Joon 11:40 - ŊWÀʼ NYÙY

⁴⁰ Jesus bìnèr sho jii, «M yoʼ lò sùúy e wò jii, aà wày a dzə̀ shilív e mǒ wùn, à yiì yèn mo vitaáví vé Nyùy vi dzəə̀n a?»

Joon 11:40 Referans Kwoze

Joon 11:4

Jesus yú, e sùúy jii, «Bó yàsí və̀n yòʼ dzə̀ wo kpu. Kù dzə̀ ji wù yii, aá yén mo vitaáví vé Nyùy vi dzəə̀n, a burí a dzə̀ ŋgaà wo dzəə̀n Wan Nyùy.»

Nsùyrì Nyùy 63:2

Àbày, m lèéy ne wò e wò kirə̀ʼ ke ranén kí, e yèn vitaáví vé wùn à vikuʼùy vé vi.

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

2 Wòŋ 20:20

Ndzə bvəə́shí, e jàv, wìr dzə̀m fəə́, e dù e woʼ yeé Tekoa. Vé‑eè lòo fəə, Fòn Jehoshafat tiím é yuv, e yòŋ jii, «Wír veé Juda wùn à veé Jerusaleme, vèn yuúrí, e yù. Vèn wáy shilív shí a dzə̀ e Nyùy Tàr woo Nyùy wón wùn, é la kifá ki yòʼ yiì sə̀ʼ ven. Vèn biímé kinyo ke aŋgàa ntum və́ kí, é vèn yiì sò.»

2 Korin 3:18

Vèsən adzə̀m nén a dzə lèn, a bó Kiyoy kee shooy ki yòʼ dzəə́ laynìn fo vèsə́n si, vitaáví vé Nyùy vi wáa yensín e vèsə́n wùn ghán sidzə̀m. Kiyoy ke Tàr wòsən kin ki kfə́n a lìm e vèsə́n wùn, a yiì, vèsən wáa kuvsín, a dzə moo wun woo Kristu, a dù duùn fó mbìy, a ker vitaáví ve dzəə̀n vé Nyùy.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

Nsùyrì Nyùy 90:16

Ku yiì, áàŋgaà vé lìme yén viŋgaʼnìn vé ve lìm, é wón vérí yén sá vitaáví ve ví din vikuʼùy vé.

Joon 9:3

Wù bìnèr jii, «Bó yòʼ dzə̀ ji lòné lò fo wìr və̀n, kìn fo tàr wov wùn yè wov. Vé‑eè dzə̀ə́, a sì mfìr bèn ji Nyùy fiʼ wìy dìn vitaáví və́ é wùn wó.

Joon 12:41

Aysaya wáa yòŋ kinyo kìn a dzə̀ kùm Jesus, bìʼ fo wù‑uù lo yèn Jesus e mvə̀m vikùʼùy ve dzəə̀n vé Nyùy.

Ŋwàʼ Fəə 16:7

Bvəə́shi lòo dzə kijàvndzə, é vèn yén mo vikuʼùy vé Nyùy Tàr ví dzəə̀n. Nyùy Tàr yù ne ghvəʼ ye vèn ghvəʼ wun. Bó vèn yòʼ ghvəʼ a dzə̀ ver. Vèr dzə̀ kér ala?»

Matio 17:20

Jesus bìnèr jii, «Vèn kì mùm ntéŋ, bìʼ fo bó á yoʼ lò a mùm, a way shilív e Nyùy wùn. Vèn wáa kiíy rú jii, a vèn fə̀m kì wày shilív e Nyùy wùn shishàr, a shí fə̀m dòr moo sám shishùr, bo dzə̀ vèn sùúy e gwan və̀n jii, wù meene fó fèn, e dù, e tìím fèsə, wù kù meènè, a bó yòʼ dzə̀ kinyo kímóʼ kí dzəə ghàʼ ven gheéy. [

Maak 9:23

Jesus fìʼtì fìʼtìn jii, «A dzə̀ ji dzə̀ à yiì kinyo, dzə̀ ka? A dzə̀ wír wo wù wáy shilív e Nyùy wùn, wù yiì vinyo vidzə̀m.»

Ŋwàʼ woó Rom 6:4

Mo vé‑eè wayin bey, bo vé‑eè dzəə̀mè vèsən à liì wòsən wo mvə dzə́əmen. A kí dzə̀ jii, vèsən à Kristu tàtí, e kpù, e dù e sày wír adzə̀m, vèsən kfən fəə̀ fó kpu foo fèy réŋréŋ mo Tàr wòsən Nyùy‑iì fəərin Kristu e vitaáví və́ ve ghaʼán ví. A vèsən fəə̀ bey ji vèsən fíʼ a dzə lèn, a ker liì a dzə̀ woó dzə̀ʼə̀m ye fíyi.