Joon 11:36 - ŊWÀʼ NYÙY

³⁶ Wír vìyi yén, e sùúy jii, «Vèn ku yèn mo wù kòŋèn Laasaror e ŋàŋ.»

Joon 11:36 Referans Kwoze

Joon 11:3

Vikìy víyi nèn tsə̀nsí ntum fo Jesus ji ŋkar rə tìm rə̀y joy a feyì.

Ŋgaà Yen 1:5

A m kfə̀n lón fo Jesus Kristu wo kù yii din wun kinyo ke dzəə̀n ke ru kí e vèsən. Dzə̀ wun wir mbìy wo wù‑uù kèʼèn, e fəə̀ fó kpu, a kér wun afon ve á sáʼ nsay adzə̀m. Vèsən kú a burí wun wo wù kòŋèn vèsən, e cùtì mensə́ mvə, vèsən bóy fo vèsə́n lǒn vinyò ve bi ví.

1 Joon 3:1

Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.

Efesor 5:25

Ven vee vilum, vèn kú a kòŋ vikìy vén réŋréŋ mo Kristu‑uù kòŋèn kintatì ke wìr və́, e kpù fó fo.

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

Joon 11:19

Jesus wáa wìy, a wír veé Juda foo fèyi kì wìykìr anín ji á shám Maata wùn Maria wo fər wov kpuun.