Joon 1:49 - ŊWÀʼ NYÙY

⁴⁹ Nataniar nèn yòŋ ji «Ŋgaà Yèʼey, à dzə̀ rú Wan Nyùy. À dzə̀ Fon woó Isray.»

Joon 1:49 Referans Kwoze

Joon 1:34

Mo m yenen, m nén a fìʼtì wír və̀n ji dzə̀ á wùwun wo dzəə̀n Wan Nyùy.»

Sekariya 9:9

Éè wìr veé Sion, vèn wáa sheʼrí e mbòómbòŋ. Éè wìr veé Jerusalem, vèn wáa ndzəʼ. Vèn yén mo fòn won wiyì, wiy e sáʼ yee tìítiyi, séŋ nsiì, e kù yòʼ lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.

Tsəfaniya 3:15

Nyùy Tàr tsə̀ʼ ne ŋgeʼlàʼ yen, wù jùm ne aŋgàa vibàn vén. Nyùy Tàr woo Fon wìr veé Isray dzə̀ vèn áwune. Vèn yòʼ dzəə́ wìy a fàn ŋgeʼ yìmòʼ.

Ŋwàʼ Luk 19:38

Aá kwá jii, «Nyùy Tàr ku səə̀vì Fon wo wù wiy e wùn yir və̀n. Nyùy woó yuv dzə̀ Ŋgaà Nyaáŋ. Á wáa burí Nyùy woó ntoò yùv.»

Matio 27:42

«Wù‑uù ghán, luŋèr wíri, a bó yòʼ dzə̀ wù lùŋèr kfə́ kee kitú. Wun woo Fon wìr veé Isray, wù sə́ʼə́y ri lèn fo kintam, é vèr yén, e biìmé wun.

Matio 21:5

«Vèn suúy e wír veé *Sione jii, ‹Vèn yén mo Fòn won wiyì. Wù lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.› »

Matio 2:2

wan wo á dzəən ji Fon wìr veé Juda sà bèé á? Áwune dzə́r bèn a, bìʼ fo vé‑ee yenen, a sàŋ və ló, e nèn a wìy a ji á bun wun.

Joon 1:38

Jesus bìnkìr, e yèn, aáwune wiy e wùn bàm, wù dzə́r jii, «Vèn du fèé e mǒ bàm?» Á yòŋ jii, «Rabbi, vèr taʼ, e yen fo à shiiyì.» Á wáa yòŋ bèy, a Rabbi dzə̀ ji Ŋgaà Yèʼéy.

Matio 27:11

Mo á liìn Jesus, e tìír e ŋgaà saʼ bàràʼ si, wù dzə́r shó jii, «À dzə̀ Fon wìr veé Juda à?» Jesus bìnèr jii, «À sùúy ne.»

Matio 14:33

Wón lìm ve vé‑eè dzəə̀n é kikoŋe nèn tsə̀m e Jesus si, a shòŋrì jii, «À dzə̀ rú Wan Nyùy.»

Joon 18:37

Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

Mayka 5:2

Fo ké ki, wò woo Betlehem Efrata, aà kù dzə̀ shintèntèʼ ben e nsay Juda, yii bèy, a wìr wo wù wíy a saʼ wír veé Isray wíy fəə a dzə̀ fo wò mvəm, wír feyì, a wù kù‑uù sì, e kèʼ fo yàŋgùʼ.

Hosea 3:5

Yii bèy, a ghán sí wíy gheén, é wír veé Israyi binkir, a leéy a dzə̀ Nyùy Tàr woo Nyùy wov, e kfə̀n a leéy wír wo wù wíy fəə fo Davir ram, a dzə fon wov. Wíy lòo dzə e ghan sé bàm sí, aáwune wáa koʼtí e Nyùy Tǎr si, a fàn, a yàʼ, a kìʼ kisəəvì a dzə̀ ke fó wun woo Nyùy.

Aysaya 9:7

Sáʼ rəə́ kù wíy a kuy, a dù duùn fó mbìy, a kitúm kfə́ kí kù wíy a neŋ e mvə̀m vikùʼùy ji dèʼ. Wù wíy a saʼ ji njìlaʼ Fòn Davir, e kù a tiy a dzə̀ é kinyò kee réŋ kí, a saʼ vifon və́ tìítiy, là kiloʼ, a bó sáʼ rəə́ yòʼ wíy mày. Nyùy Tàr woo Taà Mànjòŋ kù wíy yiì kinyo kìn bìʼ shíi və.

Nsùyrì Nyùy 110:1

Nyùy Tàr‑iì sùúy e tàr wor jii, «Dzə̀ʼə̀m e mǒ koy yìyí, e meé e ghan se m wíy neèr aŋgaà vé vibàn e wò si, áà tiír wuú yé sho.»

Daniel 9:25

Ku yuùrí kijuujùŋ, a kiíy jii, kèʼ mo ntum Nyùy‑iì fəən ji á baʼri Jerusalem, e siìr fo, ghán sí wíy shaà kiyá saàmbà, kàŋ saàmbà, e meé mo taà saʼ wo á yoʼon ne wíy wìy. Á wíy bom Jerusalem, e naŋsín dzə́ə seé mvə̀m sé laʼ wùn à virə́v vé kày vi, é wù tiím fó kiyá saàmbà, kàŋ nshòv sibaà e mntuùfú. Ghán sin si kù wíy a dzə sé ŋgeʼ.

Nsùyrì Nyùy 2:6

«Mómò, m kòʼór ne wóom woo fon, e lèm e Sion woo gwan wom wo ranén.»

Matio 4:3

Satan woo ŋgaà mùm wìy, e sùúy sho jii, «Mo à dzəə̀n Wan Nyùy, suúy ri, é tíy sin si binkir ji ntuʼ se kiban, áà yí.»

Matio 23:7

Aá kfə̀n koŋ fó a ghan, a kar e virə̀ʼ vé way, é wíri wáa shàʼtì áwune, a shòŋrì jii, ‹Ŋgaà yèʼey, ŋgaà yèʼey.›

Matio 23:8

«Lá vèn yòʼ a yiì bèy. Lá wìr yòʼ wìy biìmé ji á wáa yòŋ wun ji ŋgaà yèʼey. Vèn tàtí ne adzə̀m ji afə́r, a ŋgaà yèʼey won kù jòʼsì e mòʼón.

Maak 15:32

Wun woo *Mfə̀ə́r woo Fon wìr veé Juda, wù sə́ʼə́y ri fo kintam, é vèr yén, e wày shilív é wùn wó.» A wír ve vé‑eè tamen e Jesus ghaŋe kù shur sa wun e liy si bey.

Ŋwàʼ Luk 1:35

Nshìylav Nyùy bìnèr sho jii, «Kiyoy ke Ranén kí yíi wìy fo wò, é Nyùy woo Taà Vitu yii e vitaáví və́ ví, áà tiím bvəm. Bìʼ bey, aá nèn wìy a yòŋ wán woo shooy ji wo ranén, e kfə̀n a yòŋ ji Wan Nyùy.

Joon 1:50

Jesus bìnèr jii, «À biìmé lèn bìʼ fo m toʼon cáʼcáʼ ji m kì kì ji à dzə́ é sar kici a? À wíy yen vinyo ve ghaʼán ví, e shaà kin.»

Joon 4:31

A wón və́ lìme kì sìíy ne, a boòrì jii, «Ŋgaà Yèʼey, ku yì kifá ki.»