Joon 11:19 - ŊWÀʼ NYÙY

¹⁹ Jesus wáa wìy, a wír veé Juda foo fèyi kì wìykìr anín ji á shám Maata wùn Maria wo fər wov kpuun.

Joon 11:19 Referans Kwoze

Ŋwàʼ Jov 2:11

Jov wáa ker ŋkar sə́ símóʼ sí sitaár, a sí dzə̀ jii, Elifas woo wir Teman, Bildad woó Shu, e lì Tsofar wo yì‑iì dzəə̀n wír woó Naamat. Áwune yú ŋgeʼ se sí nəən Jov, e nèn kàʼ ntàsín ji á du, e shàm á wun. Wìr nèn lò fo wun kirə̀ʼ, a wìy. Á tárnín, e nèn a dù,

Joon 11:31

Wír ve á kì wìyìn kinsham vìyi yén mo Maria tumnin, a fəə, á nèn a kwàʼtì ji wù du a ji wun du, a dìy e kitu ke sày. Á nèn lò sa fo bàm.

1 Tesalonika 5:11

Mo vèn kiiyin ne vinyo vìn lèn bèn, vèn kú a shaà fo mbìy, a yiì mo vèn‑eè sí yii, é wìr mòʼón mòʼón wáa lùmèr shilív shé wùmòʼ, e kfə̀n a tavír.

1 Tesalonika 4:18

Vèn wáa kuumé vinyo vìn vi, a rəə̀r melív men shó.

2 Korin 1:4

Vèsən lóo yen ŋgeʼ, kìn dzə̀ rəné, wù kù a rəə̀r melív mèsən. A wù rəər bèy ji vèsən fíʼ a kiíy mó a rəə̀r me wír ámóʼó ve á yén sa ŋgeʼ, a vèsən kù yíi a rəə̀r e dzəə yee shó ye Nyùy rəər mesən.

Ŋwàʼ woó Rom 12:15

Wíri lóo sheʼrí, vèn áwune wàa sheʼrí adzə̀m. Á lóo sòv kitú, vèn áwune wàa sòv adzə̀m.

Yòvdìy 2:13

Éè ŋgònjuù yee Jerusalem, a dzə̀ m sùúy ji ka kùm wò? A dzə̀ m fìʼsìn wò a dzə̀ e ka kí? Éè ŋgònjuù yee Sion, a dzə̀ ji m lóʼtí wò, m fìʼsìn wò a dzə̀ e ka kí? Á yèr ne wò mo rìbà ndzə̀v yèr virə́ʼ, a dzə̀ kfə̀n lùŋèr la wò?

Yòvdìy 1:21

«Wíri yù ne mo m shwíkir, kónsi, la ŋgaà wóo sham yòʼ a dzə. Aŋgàa vibàn vém adzə̀me yù ne ŋgeʼ sém, e nèn a màʼ a dzə̀ kinseŋ e kinyò ke à yiìn e mò. Ku yiì, é kishiíy ke wò‑oò tinen kàʼ ki wiy, aáwune nəə́ sá e ŋgeʼ moo mo.

Yòvdìy 1:16

«M sí diy bìʼ vinyo vìn, a mensíy mè dan fo mǒ si. Ŋgaà wóo a sham mo yòʼ dzə̀, a wìr wóo tavír mo yòʼ dzə̀. Ŋgaà vibàn wom ghàʼ ne mo, wón vémé rán kibvəə́shí kév.»

Yòvdìy 1:9

Lóm sə́ sí lòr ne e wùn ndzə̀y, bó wù yòʼ‑oò lo yiì a kwàʼtì kimaysì kfə́ kin. Á bèy, e nèn gbù e dzəə ye biibí, la ŋgaà sham yòʼ a dzə. Jerusalem sí tóŋ jii, «Éè Nyùy Tàr, ku yèn ŋgeʼ sém sí, ŋgaà vibàn wom màʼ ne mo.»

Yòvdìy 1:2

Wù bur tóŋ vitsə́ʼ vifur, bur bèy, a mensíy mè sə́y, su sí. Vé viŋkar və́ adzə̀me dzə̀ lèn, a bó wìr wo wù shám wun yòʼ kfə̀n dzə̀. Ŋkar sə́ sidzə̀m si fiìnè ne wun, e kfə̀n ji aŋgaà və́ vibàn.

Ŋwàʼ Jov 42:11

Lúmér sə́ wùn à jemèr sə́ sí, à wìr dzə̀m wo wù‑uù kiìn wun nèn a wìy, wùn à Jov wáa yikír e wun lav. Aá kù njíysi wun, nyoʼtì bìʼ ŋgeʼ se Nyùy Tàr‑iì màʼàn e wun kitu. A wìr mòʼón mòʼón nə́ʼsin wun aàfómoó, fó wun *kisha ke mbàm ke fəvír kí wùn à ndzə̀ŋgwáŋ woo kisha ke mbàm ke baar kí.

2 Samuel 10:2

Fòn Davir nèn lò, e sùúy ji bòŋ é wun din á koŋ e Hanun réŋréŋ mo Nahash woo tàr à Hanun‑eè dìnèn e wun. Wù nèn tsə̀nsí wír ji á du, e shàm á Hanun bìʼ kpú tàr wov. Áwune dù, e mèé fo, e fìʼtì.

Kèʼlo 37:35

Wón və́ adzə̀m vee vilum wùn à vee vikìyí báʼtí, a səmér wun, wù tén, e kù a shèŋ kitú, a suúy jii, «M wíy a dù aàŋkfəə́ wòŋ, a m kù diy wán wom və̀n.» Wù yòŋ bèy, e kù nèn a dìy Joosev.

Aysaya 51:19

Ŋgeʼ si gbù ne e věn kitu kfəə́ e baà. Wìr feyì wo wù yíi sham ven dzə̀ la? Á sàʼtì ne kitúm kén, e laàr láʼ sén, jìŋ koó ven, rə́r sí nəə́, e gòʼ e věn nsàn. Wìr feyì feyì wo wù lo, e rəə̀r melív men dzə̀ la?

Ŋgaà Tàrvìnyò 7:2

Kí bòŋ ji à du a dzə̀ kinsham ke kpu, e shaà fóo dù a dzə̀ kiŋkàʼ, bìʼ fo kinjòʼsì ké wìr dzə̀m ki kù dzəə̀n kpú. Wír ve á dzə̀ə́ atine ku lì kin e vifii.

1 Samuel 31:13

Á nèn lì vighvə́r, e dzəə̀mè e sar kici ké *tamarisk e mvə̀mlaʼ yee Jabesh, e lèm jíŋ kishiíy saàmbà.

1 Wòŋ 10:12

vilum vév adzə̀m ve á kér melíví nèn ŋàʼáy, e dù, e lì dzə́n Saul wùn à sé won sí, e wìy sho e Jabesh, e dzəə̀mè e sar kici ké *terebint, e nèn lèm jíŋ kishiíy saàmbà.

Ŋwàʼ Luk 10:39

Wù‑uù kér fə́r və woo wiíy wùmòʼ, aá yoŋ ji Maria. Mo Jesus duùn, e nə̀ə́, Maria ku nèn dzə̀ʼə̀m a dzə̀ e Jesus ghaŋ, a yuurí kinyo ke wù‑uù yéʼeyì,

Ŋwàʼ Luk 10:42

a kinyo ke kí dzəə̀n é shií kí dzə̀ kimòʼón. Maria shòʼ ne kee shooy, a bó á yòʼ dzəə́ wìy sə fo fo.»

Joon 1:19

A Joon‑eè lo fìʼtì wír wo dzəə̀n Jesus Kristu və̀n. Yì‑iì dzə̀ é ghan símóʼ sí, atǎr wòŋ veé Judàa túm atàá cù ámóʼó fó Jerusalem wùn à wír veé ram Levìi ji á du, e yèn Joon, e dzə̀r shó a jii, sà dzə̀ wun la á?

Joon 11:1

Wìr wùmòʼ nèn wìy lò, a jòy feyì, a yír ŋgaàŋe dzə̀ ji Laasaror, a dzə̀ fər vikìy ve á yoŋ ji Maria wùn Maata, aáwune shiiy e ntèʼ ye á yoŋ ji Betani.

Joon 11:8

Á nèn yòŋ jii, «Ŋgaà Yèʼey, mo wír veé Judàa kù‑uu taʼ ji á yúyrí wò e yooné yooné fen, à wáa suúy ji à kfə́n fo lèn e le?»

Joon 11:33

Jesus yén mo Maria diyì, a wír ve á kì wìyìn e wùn bàm víyi diynìn sa, shilív sə́ shí wáa lùm, a buʼ.

Joon 11:36

Wír vìyi yén, e sùúy jii, «Vèn ku yèn mo wù kòŋèn Laasaror e ŋàŋ.»

Joon 11:45

Wír ve vé‑eè wìyìn ji á shám Maria vìyi yén kinyo ke Jesus mùmèn kin, ámóʼó nèn wày shilív é wùn wó anín.