Joon 11:26 - ŊWÀʼ NYÙY

²⁶ bìʼ fo, a wìr dzə́ lèn, wáy shilív e mǒ wùn, bo bó wù yòʼ wíy nəə́ e kpu yee ŋkuuŋkùŋ. À ku yòʼ biìmé bèy a?»

Joon 11:26 Referans Kwoze

Joon 10:28

a m fó dzəʼə̀m yee là may aáwune. A bó yòʼ dzə̀ áwune dzəə nə̀ə́ e lòn, a bó yòʼ dzə̀ wìr faàsì áwune fo mǒ kiwo gheéy.

Ŋwàʼ woó Rom 8:13

A vèn yú a dzə̀ mo mensə́ mè lim e wùn, bo vèn kù wíy nəə́ a dzə̀ é kpu. Vèn lo, a yu a dzə̀ fo Kiyoy ke Nyùy ki, e laàr vinyo ve mensə́ mè yuŋrì e věn wùn, bo vèn wíy lùŋ.

Joon 5:24

«Vèn wáa kiíy rúrú jii, wìr wo wù yú kinyo ke suuy mo, wáy shilív e ŋgaà wo wù tumen mó wùn, sí kér dzəʼə̀m yee là may. Ŋgaàŋ yòʼ dzəə́ wìy nəə́ e nsaʼ. Wù bòy ne fo kpu, e nə̀ə́ e dzə̀ʼə̀m yee là may.

Joon 14:10

Bó à yoʼ biìmé ji kù dzə̀ vèr Tàr wor, a vèr wun dzə̀ ji kitú kimòʼón à? Jí se vèn yú fo mǒ shuù si yòʼ dzə̀ ben ji suuy mo fo mǒ kitu. Yii Tàr wor wo vèr wun dzəə̀n ji kitú kimòʼón, a m lim vinyo a dzə̀ və́.

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Matio 9:28

Jesus dù, e nə̀ə́ e lav, wír vìyi ku nə̀ə́ fo bàm. Wù dzə́r jii, «Vèn biímé rú ji dzə̀ m yiì kinyo ke vèn tóŋ, kan mo shó kìn a?» Áwune biímé jii, «Tàr, a dzə̀ à yiì.»

Joon 9:35

Jesus yú kinyo ke kí kooyin, e nèn tàʼ wír və̀y, e dzə̀r shó jii, «À wày ne shilív e wìr wo yírí dzəə̀n *Wanwìr wùn a?»

Maak 9:23

Jesus fìʼtì fìʼtìn jii, «A dzə̀ ji dzə̀ à yiì kinyo, dzə̀ ka? A dzə̀ wír wo wù wáy shilív e Nyùy wùn, wù yiì vinyo vidzə̀m.»

Matio 26:53

Bó à yòʼ kì jii, a kì dzə̀ ji vindzəʼ, m lòn, Tàr wor tsə̀nsí nshèelav sə́ ansə̀kì ansə̀kì kàŋ mòʼón à?

Joon 6:47

A m suuy e vèn rúrú jii, wìr wo wù wáy shilív e mǒ wùn sí kér dzəʼə̀m yee là may.