Joon 1:43 - ŊWÀʼ NYÙY

⁴³ Ndzə kfən bvəə̀shí, e ràn é kishiíy kímóʼ kí, Jesus nèn wày ji wun du a e mbìv wòŋ yee Galeli. Wù lòo dù, e yèn wír wùmòʼ, aá yoŋ ji Filiv, e sùúy sho jii, «Wìyi, é wòsò wáa ghan.»

Joon 1:43 Referans Kwoze

Joon 14:8

Filiv nèn sùúy sho jii, «Tàr, ku dìn ver Tàr won woo shooy, é bo vèr kiíy, e yàr.»

Matio 9:9

Jesus lò fo fo, e lòo dù, e yèn wír wùmòʼ, aá yoŋ ji Matio, a dzə̀ wír wo wù‑uù báʼti mbàm se bàràʼ, a wù dzə́ e wùn kirə̀ʼ ké lìm. Jesus suúy shó jii, «Wìyi, é wòsò wáa ghan.» Matio nèn lò, wùn wun wáa ghan.

Aysaya 65:1

Nyùy Tàr ku nèn a suúy jii: «Mò‑oò dzə̀ kibáʼtín féyì ji m sə́ wír vém, fə̀m mo áwune yòʼ‑oò ló ne màʼ jí ji m sə́ áwune. M kù‑uù ló a tàʼ ji m sə́ áwune, fə̀m mo áwune yòʼ‑oò ló a dzətí mo. Kitúm kìn ki yòʼ‑oò ló a toŋ e mò ji m sə́ áwune. Yii bèy, a m kù yoŋ kém jii, ‹M dzə̀ fen, a m dzə̀ kibáʼtín fó sə ven.›

Joon 12:21

Áwune wìy, e tàʼ Filiv wo dzəə̀n wír woó Besayda, a dzə̀ ntèʼ é mbìv wòŋ yeé Galeli. Á yén, e sùúy sho jii, «Taàtá, vèr taʼ ji á yén Jesus.»

1 Joon 4:19

Vèn kuúmé ji vèsən koŋ Nyùy, kfə̀n koŋnìn lèn, bìʼ fo yì‑iì kèʼèn wun woo Nyùy, a kòŋ vèsən.

Joon 6:5

Jesus lòo màʼ sí, e yèn, a màŋgòŋ wiy ji á yén a wun. Wù nèn dzə̀r e wan və lìm woo Filiv jii, «A dzə̀ vèsən yùn vifá ve yi fo feé fen, e bóo yiír màŋgòŋ və̀n sho?»

Filipi 3:12

A bó m yòʼ suuy bèn ji m sí yii a vinyo ve m shóvti sí, leey vìn vidzə̀m, kìn ji m ràn ne a fo vinyò foo fèn. Yii bèy, m kù tùytí sí, a leéy fó mbìy ji m ghár á vinyo vee shooy e mǒ kiwo, bìʼ fo Kristu‑uù liìn mo ji wír və ji m wáa yiì vinyo vee shooy.

Joon 1:28

Á wáa dzətí e Joon bey, aá dzə̀ é ntèʼ yee Betani ye yì dzəə̀n é ndzə̀n ndzə̀v yee Jordan, a dzə̀ fó, fo Joon‑eè wáy wíri é ndzəv.

Ŋwàʼ Luk 19:10

a ŋgaà wo yírí dzəə̀n *Wanwìr wìy fó tàʼ wír ve vé‑eè làykìn ne, e lùŋèr.»

Matio 10:3

Filiv wùn Batolome, Tomar wùn Matio wo wù‑uù báʼti mbàm se bàràʼ, Jeem woo wan Afiyur, Taadiyor wùn

Joon 6:7

Filiv bìnèr sho jii, «Aá fə̀m yùn vifá ve yi e shùu danari ghii baà, la wír vìne yòʼ yì, e yù.»

Joon 1:35

Kfən wìy lòo dzə kibvəə́shí kímóʼ kí, a Joon tíy e kirə̀ʼ wùn à wón və́ lìme abaà,

Matio 4:12

Jesus lòo yu, e yù ji á koò ne a Joon, e wày é sháŋ, wù nèn lò fo wù‑uù dzə́, e kfə̀n é mbìv wòŋ yee Galeli.

Matio 8:22

Jesus bìnèr e woo shooy jii, «Kú a wìy wìyìn, e màʼtì, é wír ve á siìn ji aŋkfəə wìy a dzəə̀mè aŋkfə vév.»

Joon 1:29

Yì rán kibvəə́shí, Joon yén Jesus, a wù wiyì, e nèn a dìn e wíri jii, «Vèn yén wír wo wù mán vinyo ve wír veé ndzə adzə̀me jáyí. Wù dzə̀ moo wan njiì wo Nyùy seé, e taŋrí wíri shó.

Joon 1:44

A Filiv və̀n‑eè dzə̀ wír woó mvə̀mlaʼ yee Besayda, a dzə̀ fo láʼ Andru wùn Pitàa‑aà dzəə̀n.

Joon 2:11

Jesus‑eè yiì kinyo kìn e Kaana woó Galeli foo fèy, a dzə̀ kiŋgaʼnìn ke kinyò ke mbìy ki ke wù‑uù dìnèn, wíri wáa yen vitaáví ve Nyùy foon shó. Mo wón və́ lìme yenen, e nèn màysì, e wày shilív é wùn wó.

Joon 1:37

Wón lìm Joon víyi yú bey, e nèn a dù e Jesus bàm.