Joon 10:38 - ŊWÀʼ NYÙY

³⁸ Vèn yén, a m kù yii a dzə̀ vinyo vee shoon, a bó vèn yòʼ fə̀m koŋ, e biíme kinyo ke m suuy e mǒ kitu, vèn kù biìmé bìʼ vinyo ve m yii vìn, é vèn nèn wìy kìíy rú kijuŋ ji kù dzə̀ vèr Tàr wor, a vèr wun dzə̀ ji kitú kimòʼón.»

Joon 10:38 Referans Kwoze

Joon 14:20

Vèn wíy yen mo é kishiíy fóo fèy, é vèn nèn kìíy rú ji dzə̀ vèr Tàr wor, a vèr wun dzə̀ ji kitú kimòʼón, e kfə̀n kiíy jii, kù dzə̀ vèsən, a m dzə̀ e věn meliv.

Joon 10:30

a vèr Tàr wor dzə̀ ji kitú kimòʼón.»

Joon 10:25

Wù bìnèr jii, «Mò‑oò sí suuy, la vèn yòʼ a biimé. A vinyo ve m rə́si yii e Tàr wór yir ví kfə̀n din sa mo m dzəə̀n,

Lim Aŋgàa Ntum 2:22

Pita nèn kfə̀n yòŋ jii, «Ven vee wír veé Isray, vèn kfən yuùrí. Jesus woó Naasarer dzə̀ wír, a Nyùy‑iì lo dìn e vèn kiránén ji tùm á wun mo wù‑uù fó vitaáví shó, a wù yii viŋgaʼnìn ve vinyò ve ví din vitaáví vé Nyùy, a wíri leey, kér gháʼ. Vèn kì bey, bìʼ fo vinyo vee shooy vi‑iì kooy a dzə̀ e věn mvəm.

Joon 3:2

Wù nèn wìy lò vitsə́ʼ vímóʼ ví, e dù, e yèn Jesus, e yòŋ jii, «Ŋgaà Yèʼey, vèr kì ji tùm Nyùy wò ji à wiy, a yeʼéy ver. Bó yòʼ dzə̀ wìr wàa yiì viŋgaʼnìn ve vinyò ve à yii vìn, a bó túm Nyùy ŋgaàŋ.»

Joon 5:36

«Kinyo kímóʼ kí nén a dzə sho, ke kí din mo m dzəə̀n, a kí shaà ké Joon. A kí dzə̀ jii, Tàr wor fò ne lim ye m wáa lìm. Vinyo ve m yii vìn vi nén a dìn ji tùm rú á Tàr wor mo.

Joon 17:11

Wáa dzə lèn, a m sí maʼtì ndzə rə̀n, a kfən fo wò wùn, aáwune yíi siíy kév, e gòʼ sho. Tàr, kù jòʼsì wò ji Nyùy. Kú a shìy áwune mo yír yée dzəə̀n, a dzə̀ yíwun yee yír ye wò‑oò foon sá e mò. Kú a shìy áwune, aá tátí a dzə ji kitú kimòʼón mo wòsò dzəə̀n sá ji kitú kimòʼón.

Joon 11:4

Jesus yú, e sùúy jii, «Bó yàsí və̀n yòʼ dzə̀ wo kpu. Kù dzə̀ ji wù yii, aá yén mo vitaáví vé Nyùy vi dzəə̀n, a burí a dzə̀ ŋgaà wo dzəə̀n Wan Nyùy.»

1 Joon 3:24

Vèn wáa kiíy jii, wìr wo wù yú sáʼ Nyùy dzə̀ á wo wù tíy kfə́ wùn Nyùy, a Nyùy tíy sa wùn ŋgaàŋ. A kinyo ke kí yii, bo vèsən wáa kiíy rú kijuŋ ji Nyùy tíy vèsən áwune kí dzə̀ Kiyoy kfə́ ke Ranén kí ke wù foon e vèsən.