ʼ ví, é vèn yén mo wón véné baʼtin ne, a kfən fo laʼ. Mo woo Nyùy Tàr suuy jii, mo m dzəə̀n shó, ŋkàlaʼ rə̀n wíy a yu vijuŋ ve won ve á kfənen, kù moo jín, wo wù wayrin vifá ve sùsù e wùn, a sheʼrí.

Nsùyrì Nyùy 72:19

Á wáa burí yír rə́ ghán sidzə̀m. Vikuʼùy və́ ví ku rùn kitú ke nsay. Amen, Amen.

Nsùyrì Nyùy 22:15

M yùm ne moo kimbvə́ʼ ke láŋ, a vitaáví vém ví mày ne. Kiliímé kém kí bárín e mǒ kilayláy, aà fò ne mo e kpúu.

Kèʼlo 49:10

Kitoómé ké vifòn ki yòʼ wíy buú fo Juda. Kitoómé ké saʼ ki yòʼ wíy buú fo wun nsàn vibìy, e dù, e meé e ghan se ŋgaà kitoòmé wiyì, a dzə̀ wun wo vitúm vidzə̀m vi wíy a yunín.

Nsùyrì Nyùy 22:27

Vitúm vidzə̀m veé kitu ke nsay vi wíy bìnkìr, a kuumé fó a burí Nyùy Tàr, é kfəə́ sidzə̀m si wáa koʼtí e wun si, a ghvəm wun.

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

1 Joon 3:1

Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.

1 Joon 3:2

Ŋkàr sem, vèsən dzə̀ rú wón Nyùy lèn. A bó vèsən yóʼ ne kìíy mo vèsən wíy a dzə e ghan se sí wiyì. Ke vèsən kiìn kí dzə̀ ji Jesus wíy wìy, é vèsən wáa dzə réŋréŋ moo wun, a vèsən wíy yen rú mo wù dzəə̀n.

1 Joon 3:10

Kinyo ke kí din jeéyjeéy fo wón Nyùy wùn à vé Satan ki dzə̀ jii, wír ve bó á yòʼ yii kinyo ke ru kí, a bó á yòʼ koŋ afə́r véví yòʼ dzə̀ á wón Nyùy gheéy. Vee shooyi dzə̀ vé Satan.

Ŋwàʼ Luk 15:8

«Kìn lò wiíy, a ker mbàm e ghvə̀m, sí mbàme lay, wù yèe le? A dzə̀ la wù yòʼ sə̀ʼ lam, e yèr nsaàlav, a tàr, e meé e ghan se wù yíi yen à?