Joon 10:33 - ŊWÀʼ NYÙY

³³ Á bìnèr jii, «Bó vèr yòʼ kì yúyri wò fo kee shooy ki. Vèr yúyri wò, bìʼ fo à táŋ kilíŋ ke dzəə̀n ké Nyùy. Wò, wír fo wìr, aà suuy ji à dzə̀ sá ji Nyùy.»

Joon 10:33 Referans Kwoze

Joon 5:18

Kinyo kìy ki màysì, e yiì, vé wòŋe wáa tàʼ, e yuyrí Jesus, bìʼ fo wù‑uù yoŋ Nyùy ji Tàr wov, a dzə̀ ji wù sí fiʼsìn kitú kfə́ wùn Nyùy, a bó yòʼ mày cáʼ ji wù bívir a nsər kishìíy ké bam.

Cù 24:16

A wìr shòór yír Nyùy Tàr, bo wìr dzə̀m yíi tsəmrí ŋwèrín e tíyí, e yuyrí. Kìn dzə̀ kiŋgwìy, kìn dzə̀ wan nsay, wù shoór yír Nyùy Tàr, á kù yùyrí yuyrín.

Joon 10:30

a vèr Tàr wor dzə̀ ji kitú kimòʼón.»

Filipi 2:6

Mo wù fə̀m‑eè dzəə̀n réŋréŋ ji Nyùy, bó wù yòʼ‑oò ló a tàŋèn ji wun kú a ker kilíŋ ke Nyùy kee shooy.

Ŋwàʼ woó Rom 13:1

Kímóʼ kí nén a dzə jii, wìr dzə̀m kér sa fó a yu sáʼ yeé wòŋ, bìʼ fo bó yòʼ dzə̀ woŋ wú wàa ker sáʼ, a bó Nyùy kì fó fo. A bó sáʼ yímóʼó yòʼ dzə̀ é kirə̀ʼ kímóʼ kí, a bó yòʼ lèm Nyùy.

Nsùyrì Nyùy 82:6

M suuy jii, ‹Vèn dzə̀ ji anyùy, ven adzə̀m, vèn dzə̀ wón Taà Vitu.›

1 Afòn 21:10

Wù dzəʼə̀mè, vèn tàʼ vé kiŋari abaà, e yòŋ, aá dzəʼəm e wun ŋkìʼnìn, a gòv wun ji wù kuù a Nyùy, e kfə̀n kuù a fon. Á gov bèy, é vèn nèn lì, e fə̀ə́r e ndzə, e tsə̀mrí e tíyí, e yùyrí.»

Cù 24:14

«Vèn li ŋgaà ŋkáymé və̀n, e fəə̀ kibeey kí shó, é wìr dzə̀m wo wù yuun mo wù yoŋè neer wó rə́ é kitu wo, é màŋgòŋ tsə́mrí e tíy sí.

Joon 10:24

wíri báʼtí e wùn ghaŋ, e dzə̀r shó jii, «À taʼ ji vèr wìy shìy, e mèé e le, e bóo gwàrìr wír wo dzəə̀n wò? A bèn dzə̀ wò *Mfə̀ə́r wo á shiyì, à kù gwàrìr ver kijuŋ.»

Joon 10:32

Wù dzə́r aáwune jii, «Vèn‑eè ló a yen, a m yii vinyo ve juŋ vi vinín, a ví lo a dzə̀ fo Tàr wor. Fo vinyò fèn, vèn taʼ ji vèn yúyrí mo a dzə̀ fo kiné kí lèn?»

Joon 19:7

Wír veé Juda vìyi bìnèr jii, «A dzə̀ mo yéer yee nsər suuyì, bo wìr və̀n kù kér fó kpu, bìʼ fo wù yoŋ kitú kfə́ ji Wan Nyùy.»