Joon 10:27 - ŊWÀʼ NYÙY

²⁷ Njiì wo dzəə̀n wóom e dzə̀m yú jí yem, wù kù nèn kìíy, a wìy e mǒ bàm. M kì wír vém adzə̀m,

Joon 10:27 Referans Kwoze

Joon 10:16

A m kér sa njiì wùmòʼ, a bó wù yòʼ sì é ŋgoo fèn. M kér fó yìi baʼtí woo shooy e dzə̀m, aá yíi a yu jí yem, a wìy, é ŋgoo njiì nèn a dzə e mòʼón, é nshìy wáa dzə sa e mòʼón.

Joon 10:14

Dzə̀ mo nshìy njiì wo juŋ. M kì njiì wo dzəə̀n wóom, a njiì wom kì sá mo,

Ŋgaà Yen 3:20

Vèn yú, m tíy e shùu lav, kumrì. A wìr yù jí yem, e mvə̀ʼ, m nə̀ə́ e wùn lav, é vèr wun dzəʼəm, a yikír.

1 Korin 8:3

Wìr wo Nyùy kiìn ji dzə̀ wír dzə̀ wo wù koŋ a dzə̀ wun woo Nyùy.

Hibru 3:7

Vèsən ku nèn yuùrí kinyo kímóʼ kí ke Kiyoy ke Ranén kí‑iì suuyin jii: «A vèn yù, a Nyùy yoŋ ven lán,

Joon 5:25

Vèn kfə́n a kiíy rú jii, ghán sí wíy gheén, a sí sì é kiwo, é wír ve á kpukin nee yú mo jì Wàn Nyùy yoŋ áwune, é wír ve á yuun adzə̀me luŋ.

Joon 8:12

Jesus nèn kfə̀n a suŋnín e wíri, a suúy jii, «Dzə̀ mo rán ye yí kaʼày wír veé ndzə. A wìr ghán e mǒ bàm, la wù yòʼ dzə́ə a ghan fo mesənér. Wù sí ghán, yén rán, a yí kaʼày wun, a wù du, e nəə́ e dzə̀ʼə̀m yee là may.»

Galatia 4:9

Á bèy, vèn kìíy ne Nyùy wo rù lèn. Yii bèy, a ke m kì yíi a suúy ki dzə̀ jii, kù kìíy Nyùy ven. Mo kí dzəə̀n ben, yií ka lèn, bo vèn kfə́n a tàʼ ji á kfə́n é bàm, a yu a dzə̀ fó vinyò ve bó ví yòʼ kér ndzə̀n fo Nyùy, a bó yòʼ dzə̀ ví fò ven vitaáví, vèn wàa yiì vinyo ve ru ví? A dzə̀ ví kù kùr ven kúrín, e siìr ji akwǎn vinyò veé ndzə.

Joon 10:8

A wír ve vé‑eè wìyìn fó mbìy, a teʼ mo é sii dzə̀ ashóŋ. Vé‑eè wiy a dzə̀ kimfaàsì, a bó njiì yòʼ‑oò ló a yu jí yev, a jùmrì áwune.

Joon 12:26

A wìr taʼ ji wun wáa dzə wán wom lìm, wù kù a ghan vèr wun. M lóo dzə fo m dzə́, é kú a dzə vèr wun. Wìr wáa lìm fo mò, bo Tàr wor wíy bùʼ ŋgaàŋ.»

Joon 8:43

Vèn kì kinyo ke kí yii, bo vèn wáa meŋ vinyo ve m suuyì a? Dzə̀ bìʼ fo vèn yú, wáŋ waŋén.

1 Afòn 18:21

Elija nèn kòʼtí e wírí mentsə̀m, e dzə̀r jii, «Vèn wíy tùʼtìn e kwaʼtìi e baà ben, e dù meé e le? A Nyùy Tàr dzə̀ Nyùy, vèn wàa jùmrì wun, wáa dzə a dzə̀ Baal, vèn wàa jùmrì rì Baal.» Wíri ku gòʼ gòʼòn kisə́sə.

Ŋwàʼ Luk 9:23

Wù kfə́n a suúy e wìr dzə̀m jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, a lì moo kintam vishiíy vidzə̀m, a ghan sho e mǒ bàm.

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

2 Timoti 2:19

Yii bèy, a bó yòʼ dzə̀ kifá ki sə̀ʼ kinsə̀ŋ ke Nyùy wayin gheéy, aá sàŋ shó jii, «Nyùy kì wír ve dzəə̀n ji və́,» e kfə̀n sàŋ jii, «Wìr dzə̀m wo wù suuy ji wun dzə̀ wir Nyùy, kù kér fó a màʼtì vinyo ve kisaŋ vi.»

Joon 21:22

Jesus bìnèr sho jii, «A m fə̀m kì taʼ ji wù wìy shaàrì, e mèé e ghan se m wíy kfən, bo bó yòʼ dzə̀ nsaʼ yè. Kú a jùmrì ké ki a dzə̀ mò.»

Ŋwàʼ Luk 13:27

A wù kù wíy bìnèr kfə́ jii, ‹M suuy ji bó m yòʼ kì á fo vèn loòn. Vèn lo fo mǒ shùu lav. Vèn ghán, buʼtì vinyo ve bi ví.›

Maak 8:34

Wù nèn jàŋ màŋgòŋ, á wìy, wù wáa suúy e wùn à wón və́ lìme jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, e lì moo kintam, a ghan sho e mǒ bàm.

Matio 25:12

Wù bìnèr jii, ‹M suuy rú, bó m yòʼ kì fo vèn loòn.› »

Matio 16:24

Jesus suúy bey, e nèn sùúy e wón və́ lìme jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, e lì moo kintam, a ghan sho e mǒ bàm.

Matio 7:23

Á lóo suúy bèy, é m nèn a jùm jùmèn jii, ‹Vèn kóʼtí fo mǒ si, bó m yòʼ‑oò lo yiì kìíy ven féyì. Vèn‑eè ghán, buʼtì a dzə̀ vinyo.›

Ŋgaà Yen 14:4

Mo áwune ghvə́m a dzə̀ Wan Njiì Nyùy, á nén a dzə là shilóm moo wánlè lùmèn wo bó yòʼ dzə̀ wù kùm wiíy, kù dzə́, shiy a dzə̀ və́ə. Áwune ku nèn a jùmrì a dzə̀ wun woo Wan Njiì Nyùy, wùn áwune wáa dù fo wù du. A Nyùy‑iì shòʼtí ne áwune, e fə̀ə́r fo wìr msǒŋ mvəm, wáa dzə wír mbìyi ve kér wun woo Nyùy wùn Wan və wo á yoŋ ji Wan Njiì.

Lim Aŋgàa Ntum 3:23

Wìr wíy ten fó a yuurí kinyo kfə́, aá fəə́r ŋgaàŋ fo wír Nyùyí mvəm, e yùyrí.›

Maak 10:21

Jesus leéy wun, a kòŋ, e sùúy sho jii, «Bo kinyo ki dzəə́ bér kimòʼón ke dzə̀ à yiì. Dù ri, e fiìnè kéŋ yée e dzə̀m, e jàv mbàm e vé ŋgeʼe, e wìy, é wòsò wáa ghan. À yii bèy, áà nèn wìy a ker bùʼ a dzə̀ e Nyùy wòŋ woó yuv.»

Aysaya 66:22

«Mo yúv wo fíy wùn à nsay ye fíy ye m lo, e bom, kù wíy a tiy fo, e dù, e jòʼsì, dzə̀ réŋréŋ mo ŋgwàʼ sén wùn à yír yéné wíy a tiy fo, e dù, e jòʼsì.