Joon 10:18 - ŊWÀʼ NYÙY

¹⁸ A bó yòʼ dzə̀ ji wìr wíy yuyrí mo ji yùyrí ŋgaàŋ. Kòŋ mo, e bóo fo kitú kém. Dzə̀ kilíŋ kém fó fo kitú kém, kfə́n a dzə kilíŋ kém fó fəə fo kpu. Á mo Tàr wor‑iì suuyin ji m yii.»

Joon 10:18 Referans Kwoze

Hibru 2:9

Ke vèsən yén lèn ki dzə̀ Jesus wo wù sáʼ vifá vìn vidzə̀m. A Nyùy‑iì lo lèm wun fo nshèelav sə́ sí mbìv tsə̀n e bǎm shintàm. Wù‑uù lèm bey ji Jesus kpú á fo wìr dzə̀m mo wun woo Nyùy‑iì shamen áwune, e sìysì. Wáa dzə lèn, a Nyùy búʼ ne wun, e fò vitaáví vé saʼ sho ji á wáa ghvəm, a yu fo fo, bìʼ fo wù‑uù biimen ŋgeʼ, e kpù fo wíri.

Titur 2:14

Wù‑uù fò kitú kfə́, e kpù fo vèsən, e tìn vèsən fó vinyò ve bi ví vidzə̀m ji wun náŋsín wír ji və́, aá wáa dzə là jay, e tiír vifií ji á wáa yiì a dzə̀ vinyo ve juŋ vi.

Joon 10:17

«Tàr wor nén a kòŋ mo a dzə̀ bìʼ fo m biimen kpú, a wù kfə̀n wíy fəə́r mo fó fo.

Joon 14:31

Màʼtì mo, bìʼ fo dzəə̀n mo Tàr wor‑iì suuyin ji m yii, é wír veé ndzə adzə̀me fíʼ yen ji m koŋ Tàr wor. Vèsən lo ri lèn, a dù.»

Joon 6:38

Mò‑oò lò fó yuv, e wìy e nsay fèn a dzə̀ ji m kú a yiì kinyo a dzə̀ ke sìysìn ŋgaà wo wù tumen mo ji m wáa yiì. A bó m yòʼ wìy ji m wáa yiì kinyo a dzə̀ ke kwaʼ mo.

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Joon 10:11

«Dzə̀ mo nshìy njiì wo juŋ. Nshìy wo juŋ dzə̀ wo wù biíme, kpú fo njiì və́ kitu.

Lim Aŋgàa Ntum 3:15

Vèn yiì bèy, e nèn yùyrí wun wo wù yii, bo wíri wáa ŋèʼ, a dzə atin. Yii bèy, Nyùy fəə́r wun fo kpu, vèr yén e sí yérí, e nèn a fìʼtì.

Lim Aŋgàa Ntum 2:24

Wù nèn fə̀ə́r Jesus fo kpu, wù bòy fo sày, bìʼ fo bó yòʼ‑oò dzə̀ kpúu ghàtí wun, a ker fo moo wir sháŋ.

Joon 5:30

A bó yòʼ dzə̀ m yiì kinyo ji yiì a mo. M kù yú a dzə̀ fo Tàr wor, tínen nsaʼ wìr réŋréŋ mo yì dzəə̀n, bìʼ fo kém kí dzəə̀n ji m wáa yiì kinyo a dzə̀ ke ŋgaà wo wù tumen mo suuyì, bó m yòʼ yii a dzə̀ ke kwaʼ mo.

Lim Aŋgàa Ntum 2:32

Ŋgaàŋ dzə̀ Jesus, a Nyùy‑iì lo fə̀ə́r wun fo kpu, ver vee aŋgàa ŋgoo vəə́ yén wír adzə̀m.

Joon 19:11

Jesus bìnèr jii, «Bó yòʼ dzə̀ à wàa ker vitaáví ve dzə̀ à yiì kinyo e mò, a bó Nyùy biímé gheéy. Jay wo kuʼùn ku nèn a dzə wo wìr wo wù wayin mo e wò kiwo, bó yòʼ dzə̀ wo.»

Joon 10:15

réŋréŋ mo m kiìn Tàr wor, a wù kì sá mo. M nen biìmé kpú, e fò kitú kém fo njiì wom və̀n.

Joon 5:26

A kí dzə̀ bey, bìʼ fo Nyùy Tàr wo kù yii wun, bo wíri wáa lùŋ, foon ne sa vitaáví vee shooy e Wan və.