Joon 11:33 - ŊWÀʼ NYÙY

³³ Jesus yén mo Maria diyì, a wír ve á kì wìyìn e wùn bàm víyi diynìn sa, shilív sə́ shí wáa lùm, a buʼ.

Joon 11:33 Referans Kwoze

Joon 11:38

Shilív shé Jesus shi nèn kfə̀n màysì, e lùm. Á dù, e mèé e shùu sày, a vé‑eè bùʼ a dzə̀ é wǔn kilan, e dòm kilán, e sə̀tí sho,

Joon 12:27

Jesus kfə́n a suúy jii, «Ghán sin si dzə̀ lèn, a shilív shí sí búʼ mo búʼún. Mo shí búʼ bèn, a dzə̀ m wàa lon fo Tàr wor ji wù ku tèér ŋgeʼ ye m sí nəə sho rə̀n a? Bó yòʼ dzə̀ m wàa lon, bìʼ fo mò‑oò wìyìn a dzə̀ bìʼ kee shoon.»

Maak 3:5

Kinyo kee shooy ki bír Jesus, wù wáa yu nyár bìʼ shilív shév she bi shí. Wù leéy áwune sí sí, e nèn lò, e sùúy e wìr və̀y jii, «Nàsì kóy wóo.» Wù nàsì, kiwó kfə́ kí kfə́n fó.

Ŋwàʼ woó Rom 12:15

Wíri lóo sheʼrí, vèn áwune wàa sheʼrí adzə̀m. Á lóo sòv kitú, vèn áwune wàa sòv adzə̀m.

Hibru 4:15

a kiíy jii, taà cù wòsən wo kuʼùn və̀n dzə̀ réŋréŋ moo vèsən. A dzə̀ wù kìíy kinyo ke kí gháʼ vèsən kidzə̀m, bìʼ fo wù‑uù dzə́ e nsay fèn, a vinyo vi mum wun réŋréŋ mo ví mum vèsən, a bó wù yòʼ‑oò yiì jày kímóʼ kí gheéy.

Maak 9:19

Jesus nèn sùúy e wón vəə́ jii, «Vèn dzə̀ ben, a bó vèn yòʼ lo, vèn wày shilív e Nyùy wùn gheéy. M wíy tsəmrí vinyo vén vin e meé e le? Vèn taʼ ji m wìy dzə̀ʼə̀m vèsən e mèé e le? Vèn wiy e wan woo shooy, e fò shan.»

Joon 13:21

Mo Jesus suuyin vinyo vìn, shilív sə́ shí lùm, wù nèn tòʼ lèn kiránén jii, «Vèn wáa kiíy rúrú jii, kù dzə̀ wír fo vèn vin wo wù yíi way mo áàŋgaà vém vibàné wo.»

Joon 11:19

Jesus wáa wìy, a wír veé Juda foo fèyi kì wìykìr anín ji á shám Maata wùn Maria wo fər wov kpuun.

Joon 11:31

Wír ve á kì wìyìn kinsham vìyi yén mo Maria tumnin, a fəə, á nèn a kwàʼtì ji wù du a ji wun du, a dìy e kitu ke sày. Á nèn lò sa fo bàm.

Joon 11:34

Wù lò, e dzə̀r jii, «Vé‑eè dzəə̀mè feé?» Maria bìnèr jii, «Tàr, kú a wìy rì, e dù, e yèn fóo.»

Joon 11:35

Jesus dìy.