Joon 1:44 - ŊWÀʼ NYÙY

⁴⁴ A Filiv və̀n‑eè dzə̀ wír woó mvə̀mlaʼ yee Besayda, a dzə̀ fo láʼ Andru wùn Pitàa‑aà dzəə̀n.

Joon 1:44 Referans Kwoze

Joon 12:21

Áwune wìy, e tàʼ Filiv wo dzəə̀n wír woó Besayda, a dzə̀ ntèʼ é mbìv wòŋ yeé Galeli. Á yén, e sùúy sho jii, «Taàtá, vèr taʼ ji á yén Jesus.»

Matio 11:21

Wù nèn yòŋ jii, «Éè wìr veé Korasin, éè wìr veé Besayda, ŋgeʼ dzə̀ yéen. A mò‑oò yii viŋgaʼnìn ve vinyò ve mò‑oò rə́si yii e věn ntèʼ vin, a dzə̀ é ntèʼ see Taya wùn Sidon, bo vé‑eè yiì ne bìnèr melív mev fó ŋgùʼ, e màʼ ndzə̀y sé kpu, a ser e kibvə̀r.

Ŋwàʼ Luk 10:13

Jesus lò, e yòŋ jii, «Éè wìr veé Korasin, éè wìr veé Besayda, ŋgeʼ dzə̀ yéen. A mò‑oò yii viŋgaʼnìn ve vinyò ve mò‑oò rə́si yii e věn ntèʼ vin, a dzə̀ é ntèʼ see Taya wùn Sidon, bo vé‑eè yiì ne bìnèr melív mev fó ŋgùʼ, e màʼ ndzə̀y sé kpu, a ser e kibvə̀r.

Ŋwàʼ Luk 9:10

Aŋgàa ntum Jesus vìyi ghán, e kfə̀n é bàm, e fèr vinyo ve áwune‑eè yiìn vidzə̀m e Jesus. Wù yuúrí, e lò, e lì, wùn áwune bàr wún, a dù e mvə̀mlaʼ yee Besayda.

Maak 8:22

Jesus wùn à wón və́ lìme túmsín kibáŋ, e meèsín e ntèʼ ye á yoŋ ji Besayda. Wír ámóʼó nèn wìy e mfìr, a lon ji Jesus wàá kum, é sí rəə́ mvəʼəm.

Maak 6:45

Jesus ku nèn sùúy e wón və́ lìme jii, á wáa dù shùy, e nə̀ə́ e kikoŋ, a liysín e mbìv laʼ yeé Besayda, é wun siíy, e shàʼtì wíri, aá wáa kfən a fo laʼ.

Maak 3:18

Aámóʼó dzə̀ Andru wùn Filiv, à Batolome, à Matio, à Tomar wùn Jeem woo wan Afiyur, à Taadiyor, à Simon woo ntom wòŋ,

Matio 10:3

Filiv wùn Batolome, Tomar wùn Matio wo wù‑uù báʼti mbàm se bàràʼ, Jeem woo wan Afiyur, Taadiyor wùn

Lim Aŋgàa Ntum 1:13

Á wìy, e nə̀ə́ e lav, e nèn tòsín, e kòʼ e yee fó yuv fo áwune‑eè bee. A vé‑eè dzə̀ jii, Pita, Joon, Jeem wùn Andru, Filiv wùn Tomar, Batolome wùn Matio, Jeem woo wan Afiyur, à Simon wo vé‑eè yoŋ ji ntom wòŋ, wùn à Judar woo wan Jeem.

Ŋwàʼ Luk 6:14

A wír ve wù‑uù shoʼtiné dzə̀ jii, Simon wo wù‑uù yoŋ yír rə́ yímóʼó sá ji Pita, wùn Andru woo fər wun woo Simon. Ámóʼó jii, Jeem wùn Joon, Filiv wùn Batolome,

Joon 1:43

Ndzə kfən bvəə̀shí, e ràn é kishiíy kímóʼ kí, Jesus nèn wày ji wun du a e mbìv wòŋ yee Galeli. Wù lòo dù, e yèn wír wùmòʼ, aá yoŋ ji Filiv, e sùúy sho jii, «Wìyi, é wòsò wáa ghan.»

Joon 1:45

Filiv nèn dù, e yèn wír wo á yoŋ ji Nataniar, e sùúy sho jii, «Vèr yèn ne wír wo Mooser‑iì saŋen e wùn Ŋwàʼ Nsər, *aŋgàa ntum Nyùy ámóʼó kfən sàŋ sá ji wù wíy wìy. Ŋgaàŋ dzə̀ Jesus, a dzə̀ wír woó Naasarer, aá yoŋ tàr wov ji Joosev.»

Joon 1:46

Nataniar yú, e nèn sèʼér seʼerín jii, «A dzə̀ lùŋfófo wùmòʼ fəə̀ fó Naasarer à?» Filiv bìnèr jii, «Wìy ri, e dù yèn.»

Joon 1:48

Nataniar dzə́r jii, «À ghàn é le, e bóo kiíy mo m dzəə̀n?» Jesus bìnèr jii, «Kú a kiíy jii, bo Filiv wiy, a jàŋ wò fo sar kici ké *fig, a m kì kì ji à dzə̀ á fo.»

Joon 6:5

Jesus lòo màʼ sí, e yèn, a màŋgòŋ wiy ji á yén a wun. Wù nèn dzə̀r e wan və lìm woo Filiv jii, «A dzə̀ vèsən yùn vifá ve yi fo feé fen, e bóo yiír màŋgòŋ və̀n sho?»

Joon 6:7

Filiv bìnèr sho jii, «Aá fə̀m yùn vifá ve yi e shùu danari ghii baà, la wír vìne yòʼ yì, e yù.»

Joon 12:22

Filiv nèn dù, e bì Andru, wùn wun dù, e sùúy e Jesus.