Joon 11:48 - ŊWÀʼ NYÙY

⁴⁸ aá lòo dzə, e màʼtì, bo wìr dzə̀m yíi bìn a dzə̀ é bàm wó. Wír veé *Rome wíy nəə́ sho, aá nèn laàr woŋ wosən wùn à kirə́ʼ ké Nyùy kìn ki.»

Joon 11:48 Referans Kwoze

Lim Aŋgàa Ntum 5:28

«Bó vèr yòʼ‑oo lo kàntì ji lá vèn yòʼ dzə́ə a yeʼéy wír kinyo ke Jesus à? Vèn yén ri kinyo ke vèn yiìn kí. Vèn sàmèr ne yéʼéy yén Jerusalem e dzə̀m, a tàʼ ji wíri wáa bashí ver ji vèr kì fo Jesus kpu.»

Ŋwàʼ Luk 11:52

«Yìiy, ven ve á duŋrì nsər Nyùy, ŋgeʼ dzə̀ rú yéen. Vèn lìtì ne kimbàʼ ke kí mvəʼ shúu lav wo dzə̀ wìr shaà shó, e bóo kiíy kinyo ke dzəə̀n ké ru kí. Vèn tèn e wún wóné fó shaà sho, e nèn a shèm wír ve á taʼ ji á shaa shó.»

Ŋwàʼ Luk 8:12

Ŋgoòy ye yì tumkin é dzəə nén a dzə wír ve á yú kinyo ke Nyùy, Satan siiy, wù nèn wìy, e fə̀ə́r kinyo kee shooy fo áwuné meliv fo áwune biímé, e wìy lùŋ.

Matio 27:25

Màŋgòŋ və̀y nèn bìnèr jii, «Á maʼti, é mensə́ mvə mè kfə́n a dzə̀ e vèr à wón vérí vitu.»

Matio 22:7

Fòn və̀y yén bey, wún vəə́ kìn, wù fəə́r vé rərí, á dù, e teè sa wír ve á kì yuyrin aŋgaà və́ ntum vìy, e tòn ntèʼ yev.

Joon 1:7

Wù wìy ji wun fiʼti Ŋgaà Ran woo shooy e wíri, aá kiíy, e fíʼ way shilív é wùn wó.

Matio 22:9

Vèn fəə́ lèn, a ghan mentàrnín medzə̀m, yén wír wo á yenen, vèn jàŋ ji wù wáa wìy a fo vijin.›

Matio 24:15

Jesus kfə́n a naàrì jii, «Wíy lòo dzə e ghan see shooy, aá tiír kifá ke *ŋgaà ntum Nyùy woo Daniel‑iì yòŋèn é kirə̀ʼ ké Nyùy, a kifá kee shooy ki kóʼoy, bívir fó.» Wìr wo wù yoŋ kinyo kìn fo ŋwàʼ fèn səəm.