Joon 1:45 - ŊWÀʼ NYÙY

⁴⁵ Filiv nèn dù, e yèn wír wo á yoŋ ji Nataniar, e sùúy sho jii, «Vèr yèn ne wír wo Mooser‑iì saŋen e wùn Ŋwàʼ Nsər, *aŋgàa ntum Nyùy ámóʼó kfən sàŋ sá ji wù wíy wìy. Ŋgaàŋ dzə̀ Jesus, a dzə̀ wír woó Naasarer, aá yoŋ tàr wov ji Joosev.»

Joon 1:45 Referans Kwoze

Ŋwàʼ Luk 24:27

Jesus nèn kèʼ, a toʼtí vinyo vidzə̀m ve vé‑eè saŋen é Ŋwàʼ Nyùy bìʼ wun, e kèʼ fo ve Mooser‑iì saŋen ví, e tùmsín e vé *aŋgàa ntum Nyùy vi adzə̀m.

Mayka 5:2

Fo ké ki, wò woo Betlehem Efrata, aà kù dzə̀ shintèntèʼ ben e nsay Juda, yii bèy, a wìr wo wù wíy a saʼ wír veé Isray wíy fəə a dzə̀ fo wò mvəm, wír feyì, a wù kù‑uù sì, e kèʼ fo yàŋgùʼ.

Matio 2:23

a dzə e ntèʼ ye á yoŋ ji Naasarer. A kí‑iì kòóy bey ji kinyo ke *ŋgaà ntum Nyùy wùmòʼ‑oò yiìn ne fìʼtì ki fiʼ ghèén. Wù‑uù fìʼtì jii: «Á wíy a yòŋ *Mfə̀ə́r ji wír woó Naasarer.»

Ŋwàʼ Luk 24:44

Wù nèn lò, e sùúy aáwune jii, «Kinyo ke vèn yenen lán kìn ki dzə̀ ke mò‑oò suuy e vèn, a vèsən dzə̀ə́. Mò‑oò suuy jii, vinyo vidzə̀m ve vé‑eè saŋen é Ŋwàʼ Nsər Mooser, e sàŋ é Ŋwàʼ Aŋgàa Ntum Nyùy bìʼ mo, e kfə̀n sàŋ é Ŋwàʼ Nsùyrì Nyùy Nyùy vi kù kér fó wìy gheén.»

Aysaya 7:14

Mo á tenen ne fóo lon kisəəm fo Nyùy Tàr, bo wúnwun woo Nyùy Tàr lo, e dìn a kisəəm aáwune. Á yuúrí á kijuŋ, wánlè ŋgòn woo shó wíy tiím a bvəm, e dzəə́ wán lumèn, dzəə, é wù shu á yír ji Immanuel.

Ŋwàʼ Luk 4:22

Wíri wáa yuurí vinyo ve wù suuyì, a ví boŋ e ŋàŋ, a ker gháʼ, a binsí wun, e bóo kfə̀n a kfə̀ynìn jii, «Bó və̀n yòʼ dzə̀ wan Joosev à?»

Sekariya 9:9

Éè wìr veé Sion, vèn wáa sheʼrí e mbòómbòŋ. Éè wìr veé Jerusalem, vèn wáa ndzəʼ. Vèn yén mo fòn won wiyì, wiy e sáʼ yee tìítiyi, séŋ nsiì, e kù yòʼ lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.

Aysaya 9:6

Kí dzə̀ jii, vèsən kòóy ne wán. Á fò ne vèsən wán lumèn. Wù wíy a saʼ vifon. Á wíy a yòŋ wun jii, Ŋgaà Ntir wo ghaʼán, Nyùy wo kuʼùn, Tàr wo wù gòʼòn kàŋ mòʼón, Wan Fòn woo Ŋgaà Nyaáŋ.

Sekariya 6:12

Suúy e Joshua ji Nyùy Tàr woo Taà Mànjòŋ suuy a jii, ‹Wìr wo yír rəə́ dzəə̀n ji Tám, və̀ne. Wù kù wíy ŋeʼém fo wù dzəə̀n, e bàʼrì lav cù Nyùy Tàr.

Aysaya 53:2

Wìr lìm Nyùy‑iì kúy e Nyùy si moo kifá ke kí toon toón, tó bèy, a megháŋ mè kù dzə̀ a dzə̀ é nsay ŋgaŋ. Ké ru kí, wù yòʼ‑oò ló a ker sí ye juŋe, a kìʼ e njà wìr ye vèr wáa ker shií wó a leéy wun. Wù‑uù dzə̀ ben là viwìr, ye bó yòʼ‑oò dzə̀ vèr wàa ker shií ji bo á kì jumrì wun.

Joon 18:7

Wù nèn kfə̀n dzə̀r jii, «Vèn taʼ a dzə̀ la?» Á kfən bìnèr jii, «Jesus woó Naasarer.»

Aysaya 4:2

Wíy lòo dzə e ghan fóo fèy, é Nyùy Tàr yii, é tám kici wo fíyi tó, a dzə kifá ke kí din vijuŋ wùn à vikuʼùy ví. Nsay wíy fəə́r vifá ve yi nyanyày, é shúu wáa ma wír veé Isray ve á wíy bòy fo ŋgeʼlàʼ. Aáwune wáa yu wún bìʼ vifá ve nsay yev fəərì.

Kèʼlo 22:18

Mo à yuun jí yem, e lèm, m wíy shaà fo wò ram, e səə̀vì vitúm veé kitu ke nsay vidzə̀m.»

Maak 6:3

Bó sà yòʼ dzə̀ ŋkom vicì woo wan Maria wo afə́r vəə́ dzəə̀n Jeem, wùn à Joser, à Judar, à Simon a? Bó jemèr sə́ sí sà yòʼ dzə̀ aáwuné ntèʼ fen a? Áwune gháy bey, e nèn kèʼ a meŋ wun.

Matio 21:11

Màŋgòŋ wáa bìnèr jii, dzə̀ á Jesus woo ŋgaà ntum Nyùy, a wù lò fo Naasarer, e Galeli.

Kèʼlo 49:10

Kitoómé ké vifòn ki yòʼ wíy buú fo Juda. Kitoómé ké saʼ ki yòʼ wíy buú fo wun nsàn vibìy, e dù, e meé e ghan se ŋgaà kitoòmé wiyì, a dzə̀ wun wo vitúm vidzə̀m vi wíy a yunín.

Kèʼlo 3:15

M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»

Lim Aŋgàa Ntum 22:8

M dzə́r jii, ‹Dzə̀ wò lá Tàr?› Wù bìnèr jii, ‹Dzə̀ mo Jesus woó Naasarer wo à rə́si ron wuú yém.›

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Joon 21:2

wón lìm Jesus ámóʼó‑oò dzə́ fo, aá dzə̀ jii, Simon Pita, wùn à Tomar wo vé‑eè yoŋ sa ji Wóné, à Nataniar wo dzəə̀n wír woó Kaana e wòŋ Galeli foo fèy, à wón Sebedi vee abàá, wùn à wón lìm Jesus ámóʼó sá abaà.

Ŋwàʼ Luk 2:4

Joosev nèn lò fo Naasarer e ntèʼ yeé Galeli, e lì Maria wo vé‑eè juùrìn shó, wùn wun wáa dù e mbìv wòŋ yee Juda ji á táŋ á áwune é Betlehem fo vé‑eè dzəən Fòn Davir, bìʼ fo Joosev‑iì dzəə̀n wír woo Fòn Davir ram. Á wáa dù bèy, a Maria kì dzə̀ e bvə́me.

Maak 14:67

e yèn wun fo, a wù yór və́y, e tùy sí e wùn wó, e sùúy jii, «À dzə́ bèn, a wò‑oò dzə̀ sá vèn à wìr woó Naasarer woo Jesus və̀y.»

Matio 13:55

Bó sà yòʼ dzə̀ wan Joosev woo ŋkom vicì, a yè wov dzə̀ Maria a? Afə́r vəə́ sà yòʼ dzə̀ Jeem wùn à Joosev, à Simon, à Judar a?

Lim Aŋgàa Ntum 26:9

«A mo woo Por‑iì lo wày sá feyì ji m ku mùm ke dzə̀ m mùm, e fíʼ laàr yír Jesus woó Naasarer.

Lim Aŋgàa Ntum 3:6

Pita suúy shó jii, «Bó m yòʼ kér mbàm gheéy, a mo‑óò fó wò kém kee kifá ke m kérí. M suuy e wò e Jesus Kristu woó Naasarer yir jii, lò, a ghan.»

Lim Aŋgàa Ntum 2:22

Pita nèn kfə̀n yòŋ jii, «Ven vee wír veé Isray, vèn kfən yuùrí. Jesus woó Naasarer dzə̀ wír, a Nyùy‑iì lo dìn e vèn kiránén ji tùm á wun mo wù‑uù fó vitaáví shó, a wù yii viŋgaʼnìn ve vinyò ve ví din vitaáví vé Nyùy, a wíri leey, kér gháʼ. Vèn kì bey, bìʼ fo vinyo vee shooy vi‑iì kooy a dzə̀ e věn mvəm.

Joon 19:19

Payler sáŋ kinyo kímóʼ kí, e fò, á bárír é kintam ke vé‑eè taan Jesus sho, a kí dzə̀ jii, «Jesus woó Naasarer, Fon wìr veé Juda.»

Joon 18:5

Á bìnèr jii, «Jesus woó Naasarer.» Wù nèn sùúy jii, «Dzə̀ mo woo shó və̀n.» A Judar woo ŋgaà və menàŋ və̀y tíy sa wùn áwune.

Joon 6:42

a kfə̀ynìn jii, «Bó wìr və̀n yòʼ dzə̀ Jesus woo wan Joosev à? Vèsən kì tàr wov wùn yè wov. A dzə̀ wù wàa suúy lèn ji wun wìy a dzə̀ fó yuv é le?»

Ŋwàʼ Luk 3:23

Wáa dzə e ghan se Jesus‑eè kèʼèn lim rə́, a wù sì moo kiyá mtaár bèy, a wíri kí ji wù dzə̀ á wan Joosev. A Joosev‑iì dzə̀ wan Heli

Matio 10:3

Filiv wùn Batolome, Tomar wùn Matio wo wù‑uù báʼti mbàm se bàràʼ, Jeem woo wan Afiyur, Taadiyor wùn

Ŋwàʼ Luk 2:48

Mo tàr wov wùn yè wov yenen wun, shuu wóví yúm. Yè wov yòŋ jii, «Wàn, à lòvtí e vèr ben ji ka? Kú a kiíy ji vèr tàr won tàʼ ne wò, e dòr, a fàn ji kìn kinyo ki kòóy ne wò.»

Joon 1:44

A Filiv və̀n‑eè dzə̀ wír woó mvə̀mlaʼ yee Besayda, a dzə̀ fo láʼ Andru wùn Pitàa‑aà dzəə̀n.

Joon 6:5

Jesus lòo màʼ sí, e yèn, a màŋgòŋ wiy ji á yén a wun. Wù nèn dzə̀r e wan və lìm woo Filiv jii, «A dzə̀ vèsən yùn vifá ve yi fo feé fen, e bóo yiír màŋgòŋ və̀n sho?»

Joon 6:7

Filiv bìnèr sho jii, «Aá fə̀m yùn vifá ve yi e shùu danari ghii baà, la wír vìne yòʼ yì, e yù.»

Joon 12:21

Áwune wìy, e tàʼ Filiv wo dzəə̀n wír woó Besayda, a dzə̀ ntèʼ é mbìv wòŋ yeé Galeli. Á yén, e sùúy sho jii, «Taàtá, vèr taʼ ji á yén Jesus.»

Joon 14:8

Filiv nèn sùúy sho jii, «Tàr, ku dìn ver Tàr won woo shooy, é bo vèr kiíy, e yàr.»

Ŋwàʼ Luk 18:37

Á suúy shó jii, wiy a Jesus woó Naasarer.