Joon 10:25 - ŊWÀʼ NYÙY

²⁵ Wù bìnèr jii, «Mò‑oò sí suuy, la vèn yòʼ a biimé. A vinyo ve m rə́si yii e Tàr wór yir ví kfə̀n din sa mo m dzəə̀n,

Joon 10:25 Referans Kwoze

Joon 10:38

Vèn yén, a m kù yii a dzə̀ vinyo vee shoon, a bó vèn yòʼ fə̀m koŋ, e biíme kinyo ke m suuy e mǒ kitu, vèn kù biìmé bìʼ vinyo ve m yii vìn, é vèn nèn wìy kìíy rú kijuŋ ji kù dzə̀ vèr Tàr wor, a vèr wun dzə̀ ji kitú kimòʼón.»

Joon 8:58

Jesus bìnèr jii, «Vèn wáa kiíy rúrú jii, bo á wáa dzəə́ Abraham, a m sì.»

Joon 14:11

A dzə̀ vèn wàa biimé mo m suuy ji kù dzə̀ vèr Tàr wor, a vèr wun dzə̀ ji kitú kimòʼón. Búŋ bèy, vèn wàa leéy rì a dzə̀ vinyo ve m yii, a biimé bìʼ vee shooy.

Hibru 2:3

Mo kí dzəə̀n ben, vèsən kfən lò, a meŋ kiŋgaʼnìn ke kinyò ke yiìn Wan Nyùy ji vèsən fiʼ lùŋ, bo dzə̀ vèsən yèe, e bóo bòy fo ŋgeʼ? Kù‑uù tòmbìy, a fìʼtì wun woo Taàtá wòsən Jesus Kristu kinyo kìn, é bo wír ve vé‑eè yuuné wáa fìʼtì, é vèsən wáa kiíy sa mo kí dzəə̀n.

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Joon 20:30

Jesus yiì vinyo vìn, wón və́ lìme yén vitaáví vé Nyùy, a wù‑uù yii sa vímóʼ ví vinín ve bó á yoʼ sàŋ é ŋwàʼ fèn.

Joon 12:37

Wíri siíy, e làa yòʼ fə̀m biimé kinyo kfə́, a wù‑uù sí ghán aáwuné mvəm, yii vinyo vinín ve ví din vitaáví vé Nyùy.

Joon 11:47

Vitú ve atàá cù wùn à wír vee Farasi vee shooyi nèn kùm vé wòŋe adzə̀m. Á dzə̀ʼə̀m, a ghay jii, «A dzə̀ vèsən yèe, e bóo sə̀r wír və̀n. Wù ghán, shóʼ virom ve vinyò vinín,

Joon 10:32

Wù dzə́r aáwune jii, «Vèn‑eè ló a yen, a m yii vinyo ve juŋ vi vinín, a ví lo a dzə̀ fo Tàr wor. Fo vinyò fèn, vèn taʼ ji vèn yúyrí mo a dzə̀ fo kiné kí lèn?»

Joon 8:24

Mo m kì suuyin ne e vèn ji vèn wíy kpukír vèn à njò yen, a vèn dzə̀ là fó biimé jii, ‹Dzə̀ mo wo dzəə̀n mo›, bo vèn kù wíy kpu vèn à njò yen.»

Joon 8:12

Jesus nèn kfə̀n a suŋnín e wíri, a suúy jii, «Dzə̀ mo rán ye yí kaʼày wír veé ndzə. A wìr ghán e mǒ bàm, la wù yòʼ dzə́ə a ghan fo mesənér. Wù sí ghán, yén rán, a yí kaʼày wun, a wù du, e nəə́ e dzə̀ʼə̀m yee là may.»

Joon 7:31

Yii bèy, a wír ámóʼó kù yòʼ wáy shilív e Jesus wùn anín, suuy ji Mfə̀ə́r sà wíy wìy, é wù yii vinyo ve ví din vitaáví vé Nyùy, e shaà ve wìr və̀n yii a.

Joon 3:2

Wù nèn wìy lò vitsə́ʼ vímóʼ ví, e dù, e yèn Jesus, e yòŋ jii, «Ŋgaà Yèʼey, vèr kì ji tùm Nyùy wò ji à wiy, a yeʼéy ver. Bó yòʼ dzə̀ wìr wàa yiì viŋgaʼnìn ve vinyò ve à yii vìn, a bó túm Nyùy ŋgaàŋ.»

Lim Aŋgàa Ntum 2:22

Pita nèn kfə̀n yòŋ jii, «Ven vee wír veé Isray, vèn kfən yuùrí. Jesus woó Naasarer dzə̀ wír, a Nyùy‑iì lo dìn e vèn kiránén ji tùm á wun mo wù‑uù fó vitaáví shó, a wù yii viŋgaʼnìn ve vinyò ve ví din vitaáví vé Nyùy, a wíri leey, kér gháʼ. Vèn kì bey, bìʼ fo vinyo vee shooy vi‑iì kooy a dzə̀ e věn mvəm.

Joon 8:56

Abraham woo tàr à ràm yén‑eè ló a njèʼ feyì ji wun ku yèn ghán se m wiyì. A wù‑uù lo yèn, a sheʼrí.»

Joon 10:37

A vèn yén, a vinyo ve m yii vìn vi yòʼ lo a dzə̀ fo Tàr wor Nyùy, la vèn yòʼ a biìmé kinyo kém.