Joon 1:38 - ŊWÀʼ NYÙY

³⁸ Jesus bìnkìr, e yèn, aáwune wiy e wùn bàm, wù dzə́r jii, «Vèn du fèé e mǒ bàm?» Á yòŋ jii, «Rabbi, vèr taʼ, e yen fo à shiiyì.» Á wáa yòŋ bèy, a Rabbi dzə̀ ji Ŋgaà Yèʼéy.

Joon 1:38 Referans Kwoze

Joon 18:7

Wù nèn kfə̀n dzə̀r jii, «Vèn taʼ a dzə̀ la?» Á kfən bìnèr jii, «Jesus woó Naasarer.»

Joon 3:2

Wù nèn wìy lò vitsə́ʼ vímóʼ ví, e dù, e yèn Jesus, e yòŋ jii, «Ŋgaà Yèʼey, vèr kì ji tùm Nyùy wò ji à wiy, a yeʼéy ver. Bó yòʼ dzə̀ wìr wàa yiì viŋgaʼnìn ve vinyò ve à yii vìn, a bó túm Nyùy ŋgaàŋ.»

Joon 1:49

Nataniar nèn yòŋ ji «Ŋgaà Yèʼey, à dzə̀ rú Wan Nyùy. À dzə̀ Fon woó Isray.»

Ŋgàn 8:34

Bòŋ ké wìr wo wù yú jí yem, dzə́ e mǒ shùu lav, shiy mo é shùu kày.

Nsùyrì Nyùy 27:4

M kù lón a dzə̀ kinyo kimòʼón fo Nyùy Tàr, a dzə̀ kíwun ke m diyì. M koŋ ji m kú a rəsí a e Nyùy Tǎr lav, e dù, e meé mo m wíy kpu, a leéy vijuŋ ve Nyùy Tàr, a yu ntir si fo wun shuù.

Joon 18:4

Jesus‑eè kìíy ne kinyo ke kí kér fó koóy wun kidzə̀m, wù nèn kòʼtí fo mbìy, e dzə̀r e wír vìyi jii, «Vèn taʼ a dzə̀ la?»

Joon 6:25

Á dù, e yèn é ndzən və̀sə, e ŋgèém jii, «Ŋgaà Yèʼey, à kì wìy ké fèn e ghàn ka?»

Joon 3:26

Wón lìm Jooné nèn lò, e dù, e yèn wun, e yòŋ jii, «Ŋgaà Yèʼey, kuúmé wír wo vèn wun‑eè dzəə̀n é ndzə̀n ndzə̀v yee Jordan, aà din e wíri və̀y. Və̀sə lèn mo wù sí wáy sa wíri é ndzəv, a wìr dzə̀m sí du a dzə̀ fó.»

Lim Aŋgàa Ntum 10:29

M nen wìy fèn mo vé‑ee jàŋèn mo, là kinyo. A m dzə́r e vèn jii, vèn sà‑aa jaŋ mo ji ka á?»

Joon 12:21

Áwune wìy, e tàʼ Filiv wo dzəə̀n wír woó Besayda, a dzə̀ ntèʼ é mbìv wòŋ yeé Galeli. Á yén, e sùúy sho jii, «Taàtá, vèr taʼ ji á yén Jesus.»

Ŋwàʼ Luk 19:5

Jesus dù, e mèé e sar kici fey, e lèéy yúv, e yòŋ jii, «Sakiyor, sə́ʼə́y cér, m yíi shiíy e wò lav lán.»

Lim Aŋgàa Ntum 10:21

Pita nèn sə̀ʼə́y, e sùúy e wír vìyi jii, «Dzə̀ mo wo vèn taʼà. Vèn wìy ji ka?»

Ŋwàʼ Luk 22:61

Taàtá Jesus bìnkìr fo wù kì tíyí, e lòo leéy Pita, sí yev wune tárnín, wù nèn kuùmé kinyo ke Taàtá Jesus kì suuyin jii, «Kiyuú ki yíi lòo jì ji kí tóŋ, aà méŋ ne mo akàŋ ataár.»

Ŋwàʼ Luk 15:20

«Wù nèn lò, a kfən fo tàr wóv wùn. Wù dù, e lòo meʼ láʼ, tàr wov yén, a wù dzə̀ə́ ntàmda, e kìíy. Mendzən me wan və mè rə́r wun, wù nyéŋ, e dù, e baàmé, a nyòʼtì.

Ŋwàʼ Luk 14:25

Jesus kfən lòo dù ghán rə́, màŋgòŋ shém fó bàm nyanyày. Wù yiì lò, e bìnkìr, e sùúy aáwune jii,

Ŋwàʼ Luk 10:39

Wù‑uù kér fə́r və woo wiíy wùmòʼ, aá yoŋ ji Maria. Mo Jesus duùn, e nə̀ə́, Maria ku nèn dzə̀ʼə̀m a dzə̀ e Jesus ghaŋ, a yuurí kinyo ke wù‑uù yéʼeyì,

Ŋwàʼ Luk 8:38

Wù lòo dù, ŋgaà anyùy və̀y wáa lon ji bo wùn wun kì gháné. Jesus sháʼnín, e sùúy sho jii,

Ŋgàn 13:20

Wìr shém ŋgoo afiì, wù kfə̀n ji fií, shém ye viyùŋ, wù bìvír kitú kfə́.

Ŋgàn 3:18

Ví dzə̀ rú kicí ke wìr yí, wù kòóy dzəʼə̀m, a bòŋ ké wìr ve á lumen, e kpù shó.

Ŋwàʼ Rut 1:16

Rut nèn bìnèr jii, «Kii wò, lá à yòʼ a yòŋ ji m maʼti á wò. «Kìn à du a dzə̀ feé, bo kù du wòsò. Kìn à yíi a dzə fèé, bo kù yíi a dzə wòsò. Wír vée yíi a dzə wír vém, Nyùy wo à bunrì dzə̀ wo m yíi a bùnrì.

1 Afòn 10:8

Bòŋ ké wìr vé, bòŋ ké nsheèlav sé, mo áwune rə́si tíy e wò si, yuúri vifií vé ghán sidzə̀m.

Yòvdìy 5:19

Yii bèy, Nyùy Tàr, à dzə̀ ké Fon woo là may. Sáʼ yée kù wíy a dzə ghán sidzə̀m, mo ŋgwàʼ si kóʼó.

Joon 1:37

Wón lìm Joon víyi yú bey, e nèn a dù e Jesus bàm.

Joon 1:39

Jesus bìnèr jii, «Vèn wiy ri, e yèn fó.» Á nèn dù fo, a sì shúy sikweè e ŋkuùr. Wùn áwune màysì kishiíy, e jìír.

Joon 4:31

A wón və́ lìme kì sìíy ne, a boòrì jii, «Ŋgaà Yèʼey, ku yì kifá ki.»