19 Wíri yuúrí vinyo vìn, e nèn kfə̀n bvəə̀rí.
Wír Farasi vìy ámóʼó nèn sàyín jii, «Bó Jesus və̀n yòʼ dzə̀ wír wo wù lo ntum Nyùy gheéy, wù shóʼor nsər kishìíy ké bam.» Aámóʼó dzə́r kév jii, «A dzə̀ wír, a bó Nyùy yòʼ kì wun, wù wàa yiì viŋgaʼnìn ve vinyò vee ben à?» Á bìʼ bèy, e bvəə̀rí.
Vèn kù dzə̀ə́ moo wír ve á yú a dzə̀ fo mensə́ mev mè. Mo vèn rə́si gheʼnìnè, táŋnin ghán sidzə̀m, bó kí yòʼ din ji vèn dzəə́ yú a dzə̀ fo mensə́ men mè à? Vèn kù dzəə́ yii a dzə̀ kinyo ke wír veé ndzə fène yii.
Á wáa fìʼtì bèy, wír veé ntèʼ fóo fèyi nèn jàvsìn. Ámóʼó kfə́n e wír veé Juda ve vé‑eè tenené mbìv, ámóʼó kfə́n áàŋgàa ntum Jesusé mbìv.
A ké mbìy ki dzə̀ jii, m yú ji vèn tárnin e kintatì, á wàa dzə a shuu jeéy jeéy. A m yén ji tàm bo dzə̀ á rú,
Vé wòŋ vìyi yú kin, e nèn kèʼ, a kfə̀ynìn jii, «A dzə̀ wìr və̀n fò wún və́ ji vèsən yí é le?»
