Joon 11:51 - ŊWÀʼ NYÙY

⁵¹ Wù wáa suúy bèy, a bó yòʼ fə̀m sìysì wun fo wùn vifii. Mo wù‑uù dzəə̀n taà cù wo kuʼùn é kiya foo fèy, Nyùy nèn yiì, wù wáa suúy ji Jesus kér fó wìy kpu fo woŋ woo shooyi, a wù tiísi a dzə̀ ntum Nyùy.

Joon 11:51 Referans Kwoze

Daniel 9:26

Ghán sin si wíy shaà, aá laar taà saʼ wo á yoʼon ne, e buúr sáʼ fo kiwo wo. Taà saʼ wùmòʼ wíy ŋaʼáy e ghan fèn, é vé rər vəə́ laar ŋkàlaʼ wùn à kirə́ʼ ké cù ki. Á wíy laàr fó mo laàr ndzə́v, é rə́r sí kú a shaà fo mbìy, e meé mo ghán see shooy si‑íì shaa. Á mo Nyùy wayin ji ŋgeʼ si wíy a koóy.

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

1 Samuel 23:9

Davir yú ji Saul bàʼtí a ne ji wun nəə́ wun e rə́r sí, wù suúy e Abiyatar woo taà cù ji wù wiy á e shiŋkèéy shé kikum shí.

Ŋwàʼ Fəə 28:30

À kù wíy lì sa Urim wùn Tumim, e way e kifìn keé nsaŋ foo fèy, Aaron lóo nəə́ e kirə̀ʼ kee jeéy kí, lóo tiím e mǒ si, é wù kú a ker e wun shùu shiliv. Kù dzə̀ vifá vìn ve wù wíy a lìm sho, e bó a kwàŋrì vinyo ve wìr veé Isray.

Galatia 3:13

Yii bèy, mo nsər yiìn, vèsən nəə́ é lòn, vèsən wàa kiíy jii, Jesus Kristu fə̀ə́r ne vèsən fó lòn fóo fèy. Wù‑uù lì lòn wósən woo shooy, e siìr e wùn kitu. A dzə̀ mo vé‑eè saŋen é Ŋwàʼ Nyùy jii, «Á keerì wír e kici, bo lǒn Nyùyi sì é kitu wo.»

1 Korin 13:2

A Nyùy fə̀m bùʼ mo ji m wáa yu kinyo fo wùn shuù, a tiisí e wíri, a kiíy vinyo vidzə̀m, e kfə̀n a kiíy ve ví‑iì dzəə̀n é kilìr, a way shilív ji dzə̀ Nyùy yiì, m wàa shàʼàr agwan, a bó m yòʼ koŋ wíri, bo m lày kisáŋ.

Joon 10:15

réŋréŋ mo m kiìn Tàr wor, a wù kì sá mo. M nen biìmé kpú, e fò kitú kém fo njiì wom və̀n.

Matio 20:28

A dzə̀ réŋréŋ sá mo ŋgaà wo yírí dzəə̀n *Wanwìr və̀n yoʼ wìy ji wíri wáa lìm fo wun. Wù wìy ji wù wáa lìm fo wíri, e fo kitú kfə́, e fíʼ tin wír anín fo lòn.»

1 Samuel 28:6

Wù beè Nyùy Tàr shó, la Nyùy Tàr yòʼ fə̀m bìnèr wun e njèm, kìn e Urim wùn Tumim, kìn ji wù shaa fo aŋgàa ntum vəə́.

Kintaŋ 24:2

e lòo nàn sí, e yèn a wír veé Israyi tám é vilaʼáy mo rám sév sí dzə̀kìn. Kiyoy ke Nyùy ki nèn wìy e Balaam wùn,

Kintaŋ 22:28

Nyùy Tàr nèn lò, e mvə̀ʼ shúu kimbèʼbìy, kí dzə́r e Balaam jii, «M yèe le e wò, é bo à dzəv mo fó akàŋ ve á meen ji ataár vìn?»

1 Pita 3:18

Kù dzə̀ mo Kristu‑uù yenen ŋgeʼ bèy, e kpù fo wírí vinyò ve bi ví vidzə̀m kàŋ mòʼón. Wun woo là jay, wù kpú fo vé jayi, e màn ajay vee shooy adzə̀m ji wun fíʼ siìr vèsən fo Nyùy. Vé‑eè yùyrí wún və́, a wù kér wún a dzə̀ woó nsay. Wù fəə́ fó kpu, a ker a dzə̀ wo wú‑uù loòn fo Nyùy.

1 Pita 2:24

Wúnwun woo Jesus‑eè lo siìr vinyo vesən ve bi ví a dzə̀ e wùn kitu, e kpù shó e kintam. A wù‑uù kpú bèy, ji vèsən fiʼ kpù sá fo mbìv vinyò ve bi ví, e nèn a dzə, a yiì a dzə̀ vinyo ve ru ví. A dzə̀ vileémé və́ vin ve ví yiìn ne, vèsən bónén fo vèsə́n yàsí.

Joon 11:49

Wùmòʼ woo wír fo áwuné mvəm wáa dzə Kayfar, a yì‑iì dzə̀ taà cù wo kuʼùn é kiya foo fèy. Wù nèn lò, a suúy jii, «Vèn dzə̀ viyúŋ.

Joon 18:13

Á kúr, e nèn lì, e tòmbìy dù sho fo Anar, a dzə̀ tàr à wiiy Kayfar wo yì‑iì dzəə̀n taà cù wo kuʼùn é kiya foo fèy.

1 Joon 2:2

Nyùy laysìn ajay vesən a dzə̀ bìʼ Jesus Kristu və̀n wo wù‑uù kpuun ji wun fíʼ taŋrí vèsən. A bó wù yòʼ‑oò kpù bìʼ ajay vesən cáʼcáʼ gheéy. Wù‑uù kpù bìʼ ajay wìr dzə̀m.