Joon 11:38 - ŊWÀʼ NYÙY

³⁸ Shilív shé Jesus shi nèn kfə̀n màysì, e lùm. Á dù, e mèé e shùu sày, a vé‑eè bùʼ a dzə̀ é wǔn kilan, e dòm kilán, e sə̀tí sho,

Joon 11:38 Referans Kwoze

Joon 11:33

Jesus yén mo Maria diyì, a wír ve á kì wìyìn e wùn bàm víyi diynìn sa, shilív sə́ shí wáa lùm, a buʼ.

Matio 27:60

e dù, e wày e wun woo Joosev sày ye wù‑uù lèmèn ji á wíy dzəə̀mè wun sho, a vé‑eè bùʼ a dzə̀ é wǔn kilan. Wù wáy, e dòm lúm kilan, e sə̀tí shúu sày sho, e nèn lò.

Joon 20:1

Wáa dzə e kishiíy ké mbìy ki fó ŋgàm, Maria Magdalen bvə́y vitsə́ʼ vitsə́ʼ, e dù e shùu sày fèy, e yèn, aá tsə́ʼ ne kilán ke vé‑eè sətin shúu sày sho.

Ŋwàʼ Luk 24:2

Á meé fó, e yèn, aá tsə́ʼ ne kilán ke vé‑eè sətin shúu sày sho.

Aysaya 22:16

‹Jwè, Shebna, à mùm a dzə̀ ka kin fèn? À kwaʼtì ji à dzə̀ ké la, e bó a bùʼ say fèn, yee bùʼ é kilan ji yé? Abaày, à lò bèn, e bùʼ say yé, a dzə̀ é kirə̀ʼ kee fó yuv, e bònén bèn, e bùʼ e wǔn kilan ji á fo á wíy dzəə̀mè wò à?

Kèʼlo 23:19

Abraham nèn dzəə̀mè wíiy və Sara é mbvə̀ʼ foo fèy, ye yì dzəə̀n é kwaʼ woó Mak‑Pela e ghaa Mamre, e nsay Kanan.

Maak 15:46

Joosev lò, e dù, e yùn kintsə̀m ké ndzə̀y, e sə̀ʼə́r dzə́n Jesus, e boò shó. Wù boó, e lì, e dù, e wày é sày ye vé‑eè bùʼùn é wǔn kilan, e dòm kilán, e sə̀tí shúu sày sho.

Maak 8:12

Jesus ndzəə́, e sùúy aáwune jii, «Wìr woo lèn kfə̀n taʼ kisəəm a dzə̀ ké gha? Vèn wáa kiíy rú ji bó vèn yòʼ wíy yen kisəəm gheéy.»

Matio 27:66

Áwune nèn dù, e nàŋsín tíy ye vé‑eè sətin say sho rə̀y, e fìnèr, e lèm vé rərí, á wáa shìy.

Esiker 21:6

«Wàn wìr msòŋ, kí nén a dzə jii, ‹Á dìy, a konsí, a ŋav kibiíbí e wír vìné si.›

Esiker 9:4

Nyùy Tàr suúy shó jii, «Nəə́, e tòʼnín ŋkàlaʼ Jerusalem, e dòn kisəəm kí e wìr dzə̀m yírvishi, wo wù leey vinyo ve koʼoyín ví ve á yii e mvəm wó, a wù leey, diyì, shwémkirì.»