Joon 1:48 - ŊWÀʼ NYÙY

⁴⁸ Nataniar dzə́r jii, «À ghàn é le, e bóo kiíy mo m dzəə̀n?» Jesus bìnèr jii, «Kú a kiíy jii, bo Filiv wiy, a jàŋ wò fo sar kici ké *fig, a m kì kì ji à dzə̀ á fo.»

Joon 1:48 Referans Kwoze

Aysaya 65:24

Á wíy a jì ji á wáa toŋ e mò, a m biímé ne, lóo bunrì, aá dzəə́ bunrì bùnrìn, a m yú ne.

Joon 2:25

A bó yòʼ‑oò dzə̀ á kfə̀n a naàrì liì wìr sho náarin gheéy. Wù‑uù kì vinyo vidzə̀m ve ví dzəə̀n e wìr shiliv.

Matio 6:6

Lá vèn yòʼ a yiì bèy. Wìr lóo bùnrì, wù nə̀ə́ e wùn mvə̀m lav, e sə̀tí shúu lav, e bó a suŋnín e Tàr wov wo bó á yòʼ yii yéné, é wun woo Tàr wov wo wù yén vinyo ve á yii e kilìr vidzə̀m wìy laàmé wun.

1 Korin 14:25

Mo kí sáʼ bèy, é wù nèn kuùmé vinyo ve wù litì e wùn shiliv vidzə̀m, e tsə̀m fó nsay, a fo ghvə́m e Nyùy, a binsí ji Nyùy dzə̀ rú e věn mvəm.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Matio 10:3

Filiv wùn Batolome, Tomar wùn Matio wo wù‑uù báʼti mbàm se bàràʼ, Jeem woo wan Afiyur, Taadiyor wùn

Joon 1:44

A Filiv və̀n‑eè dzə̀ wír woó mvə̀mlaʼ yee Besayda, a dzə̀ fo láʼ Andru wùn Pitàa‑aà dzəə̀n.

Joon 6:5

Jesus lòo màʼ sí, e yèn, a màŋgòŋ wiy ji á yén a wun. Wù nèn dzə̀r e wan və lìm woo Filiv jii, «A dzə̀ vèsən yùn vifá ve yi fo feé fen, e bóo yiír màŋgòŋ və̀n sho?»

Joon 6:7

Filiv bìnèr sho jii, «Aá fə̀m yùn vifá ve yi e shùu danari ghii baà, la wír vìne yòʼ yì, e yù.»

Joon 12:21

Áwune wìy, e tàʼ Filiv wo dzəə̀n wír woó Besayda, a dzə̀ ntèʼ é mbìv wòŋ yeé Galeli. Á yén, e sùúy sho jii, «Taàtá, vèr taʼ ji á yén Jesus.»

Joon 14:8

Filiv nèn sùúy sho jii, «Tàr, ku dìn ver Tàr won woo shooy, é bo vèr kiíy, e yàr.»