Joon 11:24 - ŊWÀʼ NYÙY

²⁴ Maata suúy jii, «M kì bey ji wù wíy fəə e kishiíy ke wíri wíy a fəəkír fo kpu e ghan sé bàm sí.»

Joon 11:24 Referans Kwoze

Lim Aŋgàa Ntum 24:15

A m leey fó mbìy réŋréŋ mo áwune leey sa ji Nyùy wíy fəə́r wir dzə̀m fo kpu, kìn dzə̀ wo juŋ, kìn dzə̀ wo bi.

Aysaya 26:19

Éè Nyùy Tàr, ku yiì, é wír vé ve á kpukin nee fəə́ fó kpu. Ku yiì, é dzə́n sé wìr vér ve á kpukin ne si ŋáʼáy é yuv. Ven ve á sí néŋ e nsay, vèn ŋáʼáy é yuv, a yòv, a sàvnìn, bìʼ fo Nyùy Tàr dzəə̀n kfə́ ji ŋweʼ ye yí gbu, njaʼkìrì, gbu bèy, a nsay yú, a vifá vi tókirì.

Ŋwàʼ Luk 14:14

À yii bèy, áà nèn a ker kishéʼrì, bìʼ fo bó yòʼ dzə̀ wír vee béne siìr kifá e wò, é wìy laàmé Nyùy wò e ghan se wír vəə́ wíy fəə fo kpu.»

Hosea 13:14

«A dzə̀ rú, m yiì tìn áwune fo aŋkfəə́ wòŋ à? A dzə̀ m bòyìr áwune fo kpuú wo à? Éè kpu, nyár ye à yii wiy shoo bèé? Éè wòŋ aŋkfə, laar ye à yii wiy shoo bèé? M yòʼ dzəə́ wìy sham mendzən mev.

Hosea 6:2

Ké lèn ki, wù lo, e taŋ vèsən fo kpúu. Ntàm yòʼ‑óò dar, a bó wù fér vèsən, aá táv, e fíʼ a dzə sho e wun si, a wàrkìr.

Nsùyrì Nyùy 17:15

M dzə̀ kém, a m wíy shov wò e si, bìʼ fo m ghán a dzə̀ e wò mbòv. M wíy lóo yìmèn fo mbuùné, lóo yen wò mo à dzəə̀n, é kí gheén mo féyì.

Aysaya 25:8

Nyùy Tàr woo Taà Ndzə wíy laàr kpú, é yí may ŋkuuŋkùŋ. Wù wíy sòr mensíy fo wìr dzə̀m si, e sù wír və́ fó liy se á shur áwune shó virə́ʼ vidzə̀m. Á ŋkàʼmé wo Nyùy Tàr yiìn.

Hibru 11:35

Vikìy ámóʼó wáa way shilív e Nyùy wùn ji dzə̀ á wù fə̀ə́r wír vév fó kpu, wù nèn a fətí. Wír ámóʼó wáa biimé kév a dzə̀ kpú, bìʼ fo vé‑eè kiìn ji Nyùy kù wíy fəə́r áwune, aá wáa ker dzəʼə̀m ye yí shaàn yeé nsay fèn. Vé‑eè táy áwune, nyavrì sho, a bó yòʼ‑oò dzə̀ á shàʼnín Nyùy ji á fíʼ màʼtì áwune gheéy.

Joon 6:39

Kinyo ke ŋgaà wo wù tumen mo koŋ ki dzə̀ jii, lá m yòʼ biìmé, é wìr mòʼón lay fo ve wù‑uù foon e mòó, é wíy lóo dzə e ghan sé bàm sí, é m fəə́r áwune adzə̀m fo kpu.

Joon 6:40

A Tàr wor sìysì ne ji wìr dzə̀m wo wù wiy, yén Wán və, wáy shilív é wùn wó wáa ker dzəʼə̀m yee là may. A kí dzə̀ jii, m wíy fəə́r ŋgaàŋ fo kpu e ghan sé bàm sí.»

Joon 11:23

Jesus bìnèr jii, «Fər wò yíi fəə fo kpu.»