Joon 10:32 - ŊWÀʼ NYÙY

³² Wù dzə́r aáwune jii, «Vèn‑eè ló a yen, a m yii vinyo ve juŋ vi vinín, a ví lo a dzə̀ fo Tàr wor. Fo vinyò fèn, vèn taʼ ji vèn yúyrí mo a dzə̀ fo kiné kí lèn?»

Joon 10:32 Referans Kwoze

1 Joon 3:12

A bó kí yoʼ ghèén ji vèsən wáa yiì moo Keen. Wù‑uù dzə̀ kfə́ wan Satan woo ŋgaà vinyò ve bi ví, e nèn lò, e yùyrí wan yè wov. A yì‑iì yiì ka, bo wù wáa yuyrí fə́r və? Wù‑uù yúyri, bìʼ fo wù‑uù yii kfə́ a dzə̀ vinyo ve bi ví, a fər və yii ve juŋ vi.

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Lim Aŋgàa Ntum 2:22

Pita nèn kfə̀n yòŋ jii, «Ven vee wír veé Isray, vèn kfən yuùrí. Jesus woó Naasarer dzə̀ wír, a Nyùy‑iì lo dìn e vèn kiránén ji tùm á wun mo wù‑uù fó vitaáví shó, a wù yii viŋgaʼnìn ve vinyò ve ví din vitaáví vé Nyùy, a wíri leey, kér gháʼ. Vèn kì bey, bìʼ fo vinyo vee shooy vi‑iì kooy a dzə̀ e věn mvəm.

Joon 10:37

A vèn yén, a vinyo ve m yii vìn vi yòʼ lo a dzə̀ fo Tàr wor Nyùy, la vèn yòʼ a biìmé kinyo kém.

Joon 5:36

«Kinyo kímóʼ kí nén a dzə sho, ke kí din mo m dzəə̀n, a kí shaà ké Joon. A kí dzə̀ jii, Tàr wor fò ne lim ye m wáa lìm. Vinyo ve m yii vìn vi nén a dìn ji tùm rú á Tàr wor mo.

Matio 11:5

Amfìri sí yén virə́ʼ, aàntèŋe gháné, a vé shìvnsayi bónenè. Ansəərìi yú vinyo, a wíri kóʼor fo kpu, aá kfə̀n fiʼtì sáʼka Nyùy wo juŋ e vé ŋgeʼe.

Ŋgaà Tàrvìnyò 4:4

M kfən yèn ji wíri lo, á gìsín é lìm, lo, á wày vifií ji á kiíy á kiwó ke lìm ke juŋ ki. Aá kù yii bèy, a dzə̀ bìʼ fo wìr lo, wù wàa tàʼ mbǒv ŋgaà shweèsí və ntéŋ, a lìm ji wun ku shaà wun. Kin ki kù dzə̀ sá kinyo kisáŋ, a dzə̀ moo ji wìr jum shwér ji wun koó.

Nsùyrì Nyùy 35:12

Á siir vinyo ve juŋ ve mò‑oò yiìn aáwune a dzə̀ e ve bi ví, yii, a m tíy vèr mòʼón mendzən mendzən.

Joon 10:25

Wù bìnèr jii, «Mò‑oò sí suuy, la vèn yòʼ a biimé. A vinyo ve m rə́si yii e Tàr wór yir ví kfə̀n din sa mo m dzəə̀n,

Jeremia 37:18

Jeremia kfən bùn fon jii, «Nyàr, m sà jày ka e fòn wùn à vilìmbìy və́ ví, e jày e wír vìne ye á wáy mo é sháŋ á?

Joon 10:31

Wíri nèn kfə̀n tàyrí tíy ji á yúyri Jesus sho.

Joon 10:33

Á bìnèr jii, «Bó vèr yòʼ kì yúyri wò fo kee shooy ki. Vèr yúyri wò, bìʼ fo à táŋ kilíŋ ke dzəə̀n ké Nyùy. Wò, wír fo wìr, aà suuy ji à dzə̀ sá ji Nyùy.»