Joon 10:35 - ŊWÀʼ NYÙY

³⁵ a vèn kì sá ji kinyo ke kí dzəə̀n é Ŋwàʼ Nyùy ki kù yii tíy fo. Mo wír ve Nyùy‑iì yoŋ ji anyùy vìne dzəə̀n ve wù‑uù tiísi a dzə̀ vinyo və́ shó,

Joon 10:35 Referans Kwoze

Matio 24:35

Yúv wùn à nsay wíy mày, a jí sém sí ku wíy a tiy fo.

Ŋwàʼ woó Rom 13:1

Kímóʼ kí nén a dzə jii, wìr dzə̀m kér sa fó a yu sáʼ yeé wòŋ, bìʼ fo bó yòʼ dzə̀ woŋ wú wàa ker sáʼ, a bó Nyùy kì fó fo. A bó sáʼ yímóʼó yòʼ dzə̀ é kirə̀ʼ kímóʼ kí, a bó yòʼ lèm Nyùy.

Ŋwàʼ Luk 16:17

A bó yòʼ dzə̀ ji *Nsər Mooser lày ne. A dzə̀ yúv wùn à nsay mày cér feyì, e shaà fo shinyorìn shimòʼón shi lay fó nsər fèn.

Lim Aŋgàa Ntum 1:16

«Afə̀r vem, kinyo ke Ŋwàʼ Nyùyi‑iì suuyin kí kù‑uù wíy gheén. A dzə̀ kinyo ke Kiyoy ke Ranén kí‑iì yiìn, Fòn Davir tóʼ fó ghan kùm Judar wo yì‑iì dzəə̀n ŋgaà ŋgoo wòsən, a vèsən áwune yii lim e mòʼón, bo wù kfən lò, e shèm mbìy ji á koó Jesus.»

Kèʼlo 15:1

Vinyo vee shooy vi koóy bey, e shaà, Nyùy yiì, vinjeenjèm vi shaà e Abram si, wù yú jí Nyùy Tàr, a yì suuy jii, «Abram, lá à yòʼ a fàn. M dzə̀ ŋkeè wò, a vilaámé vé vi yíi kùʼ feyì.»

Matio 27:35

Á nèn tà wun e kintam, e lì ndzə̀y sə́, a tsəm kàŋ sho ji á fiʼ jàv,

Matio 5:18

Vèn wáa kiíy rú jii, kèʼ mo yúv wùn à nsay wíy a dzə sho, e dù, e meé e ghan se ndzə wíy mày, bó yòʼ dzə̀ shinyorìn she nsər rə̀n dinè, a shí fə̀m dòr moó le, shí wìy tùm fó nsay, a bó kí yoʼ ghèén mo yì suuyì.

1 Wòŋ 22:8

Yii bèy, Nyùy Tàr suúy e mò jii, wun lèéy ne a kitú ke nsay, e yèn á rə́r se ghaʼtín sí se mò‑oò màʼàn, e yùyrí wíri anín, mensə́ mev mè leém e wun si. Wun nen yèn ji yòʼ dzə̀ kfə̀n bàʼrì a mo lav ye á wáa cù a wun sho.

2 Samuel 7:5

«Dù, e sùúy e Davir woo ŋgaà lìm wom ji a sà kì dzə̀ bàʼrì wun lav ye m wáa dzə sho a?

1 Samuel 30:8

Davir nèn dzə̀r e Nyùy Tàr ji wun sa nyoòrì wír ve á nəən wun vìn a? Nyùy Tàr biímé ji wù wàá nyoori, wù waà ló koo a áwune, e faàsì a wíri wùn à vifá ve á kuuyin ví.

1 Samuel 28:6

Wù beè Nyùy Tàr shó, la Nyùy Tàr yòʼ fə̀m bìnèr wun e njèm, kìn e Urim wùn Tumim, kìn ji wù shaa fo aŋgàa ntum vəə́.

1 Samuel 15:1

Wìy lòo dzə e ghan símóʼ sí, Samuel suúy e Saul jii, «Dzə̀ mo və̀n wo Nyùy Tàr‑iì tumen ji m yóʼ á wò ji fon wìr və́ veé Isray. Lèn və̀n, yuúrí ri kinyo ke wun woo Nyùy Tàr suuy e wò ki.

Remrí 18:15

Nyùy Tàr woo Nyùy won wíy tum *ŋgaà ntum və wùmòʼ fo věn wùn moo mo, a wíy a dzə wír fo věn mvəm. Vèn kù wíy a yunín a dzə̀ wun.

Joon 19:28

Jesus suúy vinyo vìn, e màysì, a wù kiíy ne ji wun màysì ne vinyo və́ lèn a vidzə̀m, wù nèn lò, e sùúy jii, «Kilòŋ kí yúm mo.» A wù suuy bèy ji kinyo kee shooy ke vé‑eè saŋen é Ŋwàʼ Nyùy ki fiʼ ghèén.

2 Wòŋ 19:2

Jehu woo ŋgaà si, a dzə̀ wan Hanani nèn lò, e dù yèn Fòn Jehoshafat, e yòŋ sho jii, «Kí sa bòŋ ji fòn wáa tom wir kisaŋ a? Kí bóŋ ji fòn wáa kòŋ wír ve á ban Nyùy Tàr á? Nyùy Tàr sí yú a nyár wùn fòn bìʼ kinyo ke fòn yiìn.

Joon 10:34

Jesus bìnèr jii, «Vé‑eè sàŋ e věn Ŋwàʼ Nyùy ji Nyùy‑iì suuy a jii, ‹Vèn dzə̀ sá ji anyùy›,

Joon 10:36

m wáa dzə kém wír wo Tàr wor Nyùy‑iì shoʼon, e tùm é ndzə fèn, vèn kfə́n a suúy ji m táŋ kilíŋ ke Nyùy, bìʼ fo m suuy ji m dzə̀ Wan Nyùy moó le?

2 Afòn 15:12

Mo á yuyrin Fòn Sekariya bèy, kinyo ke Nyùy Tàr‑iì suuyin e Jehu ki ku nèn ghèén. Wù‑uù sùúy shó jii, rám yée wíy saʼ kfəə́ yeé Isray, e dù, e meé ŋgwàʼ sikweè.