Joon 11:44 - ŊWÀʼ NYÙY

⁴⁴ Ŋkfə və̀y nèn fəə̀ fó sày fèy, a wìy, a shwín sə́ wùn à kóy si kù dzə̀ə́ mo vé‑eè ndzəmen e ndzə̀y sé sày si, a sí rəə́ kù dzə̀ə́ sa mo vé‑eè sùmèn. Jesus nèn sùúy jii, «Vèn bvəti, é wù wáa dù e wún vəə́.»

Joon 11:44 Referans Kwoze

Joon 5:25

Vèn kfə́n a kiíy rú jii, ghán sí wíy gheén, a sí sì é kiwo, é wír ve á kpukin nee yú mo jì Wàn Nyùy yoŋ áwune, é wír ve á yuun adzə̀me luŋ.

Joon 20:7

e kfə̀n yèn ndzə̀y se vé‑eè ndzəmen kitú ke Jesus sho, a sí néŋ jeéy, sikaárín.

Filipi 3:21

Wù wíy wìy, é wù biner viŋgà vesən vé wùn veé nsay vìn, é ví kfə́n réŋréŋ moo və́ woo wún wo dzəə̀n woó yuv. A vitaáví ve wù wíy bìnèr sho vìn vi dzə̀ ve dzə̀ wù bàʼtí vifá veé ndzə sho vidzə̀m, a saʼ.

Joon 10:30

a vèr Tàr wor dzə̀ ji kitú kimòʼón.»

Joon 5:21

Mo Tàr wov fəər wíri fó kpu, aá kfə́n atin, dzə̀ sá réŋréŋ mo Wàn luŋèr wír wo wù koŋè.

Ŋwàʼ Luk 7:15

Wù ku nèn nànèn, e kèʼ a suŋnín. Jesus ghár, e fò e yè wov.

1 Samuel 2:6

«Nyùy Tàr wìy e kpúu, e kfə̀n wìy e dzəʼə̀me. Wù tsə́nsi wír aàŋkfəə́ wòŋ, a kù fəər wun wír fo fo.

Kèʼlo 1:3

Nyùy nèn sùúy jii, «Ráne wáa dzə.» Yí ku nèn a dzə.

Ŋgaà Yen 1:18

a m dzə̀ shó ghán sidzə̀m. Mò‑oò lo kpù, yii bèy, m sì lèn e tin, a m gòʼ ne kàŋ mòʼón. Kinyo kee kùm kpú ki dzə̀ a dzə̀ e mǒ kiwo, a kér mo kimbàʼ ke dzə̀ kí mvə̀ʼ shúu wòŋ aŋkfə.»

Joon 19:40

Wùn Joosev nèn lì dzə́n Jesus, e ndzə̀m e wón ndzə̀yí wùn à kifú kiy ki, mo wír veé Judàa yii náŋsin dzə́n wìr, e bó a way e sày.

Maak 5:43

Jesus kàntì áwune jii, á wáa yen fó yiì, é wìr kiíy á kinyo ke wun yiìn kin. Wù kfən sùúy jii, á taʼ á kifá, e fò e wàn, é wù yí.

Hosea 13:14

«A dzə̀ rú, m yiì tìn áwune fo aŋkfəə́ wòŋ à? A dzə̀ m bòyìr áwune fo kpuú wo à? Éè kpu, nyár ye à yii wiy shoo bèé? Éè wòŋ aŋkfə, laar ye à yii wiy shoo bèé? M yòʼ dzəə́ wìy sham mendzən mev.

Nsùyrì Nyùy 33:9

Wù‑uù súŋnin, kí nèn kù a dzə e wun jì. Wù fó sáʼ, kifá kidzə̀m ki nèn kù fəə̀sín.

Joon 20:5

Wù meé fó, e bìʼtí, e lèéy say, e yèn, a sí néŋ wón ndzə̀y ve vé‑eè ndzəmen dzə́n Jesus sho. Wù leéy bey, e làa yòʼ nəə́.

Joon 11:39

Jesus suúy jii, «Vèn tsəʼ kilán kìn fo shuù wo.» Maata woo fər ŋkfə və̀y nèn a shaʼnín jii, «Tàr, lèn dzə̀, a wù sí rəmè. Sì vishiíy vikweè mo vé‑eè dzəə̀mèn.»

Ŋwàʼ Luk 19:20

«Wùmòʼ woo wánlè nèn wìy, e sùúy kfə́ jii, ‹Tàr, kibam ké ke mbàm ki kìne mo mò‑oò kurin é kinsàr ke ndzə̀y, e lèm.

Joon 11:43

Wù suúy bey, e yòŋ kitávín jii, «Laasaror, fəə́ fèn.»