Joon 11:42 - ŊWÀʼ NYÙY

⁴² A m kì jii, à kù yii yuúri kinyo kém ghán sidzə̀m. M nén a suúy kin a dzə̀ bìʼ wír ve á tíy fo ghaŋ vìn, aá fíʼ yìi biimé ji tùm rú wò woo Nyùy mo.»

Joon 11:42 Referans Kwoze

Joon 3:17

A bó Nyùy yòʼ tùm Wán və é ndzə fèn ji wù wáy wíri a dzə̀ é lòn. Wù tùm ji wù yii, é wíri luŋ.

Joon 17:21

A m lón jii, à ku yiì, aáwune tátí adzə̀m, a dzə ji kitú kimòʼón réŋréŋ mo wò woo Tàr dzəə̀n wòsò, a wòsò dzə̀ ji kitú kimòʼón. Ku yiì, aáwune wáa dzə sa e wòsò mvəm, é wír veé ndzə fène fíʼ biimé ji ntum ye mò‑oò loòn dzə̀ rú á ye.

1 Joon 4:14

A ver vee aŋgàa ntume‑eè lo yèn sá Wán və wo wù‑uù tumen é nsay fèn ji wù wiy, e tìn wíri fó lòn.

Hibru 7:25

Wù nèn a dzə mo dzə̀ wù lùŋèr wír ve á bee wun, e bó a koʼtí e Nyùy si. A wù luŋèr áwune ŋkuuŋkùŋ, bìʼ fo wù dzəə̀n shó ghán sidzə̀m, tíy e Nyùy si, lón bìʼ áwune.

Hibru 5:7

Wáa dzə e ghan se Jesus‑eè dzəə̀n é nsay fèn, wù lò, a lon sa bìʼ kitú kfə́. A wù‑uù lón a dzə̀ fo Nyùy wo dzə̀ wù sə̀ wun fo kpu, tóŋ kitávín, sə́ʼər mensíy. Mo wù kù‑uù yú kfə́ a dzə̀ fo Nyùy, Nyùy nèn yù tóŋ rə́.

Ŋwàʼ woó Rom 8:3

Nyùy yiì ne kinyo e mǒ wùn, a bó m yoʼ lò, a tùr a dzə̀ fó nsər, m yiì, bìʼ fo mensə́ mem mè yòʼ koŋ kinyo ke nsər suuyì. A kí dzə̀ jii, Nyùy‑iì tùm Wán wo dzəə̀n və́ə, wù wìy, e lì mbom a dzə̀ ye wìr wo wù yii vinyo ve bi ví. Wù‑uù kpù fo wírí ajay, nèn ndzəə̀r vitaáví vé vinyò ve ví lim aáwuné wùn vee shooy.

Joon 20:31

Á nén a saŋ vin bèn ji vèn fiʼ biìmé a ji Jesus dzə̀ *Mfə̀ə́r, a dzə̀ Wan Nyùy. Vèn biíme, wáy shilív é wùn wó, é wù nèn yiì, é vèn wáa ker dzəʼə̀m yee là may.

Joon 17:25

Éè Tàr, kù yii yii wò kinyo kee réŋ, a bó wír veé ndzə fène yòʼ kì wò. Yii bèy, a mò‑oò kìíy ne wò, a wír vém víne kìíy ne rú ji mò‑oò lò ntum a dzə̀ ye.

Joon 17:8

Mò‑oò lo tiìsí vinyo ve wò‑oò tumen mo shó aáwune vidzə̀m, áwune biímé, e nèn kìíy rú ji m lò a dzə̀ fo wò, a yiì tùm wò mo.

Joon 11:22

M suuy bèn, a m kì jii, aà fə̀m lón ka fo Nyùy lèn, wù kù fò á kíwun.»

Matio 26:53

Bó à yòʼ kì jii, a kì dzə̀ ji vindzəʼ, m lòn, Tàr wor tsə̀nsí nshèelav sə́ ansə̀kì ansə̀kì kàŋ mòʼón à?

Galatia 4:4

Ghán sí nèn wìy ghèén se Nyùy‑iì sìysìn ji wun wíy yiì kinyo ke wù‑uù kàʼàn. Wù túm Wán və é ndzə fèn, wù wìy, wiíy wùmòʼ dzəə́ wun, wù wáa dzə sa, a yu a dzə̀ fó nsər réŋréŋ mo vèsən‑eè yú.

Joon 11:31

Wír ve á kì wìyìn kinsham vìyi yén mo Maria tumnin, a fəə, á nèn a kwàʼtì ji wù du a ji wun du, a dìy e kitu ke sày. Á nèn lò sa fo bàm.

Joon 8:42

Jesus bìnèr jii, «A Nyùy kì dzə̀ rú Tàr won, bo vèn ku lò a kòŋ mo, bìʼ fo m dzəə̀n fen, a m lò a dzə̀ fo Nyùy. A bó m yòʼ‑oò wìy fo mǒ kitu. Yì‑iì tùm Nyùy mo.

Joon 8:29

Vèn wáa kiíy ji Tàr wor wo wù tumen mo kù dzə̀ vèr wun, a bó wù yoʼ màʼtì, m wáa dzə vèr mòʼón, bìʼ fo m kù yii yii vinyo a dzə̀ ve ví boŋ wun.»

Joon 8:16

A m kì lò ji m wáa sayrí, m kù yèn rú mo kí dzəə̀n, bìʼ fo bó m yòʼ sáyri a dzə̀ fo mǒ vifii, kù dzə̀ vèr Tàr wor wo wù tumen mo.

Joon 11:43

Wù suúy bey, e yòŋ kitávín jii, «Laasaror, fəə́ fèn.»

Joon 12:11

bìʼ fo wír aníne‑eè yuun kinyo ke Jesus yiìn e Laasaror, e nèn a nyeŋ áwune nyéŋén, a yu kinyo a dzə̀ ké Jesus.

Joon 12:17

Kinyo ke kí‑iì yiìn, bo màŋgòŋ keeme ji á du, e səəsí Jesus ki dzə̀ bìʼ fo vé‑eè yuun kiŋgaʼnìn ke kinyò ke wù‑uù yiìn, e yòŋ Laasaror fo say, wù fəə́ fó kpu. A vé‑eè yù, bìʼ fo màŋgòŋ wo wù‑uù dzəə̀n wùn à Jesus e ghan see shooy‑iì rə́si fer kinyo kee shooy.