Joon 11:28 - ŊWÀʼ NYÙY

²⁸ Mo Maata suuyin bey, e nèn lò, e dù, e yòŋ fə́r və Maria, e sə̀mrì sho jii, «Tàr à wíri wìy ne, a wù taʼ, e yen wò.»

Joon 11:28 Referans Kwoze

Joon 13:13

Vèn yoŋ mo ji Tàr, kfə̀n yoŋ ji Ŋgaà Yèʼéy, a vèn yoŋ réŋ. Dzə̀ rú mo m dzəə̀n.

Joon 11:20

Maata yú ji Jesus waà sí wiyì, e nèn fəə̀, a dù ji wùn wun wàá tárnín, Maria gòʼ kfə́ é lav.

Maak 10:49

Jesus yú, e tìím, e sùúy ji á wàá jaŋ. Á jàŋ, e sùúy sho jii, «Vishí vé vi bòŋ ne, wù jaŋ wò, lò ri e yuv.»

Joon 21:7

Wan lìm Jesus wo wù‑uù koŋ e ŋàŋ və̀y nèn sùúy e Pita jii, «Wìr və̀sə dzə̀ Tàr wòsən.» Pita yú ji dzə̀ á Taàtá Jesus, a wù kì tàm ndzə̀y támén, e kù nèn màʼ kikúm, e lìy fó kikoŋ, e tò é ndzəv, a dù fo.

Joon 20:16

Jesus nèn yòŋ lèn jii, «Maria.» Wù kóʼtí fó, e kù nèn yòŋ Jesus aáwuné Lǎm Hibru jii, «Raboni», a dzə̀ jii, Ŋgaà Yèʼey.

Joon 10:3

Wù lóo wìy, wìr wo wù shiy shúu kày kù nèn mvə̀ʼ. Wù nəə, wù yòŋrì njiì və é yír, yir, á kù nèn kìíy jí rə, e wìykìr, wù tsəə̀né, e fəə̀ shó fo kày.

Joon 1:45

Filiv nèn dù, e yèn wír wo á yoŋ ji Nataniar, e sùúy sho jii, «Vèr yèn ne wír wo Mooser‑iì saŋen e wùn Ŋwàʼ Nsər, *aŋgàa ntum Nyùy ámóʼó kfən sàŋ sá ji wù wíy wìy. Ŋgaàŋ dzə̀ Jesus, a dzə̀ wír woó Naasarer, aá yoŋ tàr wov ji Joosev.»

Joon 1:41

Mo Andru yenen Jesus, e kù nèn dù, e tàʼ fə́r və woo Simon və̀y, e sùúy sho jii, «Vèr yèn ne *Mfə̀ə́r wo Nyùy‑iì kàʼàn.» Wù wáa yòŋ yír yee Mfə̀ə́r, a dzə̀ sá ji Kristu.

Ŋwàʼ Luk 22:11

vèn dù, e sùúy e ŋgaà lav ji Ŋgaà Yèʼéy dzə́r a jii, lav kibeèy ye dzə̀ wùn à wón vəə́ yì kiŋkàʼ kìn sho sà bèé á?

Maak 14:14

Wù nəə e lav ye wù nəən shó, vèn dù, e sùúy e ŋgaà lav jii, Ŋgaà Yèʼéy tùm ven ji vèn wiy, e dzə̀r á ji wùn à wón vəə́ sà yíi beè fèé, e bóo yi njiì woó kishiíy ké kiŋkàʼ fèn a?

Matio 26:18

Wù bìnèr jii, «Vèn du é mvə̀mlaʼ, yén kày, vèn sùúy shó jii, Ŋgaà Yèʼéy suuy a ji ghán sə́ sí ghèén a ne, a wun taʼ ji wùn à wón və́ lìme ku yì Ŋkǎʼ Yáʼayshaà a dzə̀ e wùn lav.»

Sekariya 3:10

Wíy lòo dzə e kishiíy fóo fèy, é wìr wáa bi wùmòʼ woo wír, é wùn wun wáa dzə ji dèʼ e wun ghaa kitiír ké *vayin, a dzə ji dèʼ e wùn ghaa kici ké *fig.» Suuy Nyùy Tàr woo Taà Mànjòŋ.

Hibru 12:12

Ven ve ŋgeʼ si lóo koóy, wó yéné nèn weèy, vèn ghár Nyùy lèn kitávín, a tiy a dzə̀ vèn áwune.

1 Tesalonika 5:11

Mo vèn kiiyin ne vinyo vìn lèn bèn, vèn kú a shaà fo mbìy, a yiì mo vèn‑eè sí yii, é wìr mòʼón mòʼón wáa lùmèr shilív shé wùmòʼ, e kfə̀n a tavír.

Joon 11:29

Maria yú, e nèn tùmnín, a dù fo.

Joon 11:30

Wù wáa dù, a bó Jesus yóʼ ne nə̀ə́ e mvə̀m ntèʼ, a wù dzə̀ə́ fo Maata kì wìyìn, e yèn wun.