Joon 10:14 - ŊWÀʼ NYÙY

¹⁴ Dzə̀ mo nshìy njiì wo juŋ. M kì njiì wo dzəə̀n wóom, a njiì wom kì sá mo,

Joon 10:14 Referans Kwoze

Joon 10:27

Njiì wo dzəə̀n wóom e dzə̀m yú jí yem, wù kù nèn kìíy, a wìy e mǒ bàm. M kì wír vém adzə̀m,

2 Timoti 2:19

Yii bèy, a bó yòʼ dzə̀ kifá ki sə̀ʼ kinsə̀ŋ ke Nyùy wayin gheéy, aá sàŋ shó jii, «Nyùy kì wír ve dzəə̀n ji və́,» e kfə̀n sàŋ jii, «Wìr dzə̀m wo wù suuy ji wun dzə̀ wir Nyùy, kù kér fó a màʼtì vinyo ve kisaŋ vi.»

Joon 10:11

«Dzə̀ mo nshìy njiì wo juŋ. Nshìy wo juŋ dzə̀ wo wù biíme, kpú fo njiì və́ kitu.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Efesor 1:17

A m lón fo Nyùy woo Ŋgaà Vikùʼùy, wun woo Tàr à Taàtá wòsən Jesus Kristu ji wù ku mvə̀ʼ vifií vén, é vèn wáa kiíy mo vinyo ve wù din e vèn ví dzəə̀n, e nèn màysì, e kiíy wun.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Nsùyrì Nyùy 1:6

Nyùy Tàr kù yii shiy wír ve á yúnin wun, a wír ve á méŋ wune kù wíy lày kév láyin kisáŋ ŋkuuŋkùŋ.

Ŋgaà Yen 2:2

M kì vinyo ve juŋ ve vèn rə́si yii vidzə̀m, e kfə̀n kìíy mo vèn rə́si katìr e Nyùy kinyò, sə́ vinyo vidzə̀m, kù dzə́ ji nyaáŋ. A m kfə̀n kì sá ji bó vèn yòʼ biíme a ji wír ve bií wáa ghan e věn mvəm. Wíri‑iì lóo sə ŋgúm ji áwune dzə̀ aŋgàa ntum vém, vèn kù nèn tàr, e yèn ji á bóʼti a bòʼtín.

2 Timoti 1:12

M nén a yen ŋgeʼ e sháŋ lèn a dzə̀ bìʼ lim yee shooy. A bó yòʼ dzə̀ m wàa fàn ji yí lày ne a kisáŋ, bìʼ fo m kiìn mo wun woo Kristu wo m wayin shilív é wùn wó dzəə̀n. M kì féyì ji dzə̀ wù kù wìy a leéy a fo kinyò ke Nyùy wayin e mǒ kiwo, é kí wáa dù fo mbìy, e meé e kishiíy kee shó ke wù wíy kfən.

Filipi 3:8

A bó yòʼ jòʼsì kee shooy cáʼcáʼ. M sí yén vifá vidzə̀m ji kilày ji m fíʼ a ker ke kuʼùn kí, a dzə̀ á ji m maysi, e nəə̀nín vèr Tàr wòsən Jesus Kristu, e kìíy wun kijuŋ. M nen màʼày vinyo vìn vidzə̀m a dzə̀ bìʼ wun woo Kristu, a yen lèn, ví wáa koʼóy koʼoyín ji m fíʼ a tiy a dzə̀ á vèr wun,

Efesor 3:19

Á mo m lón ji vèn ku kìíy a mo Jesus Kristu koŋ ven. A bó yòʼ fə̀m dzə̀ wìr kìíy, e dù, e màysì. Vèn kiiyì, é wun woo Nyùy nèn a dzə e věn meliv, a dànèr ven, é vèn wáa yiì vinyo ve wù koŋ vidzə̀m.

Joon 17:8

Mò‑oò lo tiìsí vinyo ve wò‑oò tumen mo shó aáwune vidzə̀m, áwune biímé, e nèn kìíy rú ji m lò a dzə̀ fo wò, a yiì tùm wò mo.

Ŋgaà Yen 2:19

M kì vinyo ve juŋ ve vèn rə́si yii. Vèn koŋnìnè, wáy shilív e mǒ wùn, lim fo wíri adzə̀m, yú a dzə̀ fo Nyùy, e làa yòʼ a dor. Vèn kfə́n a lìm lèn feyì, e shaà mo vèn‑eè lim fo mbìy.

Ŋgaà Yen 2:13

M kì fo vèn dzə́. Vèn dzə́ a dzə̀ fo ntoʼ Satan dzəə̀n. Yii bèy, a m kì ji vèn kù kì fon won a dzə̀ á mo və̀n, a bó vèn yòʼ‑oò yiì ne mèŋ mo gheéy. Fə̀m‑eè dzə̀ é ghan se vé‑eè yuyrin Antipar e vèn à Satan kirə̀ʼ fóo fèy, bìʼ fo wù‑uù fiʼtì kinyo kém shilív shimòʼón, vèn yòʼ‑oò lo fàn, e lèʼ mo gheéy.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

Ŋgaà Yen 3:15

M kì vinyo ve vèn rə́si yii vidzə̀m, a m kì ji vèn tíy e mǒ kinyò fo ntìntìn. Bó melív men mè yòʼ lum sho, a bó mè yòʼ rəəy fo fo, a m koŋ feyì ji vèn wàá kaŋ á mbìv yee mòʼón.

Ŋgaà Yen 3:8

M kì vinyo ve vèn yii vidzə̀m, e kfə̀n kìíy ji vèn yòʼ kér a kitar, a vèn kù tíy e mǒ kinyò kitávín, yii mo kí dzəə̀n. M nen mvə̀ʼ shúu lav, e lèm e rə́ ji vèn shaa shó, a bó yòʼ dzə̀ wìr sə̀tí.

Ŋgaà Yen 2:9

M kì ŋgeʼ se sí rə́si kooy ven, a m kfə̀n kì mo kitan ki yúy ven. Yii bèy, a dzə̀ m wàa suúy ji vèn dzə̀ á vé bùʼu. M kì sá mo wír ámóʼó rə́si tóy vinyo e věn bàm, yoŋ vitú vév ji wír veé Juda, aá dzə̀ kév a dzə̀ e Satan ŋgoo.

Aysaya 53:11

Wù wíy yen ŋgeʼ, yì mayì, lóo yen vijuŋ ve yì wìyìn shó, kiiy nsàv, é shilív sə́ shí neem é nsay. Nyùy Tàr suuy jii, «Rúrú, ŋgaà wom lìm wíy yiì, aá mayir ajay wìr anín, bìʼ fo wun wo wù yòʼ kér jay wíy bèʼèy ajay wìr anín.

Ŋgaà Yen 3:1

Wìr wo mò‑oò yenen və̀y nèn kfə̀n sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Sardis. A wú dzə̀ jii: «Kinyo kìn ki sùúy mo wo kiyoy kee saàmbàwìr wo dzəə̀n wo Nyùy wùn à shijiy shee saàmbà shi dzəə̀n e mǒ kiwo. M kì vinyo ve vèn rə́si yii vidzə̀m, a ví yénsin ji vèn dzə̀ atin fo Nyùy mbìv. Yii bèy, a vèn kpù ne kpuún fó fo.

Aysaya 40:11

Wù wíy a leéy fo wír vəə́ kijuŋ, kù mo nshìy lèéy fo njiì və. Wù wíy a geʼsín aáwune, kù mo nshìy yii lo, wù shùr wan njiì, e kòytí. Wù wíy a dànèr áwune ji weè weè, kù mo á dànèr anjiì ve á nyoor wón.

Nahum 1:7

Nyùy Tàr dzə̀ e juŋ, a dzə̀ kibeey keé ghan sé ŋgeʼ. Wù yii géʼsin e wír ve á lir e wun sari.

Joon 10:13

A wù nyéŋ bèy, bìʼ fo á liìn wun líin, a bó yòʼ dzə̀ nsaʼ rə fó njiì foo fèy.