Joon 11:25 - ŊWÀʼ NYÙY

²⁵ Jesus bìnèr jii, «Dzə̀ mo wo m fəər wíri fó kpu, fó áwune dzəʼə̀m yee là may. Wìr wo wù wáy shilív e mǒ wùn, a wù fə̀m kpù, bo wù wíy lùŋ, a dzə sho,

Joon 11:25 Referans Kwoze

1 Tesalonika 4:14

Vèsən biìmé ji Jesus‑eè kpù, e kfə̀n fəə̀ á fo kpu. Mo vèsən kiìn kee shooy, vèsən nén a kiíy sa jii, Jesus wíy lòo kfən, é Nyùy fəə́r á wir dzə̀m wo wù wayin shilív e Jesus wùn fó kpu réŋréŋ mo wù‑uù fəərin sá wun woo Jesus.

Joon 3:36

Wìr wo wù wáy shilív e Wàn Nyùy wùn sí kér dzəʼə̀m yee là may. Wìr wo bó wù yòʼ yú kinyo kfə́ yòʼ wíy a ker dzəʼə̀m yee shooy gheéy. Lǒn Nyùyi kù gòʼ ne e ŋgaàŋ kitu ghán sidzə̀m.

Joon 1:4

Dzə̀ wun wo wù‑uù foon dzəʼə̀m yee dzəʼə̀m e wíri, á nèn a ker sa rán ye dzə̀ á kìíy Nyùy.

Joon 5:21

Mo Tàr wov fəər wíri fó kpu, aá kfə́n atin, dzə̀ sá réŋréŋ mo Wàn luŋèr wír wo wù koŋè.

Joon 6:44

Bó yòʼ dzə̀ wír, wù wàa wìy, a yen mo, a bó bánrí Tàr wor wo wù tumen mo ŋgaàŋ. A m wíy fəə́r ŋgaàŋ fo kpu e ghan sé bàm sí.

Aysaya 26:19

Éè Nyùy Tàr, ku yiì, é wír vé ve á kpukin nee fəə́ fó kpu. Ku yiì, é dzə́n sé wìr vér ve á kpukin ne si ŋáʼáy é yuv. Ven ve á sí néŋ e nsay, vèn ŋáʼáy é yuv, a yòv, a sàvnìn, bìʼ fo Nyùy Tàr dzəə̀n kfə́ ji ŋweʼ ye yí gbu, njaʼkìrì, gbu bèy, a nsay yú, a vifá vi tókirì.

Ŋwàʼ woó Rom 8:2

Mo m tatin vèr Jesus Kristu, Kiyoy ke kí fó dzəʼə̀m yee là may ki sí lim e mǒ wùn, a m sí yú lèn a dzə̀ fo rə́ə yee nsər. M bòy ne fo nsər ye yì‑iì lim e mǒ mensə, ŋáʼar vinyo ve bi ví, wáy mo wáyín é kpu.

Joon 6:35

Jesus nèn a suúy aáwune jii, «Dzə̀ mo wo dzəə̀n vifá ve yi ve ví fó dzəʼə̀m yee là may. Wír wo wù wiy, yén mo yòʼ dzəə́ wìy a yu jíŋ. A bó kilòŋ kí yòʼ dzəə́ wìy a yum wír wo wù wayin shilív e mǒ wùn.

Ŋgaà Yen 21:4

Wù wíy sòr mensíy medzə̀m fo wírí si, a bó wìr yòʼ dzəə́ wìy a kpu, é bo á wáa dìy kímóʼ kí ji kpú. Bó wìr yòʼ dzəə́ wìy a yu nyár, a bó wìr yòʼ dzəə́ wìy a toŋ gheéy. Vinyo vee fó mbìy vidzə̀m vi kù shaà ne bèy.»

Filipi 3:10

M nén a tàʼ cáʼ jii, m maysi, e suùsín vèr Kristu, e kìíy wun kijuŋ, a yu mo vitaáví və́ ví lim e mǒ wùn, wun wo wù‑uù fəən fó kpu. A m kfə̀n taʼ ji m biímé sá ŋgeʼ se wù‑uù biimen, a yu a dzə̀ fo Nyùy, e fò kitú kém, e kpù mo wù‑uù foon kfə́,

Ŋgaà Yen 20:5

Mo áwune fəən fó kpu, nèn a dzə fəə́ mbìyi ye wíri fəə́ fo kpu, a bó kibér ke aŋkfə ki yòʼ wíy fəə fo kpu, e meé e ghan se kiyá kee nsə̀kì kìy ki wíy shaà.

Lim Aŋgàa Ntum 3:15

Vèn yiì bèy, e nèn yùyrí wun wo wù yii, bo wíri wáa ŋèʼ, a dzə atin. Yii bèy, Nyùy fəə́r wun fo kpu, vèr yén e sí yérí, e nèn a fìʼtì.

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Joon 5:26

A kí dzə̀ bey, bìʼ fo Nyùy Tàr wo kù yii wun, bo wíri wáa lùŋ, foon ne sa vitaáví vee shooy e Wan və.

Nsùyrì Nyùy 36:9

Dzəʼə̀m wìr dzə̀me kù lo a dzə̀ fo wò. Rán yée yii, a vèr yén sa rán e věr dzə̀ʼə̀m.

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

Joon 14:19

Bèr shishàr, é la wír veé ndzə fèn vìne yòʼ dzə́ə a yen mo. Yii bèy, a vèn kfə̀n wíy yen. Mo m dzə́ sho ghán sidzə̀m, vèn wíy a dzə sa bìʼ mo.

Aysaya 38:16

Éè Nyùy Tàr, kù fó wò dzəʼə̀m e wíri, kù yii wò, é bo m wáa ŋèʼ. À fèr ne mo, m bónén ŋkuuŋkùŋ, e siìr dzəʼə̀m yém, yí kfə́n fó.

Filipi 1:23

M sí dzə́n a dzə̀ tùʼtàn, a m sí taʼ lèn feyì ji m ku màʼtì dzəʼə̀m rə̀n, e dù, a dzə a vèr Kristu. Á yee shoon yee dzəʼə̀m ye yí bòŋèn, e shaà.

Ŋgaà Yen 22:1

Nshìylav Nyùy rə̀y nèn dìn mo ndzə́v ye wìr nó, wù wàa ker dzəʼə̀m yee là may. A yí rán ji rèéŋ moo kileèy, fəə́ fo sar kàvàʼ wo dzəə̀n wo Nyùy wùn Wàn Njiì və,

2 Korin 4:14

a kiíy ji wun woo Nyùy wo wù‑uù fəərin Tàr wòsən Jesus fo kpu kù wíy fəə́r saa vèsən vee wír Jesus adzə̀m, e way e wun woo Jesus kiwo, é vèsən áwune wáa dzə.

Ŋwàʼ woó Rom 4:17

réŋréŋ mo vé‑eè saŋen ji Nyùy‑iì yòŋ e wun a jii, «M lèm ne wò ji tàr à vitum vinín.» Abraham nén a dzə tàr wòsən fo Nyùy si. A dzə̀ wun woo Nyùy wo Abraham‑eè wayin shilív é wùn wó, kfə́n a dzə wun wo wù yii, a wìr wo wù kpuun ne kfə́n e tin, kfə̀n yii, a vinyo ve ví yòʼ siìn ví kooy mo wù‑uù kàʼàn.

Ŋwàʼ Luk 23:43

Jesus suúy shó jii, «Kú a kiíy rú ji wòsò yíi a dzə e Nyùy kirə̀ʼ ké vijùŋ lán.»

1 Korin 15:29

Vèn kì sá ji wír ámóʼó lo, á wàa taŋ ji á wáy áwune é ndzəv e ŋkfə wo bó á yòʼ‑oò lo wǎy kiliŋ. A dzə̀ rú ji bó wíri yòʼ wíy fəə fo kpu, kfən yiì ka, bo á wáa yiì bèy?

1 Korin 15:18

é wír ve vé‑eè kpúkir, aá wáy ne shilív e Kristu wùné lay kév láyin.

Joon 3:16

«Nyùy kòŋ ne wír veé ndzə adzə̀m e ŋàŋ, e fò màyshó Wan və ji wìr dzə̀m wo wù wáy shilív é wùn wó luŋ, a ker dzəʼə̀m yee là may, e làa yòʼ nəə́ e ŋgeʼ yee là may.

Ŋgaà Yen 1:18

a m dzə̀ shó ghán sidzə̀m. Mò‑oò lo kpù, yii bèy, m sì lèn e tin, a m gòʼ ne kàŋ mòʼón. Kinyo kee kùm kpú ki dzə̀ a dzə̀ e mǒ kiwo, a kér mo kimbàʼ ke dzə̀ kí mvə̀ʼ shúu wòŋ aŋkfə.»