Joon 11:39 - ŊWÀʼ NYÙY

³⁹ Jesus suúy jii, «Vèn tsəʼ kilán kìn fo shuù wo.» Maata woo fər ŋkfə və̀y nèn a shaʼnín jii, «Tàr, lèn dzə̀, a wù sí rəmè. Sì vishiíy vikweè mo vé‑eè dzəə̀mèn.»

Joon 11:39 Referans Kwoze

Joon 11:17

Jesus meé fó, e yù, a Laasaror shiíy ne e sày vishiíy vikweè, a dzə̀ say ye á yii buʼ a dzə̀ é wǔn kilan.

Maak 16:3

Á wáa dù, a ghaynín ji sà bèn yíi dù, e tsə̀ʼ la kilán fo shùu sày a?

Nsùyrì Nyùy 49:7

a bó yòʼ dzə̀ wìr tìn kitú kfə́ fo kpúu. Bó yòʼ dzə̀ wìr yùn dzəʼə̀m rə́ fo Nyùy.

Filipi 3:21

Wù wíy wìy, é wù biner viŋgà vesən vé wùn veé nsay vìn, é ví kfə́n réŋréŋ moo və́ woo wún wo dzəə̀n woó yuv. A vitaáví ve wù wíy bìnèr sho vìn vi dzə̀ ve dzə̀ wù bàʼtí vifá veé ndzə sho vidzə̀m, a saʼ.

Kèʼlo 3:19

À wíy a lìm, a ndzə̀ʼnìn, e bó a koóy kifá ké a yi. Kù bey, e meé e ghan se à wíy kpu. Mo mò‑oò bomen wò e nsay, aà dzə̀ nsay, à kù wíy kfən e nsay.»

Lim Aŋgàa Ntum 2:27

bìʼ fo wò woo Nyùy yòʼ wíy màʼtì kiyoy kém áàŋkfəə́ wòŋ, a bó à yòʼ wíy màʼtì é ŋgaà wò lìm wo juŋ foy é sày.

Nsùyrì Nyùy 49:14

Á kù wíy kpukír adzə̀m moo njiì. Kpúu wíy tsəəné áwune é sày, é wír Nyùyi yov nsiì aáwuné kitu. Dzə́n sév sí wíy a fòykìr e sày, é woŋ aŋkfəə wáa dzə ji láʼ yév.

Nsùyrì Nyùy 49:9

e bóo fíʼ shaàrì, e làa yòʼ wìy kpu?

Kèʼlo 23:4

«M dzə̀ kiŋgwìy, a m bee beèn e věn mvəm. Vèn taʼ kirə́ʼ kímóʼ kí e věn ŋgvən, e fò mo, é m dzəəme wíiy wom fó.»

Lim Aŋgàa Ntum 13:36

Ké Fòn Davir ki wáa dzə kfə́, a wù‑uù yiì vinyo və́ e wun ghan mo Nyùy‑iì sìysìn, e kpù, á dzəə̀mè aàtàr vəə́ ghaŋ, wù fòy e sày.

2 Korin 2:16

Kí lóo rə̀m wír wo wù wíy lày, kí wàa koo moo kirəm ke ŋkfə, a dzə̀ kisəəm ké kpu yee là may. Lóo dzə wír wo wù wíy lùŋ, kí nèn a shàŋ shàŋèn, a dzə̀ kisəəm ké dzə̀ʼə̀m yee là may. Mo wíri kù yii kiiy Kristu a dzə̀ fo wír ve á shaŋ moo kiláy víne, bo wìr wo wù gheenen é lìm fèn dzə̀ la?