Joon 11:47 - ŊWÀʼ NYÙY

⁴⁷ Vitú ve atàá cù wùn à wír vee Farasi vee shooyi nèn kùm vé wòŋe adzə̀m. Á dzə̀ʼə̀m, a ghay jii, «A dzə̀ vèsən yèe, e bóo sə̀r wír və̀n. Wù ghán, shóʼ virom ve vinyò vinín,

Joon 11:47 Referans Kwoze

Matio 26:3

Ku nèn a dzə e ghan fóo fèy, vitú ve atàá cù wùn à vé wòŋe tár e Kayfar woo taà cù wo kuʼǔn ntoʼ,

Joon 12:19

Wír veé mbìv *Farasii nèn a kfə̀ynìn jii, «Kinyo kìn ki shaà ne vitaáví vesən. Vèn yén ri mo woŋe loòn ne e dzə̀m, a gbù a dzə̀ é wùn wó.»

Joon 11:57

A vé‑eè gháynin bèy, bìʼ fo vitú ve atàá cù wùn à wír veé mbìv Farasii‑iì saʼan ne jii, a wìr yèn fo wù dzəə̀n, ŋgaàŋ kù sùúy, aáwune tsə́nsí, aá wàá koó.

Joon 2:11

Jesus‑eè yiì kinyo kìn e Kaana woó Galeli foo fèy, a dzə̀ kiŋgaʼnìn ke kinyò ke mbìy ki ke wù‑uù dìnèn, wíri wáa yen vitaáví ve Nyùy foon shó. Mo wón və́ lìme yenen, e nèn màysì, e wày shilív é wùn wó.

Matio 5:22

M nén a dùŋrì kém jii, a wìr lò, a shwiíy kilòŋ wùn fər və, bo wù kù dzə̀ sá e mvə̀m nsaʼ foo fèy. A kù dzə̀ réŋréŋ mo wìr wo wù kuùn fə́r və kúun kér sa nsaʼ. Wìr maysi, e yòŋ fə́r və ji kiŋgà ké kifa ke Nyùy, bo wù sí bin a dzə̀ é dzəə̀ və̀y.

Lim Aŋgàa Ntum 5:24

Kitú ke vé rər ve vé‑eè shiy lav cù wùn à vitú ve atàá cùu yú bey, kí tárír áwune. Á wáa ghaynín jii, sà kòóy ka wír vìy a?

Lim Aŋgàa Ntum 5:21

Áwune ku nèn a dù mo wù suuyin. Ndzə jàv, á nəə́ é lav cù, a yeʼéy wíri fó. Taà cù wo kuʼùn və̀y wùn aàŋgaà və́ ŋgoo nèn sìíy, e jàŋrì atǎr wìr veé Isray adzə̀m, wùn áwune dzə̀ʼə̀m, e tsə̀nsí vé rərí ji á du, e lì a wír vìy fo sháŋ, e wìy sho.

Ŋwàʼ Luk 22:2

Vitú ve atàá cù wùn à wír ve vé‑eè duŋrì nsər Nyùyi nèn a shweʼ mo dzə̀ á ghàn, e bóo yuyrí Jesus, a wooné woonén, bìʼ fo vé‑eè fan wíri.

Maak 14:1

Ghán sí nèn wìy ghèén, a vishiíy ví bér ne vibaà, é wír veé Israyi wáa yi ŋkàʼ wo á yoŋ ji *Ŋkǎʼ Yáʼayshaà, a dzə̀ ghán sin se áwune yii yí *kibán kee là nyaà. Vitú ve atàá cù wùn à wír ve vé‑eè duŋrì nsər Nyùyi nèn a shweʼ dzə́ə ye dzə̀ á nyàʼáy, e koò Jesus sho, e yùyrí,

Joon 6:2

Màŋgòŋ báʼtí fó e gháʼán, a ghan e wùn bàm, bìʼ fo vé‑eè yén viŋgaʼnìn ve vinyò ve wù‑uù yii e vé yàsií wùn.

Joon 7:32

Wír veé mbìv *Farasii yú mo wíri kfəynìn kinyo kee kùm Jesus kìn, e nèn dù, e sìysì wùn à vitú ve atàá cùu, á túm vé rərí ji á du, e koò á Jesus.

Joon 7:45

Vé rər ve vé‑eè wìyìn ji á koó Jesus vìyi kfə́n fo vitú ve atàá cù wùn à wír veé mbìv Farasi vìyi. Á nèn dù, a saʼ jii, «Vèn wìy là Jesus və̀y ji ka?»